ព័ត៌មានជាតិ

អាជ្ញាធរជាតិអប្សរា អនុវត្តវិធានការ លើដើមឈើមានហានិភ័យខ្ពស់ នៅខ្លោងទ្វារជ័យក្រុងអង្គរធំ

បានផុស

៥ years មុន

នៅ

ថ្ងៃពុធ ១ កញ្ញា ២០២១

ដោយ

គណៈកម្មការ អាជ្ញាធរជាតិអប្សរា បាននិងកំពុងចុះត្រួតពិនិត្យ ចំពោះដើមឈើមួយចំនួន នៅខ្លោងទ្វារជ័យក្រុងអង្គរធំ ដែលមានហានិភ័យខ្ពស់រៀបចំកាត់ និងបង្កលក្ខណៈងាយស្រួល សម្រាប់ការទស្សនាទេសភាពខ្លោងទ្វារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដើម្បីធានាសុវត្ថិភាពជូនភ្ញៀវទេសចរ ជៀសវាងគ្រោះថ្នាក់ប៉ះពាល់ដល់អាយុជីវិត និងបង្ការការបាក់ធ្លាក់មែកឈើ ឬដួលរលំដើមឈើ ដែលនឹងអាចបណ្តាលឲ្យខូចខាតដល់ចម្លាក់ថ្មបង្កាន់ដៃនាគផង និងបង្កលក្ខណៈងាយស្រួល សម្រាប់ការទស្សនាទេសភាពខ្លោងទ្វារ អាជ្ញាធរជាតិអប្សរា បានពិនិត្យ និងអនុវត្តវិធានការបន្ទាន់ ចំពោះដើមឈើមួយចំនួន ដែលមានហានិភ័យខ្ពស់។

លោក ឡុង កុសល អ្នកនាំពាក្យរបស់អាជ្ញាធរ អប្សរា បានឲ្យដឹងថា នៅថ្ងៃនេះ អាជ្ញាធរអប្សរា បានធ្វើការកាត់ក្រី និងដកហូតដើមឈើដែលមានហានិភ័យខ្ពស់នៅខ្លោងទ្វារជ័យ នៅក្នុងស្រុកអង្គរធំ ហើយដើមឈើដែលបានកាត់ដកហូតរួមមាន ដើមពង្រតូចៗ១១ដើម ស្នាយ២ដើម អាកាស្យា១ដើម ស្វាយ១ដើម ឈើទាលតូច១ដើម ខ្ចាស់១ដើម និងស្លែងតូច១ដើម ដែលស្ថានភាពដើមឈើទាំងនេះ ដុះទ្រេតជាប់នឹងរចនាសម្ព័ន្ធថ្មប្រាសាទ មានមែកដុះគ្របពីលើបង្កាន់ដៃនាគ។ ចំណែកដើមឈើបានកាត់ក្រីមែកចំនួន២២មែកចេញមាន ឈើទាល៦ដើម ចាន់១ដើម និងសិរមាន់១ដើម៕