ព័ត៌មានជាតិ
សម្ដេចតេជោ ហ៊ុន សែន អំពាវនាវអាជ្ញាធរ ត្រូវយកចិត្តទុកដាក់ អំពីភាពកកកុញរបស់ពលរដ្ឋ ដែលដើរលេងកម្សាន្ត
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានអំពាវនាវដល់អាជ្ញាធរ នៅគ្រប់ទីកន្លែងទាំងអស់ ត្រូវយកចិត្តទុកដាក់ពិនិត្យមើលអំពីភាពកកកុញ របស់ប្រជាពលរដ្ឋ ដែលបានទៅដើរលេងកម្សាន្ត នៅតាមរមណីដ្ឋាននានា ដើម្បីរក្សាគម្លាតពីក្រុមគ្រួសារមួយ ទៅក្រុមគ្រួសារមួយទៀត ពីមនុស្សដែលមិនស្គាល់គ្នា ទៅកៀកគ្នាជាដើម។
តាមរយៈសារជាសំឡេងផ្ញើជូនជនរួមជាតិ នៅព្រឹកថ្ងៃទី៦ ខែតុលានេះ សម្ដេចតេជោ ហ៊ុន សែន បានមានប្រសាសន៍ថា សមាជិកនៅក្នុងគ្រួសារតែមួយ អាចនៅកៀកគ្នាបាន ដោយសារពួកគេរស់នៅផ្ទះជាមួយគ្នា ជិះរថយន្តជាមួយគ្នា។ ប៉ុន្តែអាជ្ញាធរគ្រប់ទីកន្លែងទាំងអស់ ត្រូវធានានូវការរក្សាគម្លាត និងការកកកុញ របស់ប្រជាពលរដ្ឋ ដែលបានដើរលេងកម្សាន្ដ ពីព្រោះយើងមិនបានដឹងថា នរណាម្នាក់នឹងមានជំងឺកូវីដ-១៩នោះទេ។
សម្ដេចតេជោនាយករដ្ឋមន្ត្រី បានលើកឡើងថា «ការពាក់ម៉ាស់ នៅតាមទីធ្លាសាធារណៈ ដែលយើងកំពុងដើរកម្សាន្ដ វាជាការចាំបាច់ ការលាងដៃក្រោយពីការកាន់នេះ កាន់នោះហើយ ជាមួយនឹងអាល់កុល ឬជែល គឺវាជាការចាំបាច់»។ សម្ដេចតេជោ ហ៊ុន សែន បានលើកឡើងទៀតថា ការសាកល្បងលើកនេះ គឺជាការសាកល្បងដ៏ធំរវាងមហន្ដរាយ និងសុវត្ថិភាព ដោយប្រសិនបើយើងធ្វើបានត្រឹមត្រូវ មហន្តរាយវានឹងមិនមាននោះទេ ហើយវាមិននាំទៅដល់ការរារាំងការបើកប្រទេសឡើងវិញឡើយ។
សម្ដេចតេជោ សង្ឃឹមថា សុវត្ថិភាពនឹងអាចកើតមានបាន អាស្រ័យទៅលើមនុស្សម្នាក់ៗ ក្រុមគ្រួសារនីមួយៗ នៅក្នុងពេលដើរលេងកម្សាន្ដ ក្នុងឱកាសពិធីបុណ្យភ្ជុំបិណ្ឌនេះ ហើយសុវត្ថិភាពក្រោយពេលភ្ជុំបិណ្ឌនេះ នឹងនាំឲ្យយើងបើកប្រទេសឡើងវិញលើគ្រប់វិស័យ ដូចជា៖ ភោជនីយដ្ឋាន, អាហារដ្ឋាន, រហូតដល់កន្លែងជាច្រើន ដែលទាក់ទងជាមួយនឹងសេវា គឺនឹងត្រូវបានបើកពេញលេញ សម្រាប់ដំណើរការសេដ្ឋកិច្ច ដែលទៅទាំងព្រមរួមមាន៖ កសិកម្ម, ឧស្សាហកម្ម, និងសេវាកម្មជាដើម ដែលនឹងឲ្យប្រទេសរបស់យើង វិលទៅរកមុនសម័យកូវីដ-១៩ រាតត្បាត ដោយគ្រាន់តែអនុវត្ត តាមបែបគន្លងថ្មីប៉ុណ្ណោះ។
ជាមួយគ្នានេះសម្ដេចតេជោ ហ៊ុន សែន បានគូសបញ្ជាក់ថា សម្ដេចបាននិងកំពុងតាមដានសភាពការណ៍ ក្នុងអំឡុងពេលប្រជាពលរដ្ឋឈប់សម្រាក ក្នុងឱកាសពិធីបុណ្យភ្ជុំបិណ្ឌនេះ តាមរយៈរបាយការណ៍ របស់អាជ្ញាធររាជធានី-ខេត្ត និងក្រសួងទេសចរណ៍ ដែលបានរាយការណ៍ជាប្រចាំនូវការវិវត្តទាំងឡាយ៕
អត្ថបទ៖ ឃួន សុភ័ក្រ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ