ព័ត៌មានជាតិ
អាជ្ញាធរបន្តចែក ឱសថបុរាណចិនជូនពលរដ្ឋ នៅតំបន់បិទខ្ទប់ទាំង ៤សង្កាត់ ក្នុងក្រុងសៀមរាប
អំណោយជាឱសថបុរាណចិនជាច្រើនកេស ត្រូវបានអាជ្ញាធរដឹកតាមម៉ូតូ និងរថយយន្ត ទៅចែកជូនប្រជាពលរដ្ឋតាមភូមិ ក្នុងតំបន់បិទខ្ទប់ទាំង៤សង្កាត់ ក្នុងក្រុងសៀមរាប ដែលរួមមាន៖ មានសង្កាត់គោកចក សង្កាត់ស្វាយដង្គំ សង្កាត់ ជ្រាវ និងសង្កាត់ស្លក្រាម ក្រុងសៀមរាប ខេត្តសៀមរាបបន្តទៀត នៅថ្ងៃទី១៨ ខែកញ្ញា ឆ្នាំ២០២១នេះ។
កាលរសៀលថ្ងៃទី១៧ ខែកញ្ញា ឆ្នាំ២០២១ លោក នួន ពុទ្ធរ៉ា អភិបាល នៃគណៈអភិបាលក្រុងសៀមរាប បានអញ្ជើញ អមដំណើរលោកសាស្រ្តាចារ្យ ម៉ម ប៊ុនហេង រដ្ឋមន្រ្តីក្រសួងសុខាភិបាល និងជាប្រធានគណៈកម្មការអន្តរក្រសួង ដើម្បីប្រយុទ្ធនឹងជំងឺកូវីដ-១៩ រួមទាំងក្រុមការងារបច្ចេកទេស ក្រសួងសុខាភិបាល និងមន្ទីរសុខាភិបាល នៃរដ្ឋបាលខេត្តសៀមរាប ដោយមានការសហការ ចូលរួមពីអាជ្ញាធរមូលដ្ឋាន បានធ្វើការនាំយកឱសថបូរាណចិន ទៅចែកជូនដល់ប្រជាពលរដ្ឋដល់លំនៅដ្ឋាន នៅក្នុងសង្កាត់ចំនួន៤ ក្នុងក្រុងសៀមរាប ខេត្តសៀមរាប ដែលត្រូវបិទខ្ទប់ជាតំបន់ក្រហម រួមមាន៖ សង្កាត់ស្លក្រាម សង្កាត់គោកចក សង្កាត់ស្វាយដង្គំ និងសង្កាត់ជ្រាវ។
នៅក្នុងការនាំយកអំណោយជាឪសថបុរាណចិននោះ លោកសាស្រ្តាចារ្យ រដ្ឋមន្រ្តី ក៏ដូចជាមន្ត្រីសុខាភិបាល ក៏បានណែនាំបន្ថែម អំពីរបៀបប្រើប្រាស់ឱសថបុរាណចិននេះ ក៏ដូចជាការពាក់ម៉ាស់ ការលាងដៃជាមួយសាប៊ូ ឬអាល់កុល ជេលដល់ប្រជាពលរដ្ឋ ដើម្បីអនុវត្តឲ្យបានត្រឹមត្រូវ តាមវិធានសុខាភិបាល និងចូលរួមអនុវត្តឲ្យបានខ្ជាប់ខ្ជួននូវវិធានការ ៣កុំ និង៣ការពារទាំងអស់គ្នា ដើម្បីបង្ការនិងការពារខ្លួនយើង ពីមេរោគកូវីដ-១៩ផងដែរ៕
អត្ថបទ៖ គឿន វេត
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង