ព័ត៌មានជាតិ
អាជ្ញាធរខេត្តក្រចេះ ឲ្យពលរដ្ឋរាយការណ៍ បើមានអ្នកមកពីក្រៅស្រុក ចូលក្នុងមូលដ្ឋានរបស់ខ្លួន
អាជ្ញាធរខេត្តក្រចេះ បានធ្វើការណែនាំដល់ប្រជាពលរដ្ឋ ត្រូវរាយការណ៍ជាបន្ទាន់ ករណីមានអ្នកមកពីក្រៅស្រុក ចូលទៅក្នុងមូលដ្ឋានរបស់ខ្លួន ដើម្បីឲ្យអាជ្ញាធរអនុវត្តទៅតាមវិធានការ របស់ក្រសួងសុខាភិបាល សំដៅទប់ស្កាត់ការឆ្លងរាល ដាល នៅក្នុងសហគមន៍។
ថ្លែងក្នុងឱកាសចុះផ្សព្វផ្សាយ និងណែនាំពីការឆ្លងរីករាលដាល នៃជំងឺកូវីដ-១៩ ដល់ប្រជាពលរដ្ឋនៅទីប្រជុំជនផ្សារភ្នំខៀវ នៅព្រឹកថ្ងៃទី២៥ ខែកញ្ញាលោក ប៉ែន លីណាត អភិបាលរងខេត្តក្រចេះ បានមានប្រសាសន៍ថា «ប្រសិនបើមាន អ្នកចំងាយមកពីក្រៅស្រុក ក្នុងមូលដ្ឋានរបស់ខ្លួន ត្រូវប្រញាប់រាយការណ៍ មកអាជ្ញាធរជាបន្ទាន់ព្រមទាំង រៀបចំខ្លួនដាក់ឲ្យ នៅដាច់ដោយឡែក»។
លោកអភិបាលរងខេត្ត បានបន្តថា ជាងនេះទៀតប្រសិនបើ មានការសង្ស័យថា មានឆ្លងជំងឺកូវីដ-១៩នោះ ត្រូវរាយការណ៍មកអាជ្ញាធរ ឬគ្រូពេទ្យដែលនៅជិត ដើម្បីពិនិត្យឲ្យបានទាន់ពេលវេលា។
ជាមួយគ្នានេះដែរ លោកអភិបាលរខេត្ត ក៏បានអំពាវនាវដល់ប្រជាពលរដ្ឋទាំងអស់ សូមចូលរួមអនុវត្តនូវវិធានការអនា ម័យ តាមការណែនាំ របស់ក្រសួងសុខាភិបាលជាប្រចាំ ដើម្បីចៀសផុតពីជំងឺកូវីដ-១៩ ហើយបើចាំបាច់ មិនត្រូវចេញក្រៅផ្ទះនោះទេ និងត្រូវសម្អាតបរិស្ថានជុំវិញផ្ទះ ឲ្យបានល្អផងដែរ។
លោកប៉ែន លីណាត បានជំរុញដល់កងកម្លាំងមានសមត្ថកិច្ច និងអជ្ញាធរឃុំ ស្រុក ត្រូវបង្កើនការយកចិត្តទុកដាក់ និងទទួលខុសត្រូវខ្ពស់ ក្នុងឱកាសបុណ្យភ្ជុំបិណ្ឌ ពេលនេះត្រូវអនុវត្តតាមបទបញ្ជារបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ឲ្យបានម៉ឺងម៉ាត់ និងមានប្រសិទ្ធភាពខ្ពស់ ដើម្បីបង្ការការពារកុំឲ្យវីរុសកូវីដ-១៩ បំប្លែងខ្លួនថ្មីនេះ ឆ្លងចូល សហគមន៍របស់យើង។
លោកអភិបាលរងខេត្ត បានបន្ថែមថា «យើងមិនត្រូវមើលស្រាល លើលទ្ធភាពចម្លងរហ័ស និងភាពសាហាវធ្ងន់ធ្ងរ បណ្តាលមកពីការវាយលុកនៃជំងឺកូវីដ-១៩ លើសរីរាង្គមនុស្សយើងនោះឡើយ ខណៈដែលសភាពចម្លងខ្លាំងក្លា និងភាពធ្ងន់ធ្ងរនៃជំងឺនេះ អាចកើតមានឡើងនៅក្នុងប្រទេសយើង គ្រប់ពេលវេលា គ្រប់កាលៈទេសៈ និងគ្រប់ទីកន្លែង ប្រសិនបើបុគ្គល មិនបានការពារខ្លួនត្រឹមត្រូវទេនោះ»។
លោកអភិបាលរងខេត្ត បានណែនាំដល់ប្រជាពលរដ្ឋ អាជីវករដែរមិនទាន់បានចាក់វ៉ាកសាំង សូមអញ្ជើញទៅចាក់វ៉ាក់សាំងឲ្យបានគ្រប់ៗគ្នា និងកុមារចាប់ពីអាយុ១២ឆ្នាំ ឡើងទៅសូមអញ្ជើញទៅចាក់វ៉ាក់សាំងឲ្យបានគ្រប់ៗគ្នា៕
អត្ថបទ៖ សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង