ព័ត៌មានជាតិ

ប្រជាពលរដ្ឋដែលជាពលករខ្មែរជាង១០០នាក់មកពីបណ្តាខេត្តផ្សេងៗប្រុងឆ្លងដែនទៅប្រទេសថៃល្មើសច្បាប់ត្រូវសមត្ថកិច្ចឃាត់ខ្លួន

បានផុស

៥ years មុន

នៅ

ថ្ងៃអង្គារ ១២ តុលា ២០២១

ដោយ

បាត់ដំបង ៖ លោកវរសេនីយ៍ឯកម៉ង់ ស៊ី មេបញ្ជាការវរសេនាតូចការពារព្រំដែនគោកលេខ៨១៩បានប្រាប់មុននេះបន្តិចថា ការឃាត់ខ្លួនពលកររហូតដល់១០០នាក់ខាងលើនេះ ដោយមានកិច្ចសហការគ្នាល្អរវាងកម្លាំងវរសេនាតូចការពារព្រំដែនគោកលេខ៨១៩ជាមួយកម្លាំងនគរបាលនៃអធិការដ្ឋាននគរបាលស្រុកកំរៀងបានស្ទាក់និងឃាត់ខ្លួនពលរដ្ឋជាពលករខ្មែរច្រើននាក់មិនធ្លាប់មានចាប់តាំងពីទៀបភ្លឺថ្ងៃទី១២ខែតុលា ឆ្នាំ២០២១មក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការឃាត់ខ្លួនពលករក្មេងចាស់ប្រុសស្រីទាំងអស់ សរុបចំនួន១៣០នាក់ ក្នុងនោះមានបុរសចំនួន៩៥នាក់ស្រី្ត ចំនួន៥២នាក់ និងកុមារតូចៗចំនួន១៣នាក់ផងដែរ។ ពួកគេទាំងអស់គ្នាបានលបលួចបម្រុងឆ្លងដែនចូលក្នុងទឹកដីថៃជាបន្តបន្ទាប់និងជាច្រើនគោលដៅនៅក្នុងភូមិសាស្ត្រភូមិអូរដាឃុំបឹងរាំងស្រុកកំរៀងខេត្តបាត់ដំបង។

លោកមេបញ្ជាការវរសេនាតូចការពារព្រំដែនគោកលេខ៨១៩បានបញ្ជាក់បន្តថា ពលករខ្មែរទាំង១៣០នាក់ខាងលើ សុទ្ធសឹងជាប្រជាពលរដ្ឋដែលមកពីបណ្តាខេត្តនានាដូចជាខេត្តតាកែវខេត្តព្រៃវែងជាដើមក្នុងគោលបំណងដើម្បីស្វែងរកការងារធ្វើ ទាំងប្រថុយប្រថានក្នុងពីស្ថានភាពប្រទេសជិតខាងកំពុងមានវិបត្តិកូវីដ-១៩។

បច្ចុប្បន្ននេះ នគរបាលការពារព្រំដែន៨១៩បានបញ្ជូនពលករទាំងអស់ប្រគល់ឲ្យកម្លាំងនគរបាលស្រុកកំរៀងដើម្បីសាកសួរបន្ថែមក៏ដូចជាបន្តស្វែងរកប្រភពមេខ្យល់ជាអ្នកដឹកនាំដើម្បីអនុវត្តតាមផ្លូវច្បាប់៕

ដោយ ៖ សៅ សារិទ្ធ

Related Topics:ពលករខ្មែរ

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា