ព័ត៌មានជាតិ

សពក្មេងប្រុសលិចទូកក្នុងសមុទ្រត្រូវបានរកឃើញហើយ

បានផុស

៥ years មុន

នៅ

ថ្ងៃព្រហស្បតិ៍ ១៦ កញ្ញា ២០២១

ដោយ

សពក្មេងប្រុសដែលលិចទូកក្នុងសមុទ្រកាលពីរសៀលថ្ងៃទី១៤ ខែកញ្ញា ឆ្នាំ២០២១នោះ ត្រូវបានសមត្ថកិច្ចនិងក្រុមសង្គ្រោះក្រុមហ៊ុនGTVCរបស់លោកឧកញ៉ាទៀវិចិត្រ និងអ្នកមុជទឹកអង្គភាពកំពង់ផែស្វយ័តក្រុងព្រះសីហនុរកឃើញហើយនៅរសៀលថ្ងៃទី១៥នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឆាយ សុគន្ធដា អភិបាលស្រុកស្ទឹងហាវឲ្យដឹងថា ចាប់តាំងពីព្រឹកថ្ងៃ១៥ ខែកញ្ញា ឆ្នាំ២០២១ សមត្ថកិច្ច និងក្រុមសង្គ្រោះចូលរួមពីអ្នកមុជទឹកអង្គភាពកំពង់ផែស្វយ័តក្រុងព្រះសីហនុ និងក្រុមការងារសង្គ្រោះក្រុមហ៊ុនGTVC របស់លោកឧកញ៉ា ទៀ វិចិត្រ ក្នុងនោះលោកឧកញ៉ា ទៀ វិចិត្រ ក៍មានវត្តមានក្នុងការចូលរួមស្វែងរកជនរងគ្រោះដែរ ដោយបានចល័តអូបរ័ស្វែងរកក្នុងសមុទ្រ និងមុជទឹកស្វែងរកជនគ្រោះដែលបាត់ខ្លួននោះ ស្របពេលដែលធាតុអាកាសមានភ្លៀង រហូតដល់ម៉ោងប្រមាណ១៨ថ្ងៃដ៏ដែលទើបរកឃើញសាកសពជនរងគ្រោះ។

លោក ឆាយ សុគន្ធដា បានបន្តទៀតថា ទូកនេសាទដែលលិចនោះ ជាប្រភេទទូកតូចគ្មានម៉ាស៊ិន (គឺចែវ ដោយដៃ)កាលពីពេលរសៀលថ្ងៃ១៤ ខែកញ្ញា បានចេញទៅនេសាទក្នុងសមុទ្រ ត្រង់ចំណុចចុងអូរស្ថិតក្នុង ឃុំទំនប់រលក ស្រុកស្ទឹងហាវ ខេត្តព្រះសីហនុ ដែលមានចម្ងាយប្រមាណ១០០ម៉ែត្រពីដីគោក ដោយជនរងគ្រោះបានចេញទៅនេសាទជាមួយឱពុករបស់ខ្លួន។ លុះក្រោយមកខណៈមានភ្លៀងខ្យល់រលកសមុទ្របកបោកខ្លាំងៗបណ្តាលឱ្យទូករបស់ពួកគេលិចក្នុងពេលនោះតែម្តង។ ក្នុងនោះពេលទូកលិចឪពុកឈ្មោះ មាឃ សៀក អាយុ៤៧ឆ្នាំ មុខរបរនេសាទ បានហែលទឹករួច មិនមានគ្រោះថ្នាក់ទេ ប៉ុន្តែកូនប្រុសឈ្មោះ ស៊ន មករា (ហៅឧត្តម) អាយុ១៤ឆ្នាំ បានបាត់ខ្លួនរហូតដល់រសៀលថ្ងៃទី១៥ ខែកញ្ញា ឆ្នាំ២០២១ ទើបរកឃើញ។

បច្ចុប្បន្នសាកសពក្មេងប្រុសរងគ្រោះត្រូវបានក្រុមគ្រូសារនាំយកទៅលំនៅដ្ឋានរៀបចំធ្វើបុណ្យតាម ប្រពៃណីហើយ៕

អត្ថបទ៖ កោះពស់

Related Topics:លង់ទឹក ខេត្តព្រះសីហនុ

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា