រោងចក្រ Ford នៅខេត្តពោធិ៍សាត់ គ្រោង​សាងសង់​​រួចរាល់​នៅ​ដើម​​ឆ្នាំ​២០២២
Connect with us
Helistar Cambodia - Helicopter Charter Services

ព័ត៌មានជាតិ

រោងចក្រ Ford នៅខេត្តពោធិ៍សាត់ គ្រោង​សាងសង់​​រួចរាល់​នៅ​ដើម​​ឆ្នាំ​២០២២

បានផុស

នៅ

​រោងចក្រ​ដំឡើង​រថយន្ត Ford នៅ​ខេត្ត​ពោធិ៍សាត់​កំពុង​ដំណើរការ​សាងសង់​បាន​ជាង ៣ ខែ ហើយ​បើ​តាម​ប្រភព​ពី​ក្រុម​វិស្វករ រោងចក្រ​អាច​រួចរាល់​នៅ​ដើម​ឆ្នាំ​២០២២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Mok Sedy អ្នក​គ្រប់គ្រង​ការងារ​នៅ​ការដ្ឋាន​បាន​ឲ្យ​កម្ពុជា​ថ្មី​ដឹង​នៅ​ព្រឹក​នេះ​ថា ដំណើរការ​សាងសង់រោងចក្រ បាន​ចាប់ផ្តើម​​តាំង​ពី​ខែ​មិថុនា​លើ​ផ្ទៃដី​ទំហំ ៤ ហិកតា។

​វិស្វករ​ទទួល​បន្ទុក​មើល​ការ​ខុសត្រូវ​​រូប​នេះ​បញ្ជាក់​ថា តាម​គម្រោង​នឹង​រួចរាល់​នៅ​ដើម​ឆ្នាំ​២០២២។ យ៉ាង​ណា លោក​មិន​បាន​ដឹង​ពី​ទំហំ​ទុន​វិនិយោគ​នៃ​ការ​សាងសង់​រោងចក្រ​នេះ​ទេ។

តាម​អាជ្ញាធរ​ខេត្តពោធិ៍សាត់ រោងចក្រ​ដំឡើង​រថយន្ត​ Ford មាន​ទីតាំង​ស្ថិត​ក្នុង​ភូមិសាវ័ន ឃុំ​ស្នាអន្សា ស្រុក​ក្រគរ ខេត្ត​ពោធិ៍សាត់​។ រោងចក្រ​នេះ ក្រោម​ការ​គ្រប់គ្រង​របស់​ក្រុមហ៊ុន RMA AUTOMOTIVE (CAMBODIA) ​CO.,LTD ដែល​ជា​ក្រុមហ៊ុន​ទទួល​សិទ្ធិ​នាំ​ចូល​រថយន្ត Ford របស់​អាមេរិក​នៅ​ទីផ្សារ​កម្ពុជា។ នៅ​ពេល​រោងចក្រ​ដំណើរការ អាច​ស្រូប​យក​កម្លាំង​ពលកម្ម​ក្នុង​ស្រុកបាន​ប្រមាណ​ ៥០០នាក់។

កាល​ពី​ឆ្នាំ ២០១២ ក្រុមហ៊ុន Ford បាន​វិនិយោគ​រោងចក្រ​ដំឡើង​រថយន្ត Ford នៅ​ខេត្ត​ព្រះសីហនុ ដែល​មាន​សមត្ថភាព​ដំឡើង​រថយន្ត​បាន​៦​ពាន់​គ្រឿង​ក្នុង​មួយ​ឆ្នាំ។ យ៉ាងណា​គម្រោង​មិន​ទទួល​ជោគជ័យ ហើយ​ក៏​បាន​ផ្អាក​ទៅ​វិញ។

​បច្ចុប្បន្ន​កម្ពុជា​មាន​ក្រុមហ៊ុន​មួយ​ចំនួន​ បាន​បោះ​ទីតាំង​វិនិយោគ​រោងចក្រ​ដំឡើង​រថយន្ត​។ ក្រុមហ៊ុន​របស់​កូរ៉េ​ពីរ​គឺ Hyundai និង Daehan បាន​បង្កើត​រោងចក្រ​ដំឡើង​រថយន្ត​នៅ​តំបន់​សេដ្ឋកិច្ច​ពិសេស​ក្នុង​ទឹកដី​ខេត្ត​កោះ​កុង និង​នៅ​ក្រុង​បាវិត​ខេត្ត​ស្វាយរៀង។

កាលពីឆ្នាំ២០១៦ ក្រុមហ៊ុន Tan Choug Group របស់​ប្រទេស​ម៉ាឡេស៊ី ក៏​បាន​ស្នើ​សុំ​ដល់​រដ្ឋាភិបាល​កម្ពុជា​ ក្នុង​ការ​វិនិយោគ​រោងចក្រ​ដំឡើង​រថយន្ត ដើម្បី​ផ្គត់ផ្គង់​ទីផ្សារ​តំបន់​អាស៊ាន។ នៅ​ឆ្នាំ ២០១៨ ក្រុមហ៊ុន International VCV Industry CO,.ltd បាន​ទទួល​វិញ្ញាបនបត្រ​ចុះ​បញ្ជី​ជាស្ថាពរ លើ​គម្រោង​បង្កើត​រោងចក្រផ្គុំ និង​ដំឡើងរថយន្តនៅ​ខណ្ឌ​សែនសុខ​ ក្រោម​ទុន​វិនិយោគ​ប្រមាណ ៤. ០៧លានដុល្លារអាមេរិក អាច​បង្កើត​ការងារ​បាន​ចំនួន ៨២០ កន្លែង៕

អត្ថបទ៖ ប៊ុណ្ណារ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services