ព័ត៌មានជាតិ
មន្ត្រីជាន់ខ្ពស់ក្រសួងបរិស្ថាន ៖ ប្រទេសកម្ពុជា មិនទាន់មានការបំពុលខ្យល់ធ្ងន់ធ្ងរ នៅឡើយទេ
លោក នេត្រ ភក្ត្រា រដ្ឋលេខាធិការ និងជាអ្នកនាំពាក្យក្រសួងបរិស្ថាន មកដល់ពេលនេះប្រទេសកម្ពុជា មិនទាន់មានការបំពុលខ្យល់ធ្ងន់ធ្ងរនៅឡើយទេ ហើយក៏មានឱកាសរារាំងនិន្នាការ នៃការកើនឡើងការបំពុលខ្យល់នេះផងដែរ។ ការឲ្យដឹងនេះ បានធ្វើឡើងក្នុងសន្និសីទសារព័ត៌មាន ក្រោយបញ្ចប់ពិធីប្រកាសដាក់ឲ្យប្រើប្រាស់ និងផ្សព្វផ្សាយ «របាយការណ៍ស្ថានភាពបរិស្ថានលើកទី៤ និងសៀវភៅធនធានគម្របព្រៃឈើកម្ពុជា ឆ្នាំ២០១៨» នាព្រឹកថ្ងៃទី២៣ ខែកញ្ញា ឆ្នាំ២០២១នេះ។
លោក នេត្រ ភក្ត្រា បានឲ្យដឹងថា គុណភាពខ្យល់នៅក្នុងប្រទេសកម្ពុជា រងផលប៉ះពាល់ជាចម្បងពីដំណើរការចំហេះ រួមទាំងចំហេះម៉ាស៊ីនយានយន្ដ និងដំណើរការឧស្សាហកម្ម ការដុតសំណល់កសិកម្ម ការដុតសំណង់រឹង ការផលិតធ្យូង និងសកម្មភាពតាមផ្ទះ។ លោកថា ធ្យូងថ្ម និងប្រេងម៉ាស៊ី គឺជាកត្តាចូលរួមចំណែកចម្បង ធ្វើឲ្យមានការបំពុលខ្យល់។
ជាមួយនឹងកំណើនផលិតកម្ម របស់រោងចក្រកាន់តែច្រើនឡើង និងអគ្គិសនីដើរដោយធ្យូងថ្ម ការបំពុលខ្យល់នឹងមានការកើនឡើង ប្រសិនបើមិនមានការប្រើប្រាស់ថាមពលកកើតឡើងវិញ ឲ្យបានច្រើនជាងបច្ចុប្បន្នទេនោះ។ មន្ត្រីជាន់ខ្ពស់ក្រសួងបរិស្ថានរូបនេះ បានបញ្ជាក់ថា ប្រទេសកម្ពុជា មានឱកាសរារាំងនិន្នាការកើនឡើងការបំពុលខ្យល់ និងរក្សាស្ថានភាពបច្ចុប្បន្នរបស់ខ្លួន ក្នុងលក្ខណៈប្រៀបដូចជា ឋានសួគ៌នៃតំបន់ស្អាត និងមិនសូវមានការបំពុលខ្យល់នៅក្នុងតំបន់។
ដើម្បីអាចសម្រេចគោលដៅនេះបាន ចាំបាច់ត្រូវមានកិច្ចប្រឹងប្រែងក្នុងការពិនិត្យ តាមដាន និងជំរុញអនុវត្តលិខិតបទដ្ឋាន គតិយុត្ត ប្រកបដោយមហិច្ឆតា និងមាននវានុវត្តថ្មី ស្ដីពី គុណភាពខ្យល់។ ដោយឡែកសារាចរ០១ ស្ដីពី វិធានការទប់ស្កាត់ និងកាត់បន្ថយការបំពុលខ្យល់សាធារណៈ ត្រូវបានដាក់ឲ្យប្រើប្រាស់ក្នុងខែមករា ឆ្នាំ២០២០ និងបានបន្ថែមបទ ដ្ឋានគុណភាពខ្យល់សារធារណៈថ្មី សម្រាប់ភាគល្អិតនិចល បទដ្ឋានបំភាយសម្រាប់យានយន្ត និងបទដ្ឋានគុណភាពឥន្ធនៈ។ មន្រ្ដីជាន់ខ្ពស់ក្រសួងបិរស្ថាន លោក នេត្រ ភក្ត្រា បានគូសបញ្ជាក់ថា ប្រទេសកម្ពុជា មិនទាន់មានការបំពុលខ្យល់ធ្ងន់ធ្ងរនៅឡើយទេ គិតមកដល់ពេលនេះ៕
អត្ថបទ៖ ឃួន សុភ័ក្រ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង