ព័ត៌មានជាតិ

អ្នកភូមិទូលពពេល ស្រុកកញ្ច្រៀច ចាប់យកអាជីពចិញ្ចឹមចង្រិត ព្រោះមានទីផ្សារច្រើន

បានផុស

៥ years មុន

នៅ

ថ្ងៃសុក្រ ៣ កញ្ញា ២០២១

ដោយ

ប្រជាពលរដ្ឋរស់នៅភូមិទូលពពេល ឃុំគោកគង់លិច ស្រុកកញ្ច្រៀច ខេត្តព្រៃវែង បាននាំគ្នាចាប់យកអាជីពចិញ្ចឹមចង្រិតដែក ដែលសព្វថ្ងៃនេះគាត់ថា មានទីផ្សារច្រើន ហើយមានតម្លៃថ្លៃគួរសមអាចទទួលយកបាន ហើយរយៈពេលនៃការចិញ្ចឹមក៏ខ្លីដែរ ឆាប់បានប្រមូលផលទៀតផង ដោយប្រើរយៈពេល៤០ ថ្ងៃប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រជាពលរដ្ឋនៅក្នុងភូមិនោះបន្តទៀតថា ការចិញ្ចឹមចង្រិតនេះ គឺសម្បូរទៅដោយទីផ្សារមកទិញចង្រិតរបស់គាត់ដោយគាត់ផលិតមិនទាន់នឹងតម្រូវការអ្នកទិញនោះផង។ ហើយមិនពិបាកលក់ទេ ដោយមានឈ្មួញមកយកដល់ផ្ទះតែម្តង។

បងប្អូនប្រជាពលរដ្ឋនៅទីនោះអ្នកខ្លះចិញ្ចឹម១០ទ្រុង អ្នកខ្លះចិញ្ចឹម២០ទ្រុង ហើយក៏មានច្រើនជាងនេះក៏មាន ហើយក្នុងចង្រិតមួយគីឡូគឺគាត់លក់ក្នុងតម្លៃ១១,០០០ រៀល គាត់ក៏បានបន្តទៀតថាការចិញ្ចឹមចង្រិតនេះ ងាយស្រួលជាងចិញ្ចឹមមាន់ទាជ្រូកដោយប្រើរយៈពេលខ្លី គឺគាត់អាចទទួលបានផលហើយ ចំណែកការចំណាយចំណីក៏តិចដែរ ដោយចង្រិតស៊ីស្លឹកឈើ និងចំណីកូនមាន់បន្តិចបន្តួចតែប៉ុណ្ណោះ៕

អត្ថបទ៖ សៅគ្រី