ព័ត៌មានជាតិ
បាញ់ស្ត្រីជាសង្សារឱ្យស្លាប់ ហើយក៏បាញ់សម្លាប់ខ្លួនឯង តាមក្រោយសង្ស័យកើតរឿងប្រច័ណ្ឌ
មានភាពភ្ញាក់ផ្អើលមួយបានកើតឡើងបន្ទាប់ពីប្រទះឃើញបុរសម្នាក់ និងស្រ្តីម្នាក់បានដេកស្លាប់ឱបគ្នានៅក្នុងបន្ទប់ដោយខាងប្រុសជាអ្នកបាញ់ខាងស្រីរួចបាញ់សម្លាប់ខ្លួនឯងតាមក្រោយសង្ស័យរឿងប្រច័ណ្ឌព្រោះជនរងគ្រោះទាំង២នាក់នោះជាសង្សាទើបនឹងស្គាល់គ្នាថ្មីៗ។
ហេតុការណ៍នេះបានបង្កភាពភ្ញាក់ផ្អើលកាលពីវេលាម៉ោង ១១៖៣០នាទីព្រឹកថ្ងៃទី១០ ខែកញ្ញា ឆ្នាំ២០២១ ស្ថិត ដាក់ក្លឹបទ្រូហ្វេស ផ្លូវលេខ ៩០ កែងផ្លូវព្រះស៊ីសុវត្ថិ ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ។
សមត្ថកិច្ចបានឲ្យដឹងថា បុរសជនដៃដល់ មានឈ្មោះ ឌុច សុភា អាយុជាង ៣០ ឆ្នាំ ជាសន្តិសុខ និងជាមន្ត្រីយោធាយាមនៅកន្លែងកើតហេតុខាងលើ។
ចំណេកនារីរងគ្រោះឈ្មោះ ទូច សំអាង ហៅម៉ាក់ស្រីកា អាយុជាង៤០ឆ្នាំ ជាស្ត្រីមេម៉ាយមានកូនប្រុស ស្រី៣នាក់ប្តីស្លាប់ និងមានមុខរបរលក់ដូរ និងស្នាក់នៅម្តុំកន្លែងកើតហេតុដែរ។
បើតាមការបញ្ជាក់របស់លោកគ្រូពេទ្យកោសល្យវិច័យរាជធានីភ្នំពេញបានបញ្ជាក់យ៉ាងច្បាស់ថា ជនរងគ្រោះខាងស្រីត្រូវបានខាងប្រុសបាញ់ចំបំពង់កធ្លាយទៅឆ្អឹងជំនីខាងឆ្វេង ចំណែកឯជនដៃដល់ក៏បាញ់ខ្លួនឯងតាមក្រោយចំសៀតផ្កាខាងឆ្វេងធ្លាយទៅសៀតផ្កាខាងស្ដាំបណ្ដាលឱ្យស្លាប់ទាំងពីរនាក់នៅនឹងកន្លែងកើតហេតុតែម្ដង។
ប្រភពព័ត៌មាននៅកន្លែងកើតហេតុបានឲ្យដឹងថា ហេតុការណ៍ផ្ទុះអាវុធបាញ់សម្លាប់គ្នានេះ គឺកើតឡើងកាលពីយប់រំលងអាធ្រាត្រឈានចូលថ្ងៃទី១០ ខែកញ្ញា ឆ្នាំ២០២១មកម្លេះ ដោយមុនកើតហេតុរវាងជនរងគ្រោះនឹងជនដៃដល់ដែលជាសង្សា និងគ្នាបានឈ្លោះប្រកែកគ្នាពុំដឹងថាផ្ដើមចេញពីរឿងអ្វីនោះទេប៉ុន្តែគេសង្ស័យថាអាចជារឿងប្រច័ណ្ឌទើបឈានដល់ខាងប្រុសបានប្រើកាំភ្លើងខ្លីមួយដើម ម៉ាកK៥៤ បាញ់ទៅលើនារីរងគ្រោះ។
ប្រភពព័ត៌មានបានបន្តទៀតថាហេតុការណ៍ពុំមានអ្នកណាដឹងនោះទេលុះរហូតឈានដល់វេលាព្រឹកថ្ងៃទី១០ ខែកញ្ញា ឆ្នាំ២០២១ ទើបមានសន្តិសុខម្នាក់ទៀតដល់ម៉ោងប្ដូរវេនយាមបានមកដល់ទីតាំងមិនឃើញជនដៃដល់ចេញមកប្តូរវេនក៏ឡើងទៅមើលនៅបន្ទុបខាងលើ ស្រាប់តែឃើញបុរសរូបនោះដេកស្លាប់ជាមួយនារីម្នាក់ដែលគេស្គាល់ថាជាសង្សា និងគ្នាស្លាប់ទាំង២នាក់ទើបបង្កភាពភ្លាក់ផ្អើលដល់ប្រជាពលរដ្ឋ និង សមត្ថកិច្ចចុះអន្តរាគមន៍ធ្វើកោសល្យវិច័យ។
ក្រោយពីក្រុមគ្រូពេទ្យបានចុះធ្វើកោសល្យវិច័យ និងតេស្តសំណាករបស់ជនរងគ្រោះបញ្ជាក់ថាជនរងគ្រោះទាំង ២ នាក់នោះមិនមានការឆ្លងកូវីដ១៩ នោះក៏បានប្រគល់សពទៅឲ្យក្រុមគ្រួសារដើម្បីចាត់ចែងធ្វើបុណ្យតាមប្រពៃណី៕
អត្ថបទៈ រស្មី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ