ព័ត៌មានជាតិ

ផ្ទះ១ខ្នងរួមនិងទ្រព្យសម្បត្តិ ត្រូវភ្លើងឆេះខ្ទេចគ្មានសល់

បានផុស

៤ years មុន

នៅ

ថ្ងៃអង្គារ ១ ធ្នូ ២០២០

ដោយ

ស្ត្រីរងគ្រោះស្ទើរគាំងបេះដូង យំក៏មិនចេញ ខណៈដែលមានហេតុការណ៍អគ្គិភ័យមួយ បានឆាបឆេះផ្ទះនិងទ្រព្យសម្បត្តិសំខាន់ៗរួមទាំងសម្លៀកបំពាក់គ្មានសល់ទាំងយប់។ សមត្ថកិច្ចថាហេតុការនេះ បានកើតឡើងកាលពីវេលាម៉ោង០៩និង១០នាទីកាលពីយប់ថ្ងៃទី៣០ ខែវិច្ឆិកា ឆ្នាំ២០២០ នៅត្រង់ចំណុចក្រុមទី៣ ភូមិជាមន្ត្រី ឃុំត្រែង ស្រុករតនៈមណ្ឌល ខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបានឲ្យដឹងថា ផ្ទះដែលរងគ្រោះជាប្រភេទផ្ទះទាម មានទំហំ៥ម៉ែត្រx១០ម៉ែត្រដំបូលស័ង្កសីជញ្ជាំងស័ង្កសី ម្ចាស់ផ្ទះឈ្មោះ កែវ វិច្ចរ៉ា ភេទស្រី អាយុ២៧ឆ្នាំ រស់នៅចំណុចកើតហេតុខាងលើ ត្រូវបានឆាបឆេះទាំងស្រុង។ សម្ភារៈខូចខាតរួមមាន៖ ម៉ូតូម៉ាក ហុងដាឌ្រីម សេរីឆ្នាំ២០១៨ ចំនួន០១គ្រឿង, គោយន្តកន្ត្រៃចំនួន០១គ្រឿង, ទូទឹកកកចំនួន០១គ្រឿង, កន្ទេលភួយម៉ុងនិងសម្ភារៈមួយចំនួនទៀត នៅក្នុងផ្ទះ ផងដែរ។

សមត្ថកិច្ចបានបន្តថា ក្នុងហេតុការខាងលើ កម្លាំងនគរបាលបានចូលរួមពន្លត់ចំនួន១៥នាក់ តែបានត្រឹមបង្ក្រាបមិនឲ្យរាលដាលដល់ផ្ទះពលរដ្ឋជិតខាងប៉ុណ្ណោះ ចំពោះផ្ទះជនរងគ្រោះ ត្រូវបានឆេះទាំងស្រុង ដែលហេតុការណ៍នេះ បង្កដោយឆ្លងចរន្តអគ្គិសនី ចំណែកថវិកាសរុបនៃការខូចខាត សមត្ថកិច្ចនៅមិនទាន់បានវាយតម្លៃសរុបនៅឡើយ៕