ព័ត៌មានជាតិ

ទៅលេងសៀមរាប ចាយត្រឹម ៥ ដុល្លារ ទទួលបទពិសោធន៍ជិះកន្រ្តកវិលខ្ពស់បំផុតទី ៣ នៅអាស៊ាន

បានផុស

២ years មុន

នៅ

ថ្ងៃសៅរ៍ ២៣ មីនា ២០២៤

ដោយ

ខេត្តសៀមរាបក្រៅពីប្រាសាទបុរាណជាទីចាប់អារម្មណ៍ នៅមានគោលដៅទេសចរណ៍ជាច្រើនទៀតសម្រាប់បម្រើការកម្សាន្តសប្បាយដល់ភ្ញៀវទេសចរ។

កន្រ្តកវិលអង្គរអាយជាផ្នែកមួយដែលទេសចរមិនអាចរំលងបាន ពេលធ្វើដំណើរទៅលេងខេត្តសៀមរាប។ សេវាកម្មកន្រ្តកវិលបានបើកដំណើរការនៅដើមឆ្នាំ ២០២០ ដែលនឹងផ្តល់បទពិសោធន៍ដល់អ្នកទេសចរបានទស្សនាទេសភាពជុំវិញទីក្រុងសៀមរាបរហូតអាចមើលឃើញដល់ភ្នំគូលែន ភ្នំបូក និងបឹងទន្លេសាបថែមទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កន្រ្តកវិលដែលមានកម្ពស់ ៨៥ ម៉ែត្រ ខ្ពស់ជាងគេលំដាប់ទី ៣ នៅអាស៊ីអាគ្នេយ៍នេះ មានទីតាំងនៅជាប់ភូមិវប្បធម៌ បានក្លាយជាកន្លែងស្រូបទាញភ្ញៀវទេសចរមកកម្សាន្តឥតដាច់ជារៀងរាល់ថ្ងៃ ដើម្បីអាចគយគន់ទេសភាពដ៏ស្រស់ត្រកាលនៅជុំវិញក្រុងសៀមរាបពីលើអាកាស។

មាន ៤៨ កន្រ្តក អាចផ្ទុកមនុស្សបាន ១៩២ នាក់ក្នុងពេលតែមួយ ទូកន្ត្រកនីមួយៗមានបំពាក់ដោយម៉ាស៊ីនត្រជាក់ប្រកបដោយផាសុកភាព ខណៈកន្រ្តកវិលយឺតៗមិនធ្វើអ្នកមានអារម្មណ៍ស្រឺតឬភ័យបារម្ភឡើយ។

តម្លៃសំបុត្រសម្រាប់មនុស្សពេញវ័យជាជនជាតិខ្មែរត្រឹមតែ ៥ ដុល្លារប៉ុណ្ណោះ អាចជិះបានរយៈពេល ១៨ នាទី។ ទាក់ទងសុវត្ថិភាព ត្រូវបានធានាដោយអ្នកបច្ចេកទេសជប៉ុនដែលមានការត្រួតពិនិត្យជាទៀងទាត់។