ព័ត៌មានជាតិ
ក្នុងរយៈពេល៩ខែ កម្ពុជាទទួលបានទុនវិនិយោគជាង ៣.៣ពាន់លានដុល្លារអាមេរិក
ក្រុមប្រឹក្សាអភិវឌ្ឍន៍កម្ពុជា (CDC) បានឲ្យដឹងថារយៈពេល ៩ ខែ ឆ្នាំ ២០២១ នេះបានអនុម័តគម្រោងវិនិយោគសរុបចំនួន ១៣៤ គម្រោងគិតជាទុនវិនិយោគមានជាង ៣.៣ ពាន់លានដុល្លារអាមេរិក និង បានបង្កើតការងារជូនប្រជាពលរដ្ឋបានចំនួន៨៥,៥៧២កន្លែង ។ នេះបើយោងតាមរបាយការណ៍របស់ក្រុមប្រឹក្សាអភិវឌ្ឍន៍កម្ពុជានៅ ថ្ងៃទី១២ ខែតុលា ឆ្នាំ២០២១នេះ ។
របាយការណ៍របស់ក្រុមប្រឹក្សាអភិវឌ្ឍន៍កម្ពុជាលើកឡើងថាក្នុងរយៈពេល៩ខែគិតពីខែមករាដល់ខែកញ្ញា ២០២១ ក្រុមប្រឹក្សាអភិវឌ្ឍន៍កម្ពុជាបានអនុម័តគម្រោងវិនិយោគ សរុបចំនួន ១៣៤ គម្រោងគិតជាទុនវិនិយោគមានជាង ៣.៣ ពាន់លានដុល្លារអាមេរិកខណៈរយៈពេលដូចគ្នាឆ្នាំ២០២០មានចំនួន ១៨៨ គ្រោងមានទុនវិនិយោគសរុប ជាង ៦.៤ ពាន់លានដុល្លារគឺមានការថយចុះប្រមាណជាង ៣ ពាន់លានដុល្លារ។ គម្រោងនេះអាចបង្កើតការងារជូនប្រជាពលរដ្ឋបានចំនួន៨៥,៥៧២កន្លែង។
របាយការណ៍របស់ក្រុមប្រឹក្សាអភិវឌ្ឍន៍កម្ពុជាបង្ហាញទៀតថា ៩ ខែឆ្នាំ២០២១នេះការវិនិយោគនៅក្រៅតំបន់សេដ្ឋកិច្ចពិសេសមានចំនួន១០១គម្រោង សរុបទុនវិនិយោគ ១.៤ពាន់លានដុល្លារនិងនៅក្នុងតំបន់សេដ្ឋកិច្ចពិសេសមានចំនួន ៣៣ គម្រោងសរុបទុនវិនិយោគ ១.៩ពាន់លានដុល្លារ។
គម្រោងវិនិយោគនេះផ្តោតលើវិស័យមួយចំនួន ដូចជាវិស័យកសិកម្ម និងកសិឧស្សាហកម្មមានចំនួន១២គម្រោង,ឧស្សាហកម្មមានចំនួន ១១១ គម្រោង, ទេសចរណ៍មានចំនួន២គម្រោងនិងហេដ្ឋារចនាសម្ព័ន្ធនិងផ្សេង ៗមានចំនួន៩គម្រោង។
ក្រុមប្រឹក្សាអភិវឌ្ឍន៍កម្ពុជាបានអនុម័តលើគម្រោងវិនិយោគថ្មីៗជាហូរហែទោះបីត្រូវរំឃានដោយការឆ្លងរាតត្បាតនៃមេរោគកូវីដ-១៩ ក៏ដោយ។ នេះសបញ្ជាក់ឲ្យឃើញថា វិបត្តិកូវីដ-១៩ មិនបានបង្កការរំខានធ្ងន់ធ្ងរដល់ការវិនិយោគលើគម្រោងអភិវឌ្ឍន៍ថ្មីៗពីសំណាក់វិនិយោគិនជាតិនិងអន្តរជាតិនៅកម្ពុជានោះទេ។ ប៉ុន្តែបើគិតពីចំនួនគម្រោង ដែលក្រុមប្រឹក្សាអភិវឌ្ឍន៍កម្ពុជាបានអនុម័តក្នុងខែនីមួយៗគឺនៅខែកុម្ភៈមានគម្រោងអភិវឌ្ឍន៍ច្រើនជាងគេរហូតដល់ ១៦ គម្រោងមានទុនវិនិយោគជាង៧០០លានដុល្លារអាមេរិកដែលឈរពីក្រោយដោយខែសីហាមាន១៥គម្រោងជាមួយទុនវិនិយោគជិត៩៥ លានដុល្លារអាមេរិក។
បើតាមរបាយការណ៍របស់ក្រុមប្រឹក្សាអភិវឌ្ឍន៍កម្ពុជាដដែលគម្រោងវិនិយោគ ១៣៤ គម្រោងនេះគឺភាគច្រើនអភិវឌ្ឍនវិស័យវាយនភណ្ឌកាត់ដេរសម្លៀកបំពាក់ កាបូប ស្បែកជើង គ្រឿងបង្គុំអគ្គិសនី ទោចក្រយានយន្ត រោងចក្រដំឡើងទោចក្រយានយន្តដើរដោយថាមពលអគ្គិសនី រោងចក្រផលិតអគ្គិសនីដើរថាមពលព្រះអាទិត្យ និងធ្យូង ថ្ម រោងចក្រកែច្នៃផលិតផលកសិកម្ម សណ្ឋាគារ និងរោងចក្រផលិតផលិតផលប្រើប្រាស់ផ្សេងៗទៀត ។ គម្រោងទាំងនេះភាគច្រើនមានទីតាំងស្ថិតនៅរាជធានីភ្នំពេញ ខេត្តកណ្តាល ស្វាយរៀង ព្រះសីហនុ កំពង់ស្ពឺ តាកែវ កំពត កំពង់ចាម កំពង់ធំ និង កំពង់ឆ្នាំងជាដើម៕
ដោយ ៖ ណារី
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៤ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ