ព័ត៌មានជាតិ

មកលោតទឹកសម្លាប់ខ្លួន ពេលដល់ស្ពានងងុយពេក ក៏រត់ទៅដេកលើសួនច្បារសិន

បានផុស

៥ years មុន

នៅ

ថ្ងៃចន្ទ ៤ តុលា ២០២១

ដោយ

ស្ត្រីម្នាក់បានជិះម៉ូតូកង់បីមកលោតទឹកនៅលើស្ពានជ្រោយចង្វារទាំងយប់ដោយអះអាងថា មានវិបត្តិក្នុងគ្រួសារដោយសារប្តីលួចមានស្រីថ្មី តែដោយសារងងុយគេងខ្លាំងពេកទើបសម្រេចចិត្តទៅគេងនៅរង្វង់មូល កងព្រហ្មសិន លុះព្រឹកភ្ញាក់ឡើងទើបដើរឡើងស្ពានជ្រោយចង្វារបម្រុងលោតទឹកសម្លាប់ខ្លួនតែត្រូវបានប្រជាពលរដ្ឋជួយទាន់កាលពីវេលាម៉ោង៨និង៣០នាទីព្រឹក ថ្ងៃទី៤ ខែតុលា ឆ្នាំ២០២១ ស្ថិតត្រង់ចំណុចលើស្ពាន ជ្រោយចង្វារ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្ត្រីរងគ្រោះឈ្មោះ លីម សុភ័ក្ក ភេទស្រី អាយុ៣៩ឆ្នាំ មុខរបរមេផ្ទះ ស្នាក់នៅភូមិចែងមែង សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ។

ស្ត្រីរងគ្រោះបានប្រាប់ឲ្យដឹងថា គាត់មានវិបត្តិផ្លូវចិត្តយ៉ាងខ្លាំងរហូតមិនចង់រស់នៅតទៅទៀតទេ ពីព្រោះប្តីរបស់គាត់លួចមានស្រីថ្មី រហូតធ្វើឲ្យគាត់ចង់គិតខ្លី ជិះម៉ូតូកង់បីឥណ្ឌាមកលោតទឹកលើស្ពាន មិត្តភាពកម្ពុជា-ជប៉ុន ហៅស្ពានជ្រោយចង្វារ ទាំងយប់ តែដោយសារគាត់លេបថ្នាំងងុយគេងខ្លាំងពេក ទើបគាត់សម្រេចចិត្តទៅគេងនៅរង្វង់មូលកងព្រហ្មសិន លុះព្រឹកភ្ញាក់ឡើងទើបដើរឡើងស្ពានជ្រោយចង្វារបម្រុងលោតទឹកសម្លាប់ខ្លួនតែត្រូវបានប្រជាពលរដ្ឋជួយទាន់ ។

ក្រោយពេលកើតហេតុកម្លាំងសមត្ថកិច្ចមូលដ្ឋានបានចុះមកដល់កន្លែងកើតហេតុ រួចនាំស្ត្រីរងគ្រោះទៅប៉ុស្តិ៍នគរបាលរដ្ឋបាលជ្រោយចង្វារ ដើម្បីធ្វើការសាកសួរណែនាំបន្ថែម រួចទាក់ទងក្រុមគ្រួសារយកស្ត្រីរងគ្រោះត្រឡប់ទៅផ្ទះទាំងទឹកមុខក្រៀមក្រម ៕

អត្ថបទ៖ ឌីរៀ

Related Topics:សម្លាប់ខ្លួន

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា