ព័ត៌មានជាតិ
អ្នកវិភាគ ៖ ៣០ឆ្នាំក្រោយកិច្ចព្រមព្រៀងសន្តិភាពទីក្រុងប៉ារីស អ្នកនយោបាយគួរតែមានភាពចាស់ទុំ និងចេះដើរខ្លួនឯងហើយ
អ្នកវិភាគបញ្ហានយោបាយ បានលើកឡើងថា គិតមកដល់ពេលនេះ កិច្ចព្រមព្រៀងសន្តិភាពទីក្រុងប៉ារីស មានអាយុកាល ៣០ឆ្នាំមកហើយ។ ដូច្នេះអ្នកនយោបាយ គួរតែចេះចាស់ទុំ និងគួរតែចេះដើរខ្លួនឯងហើយ ដោយលោកថា «ចង់ទៅហៅបរទេសណាឲ្យមកដឹកដៃ ឬដាក់សម្ពាធដល់ណាទៀត!»។
លោកបណ្ឌិត គិន ភា ប្រធានវិទ្យាស្ថានទំនាក់ទំនងអន្តរជាតិកម្ពុជា នៃរាជបណ្ឌិត្យសភាកម្ពុជា និងជាអ្នកវិភាគបញ្ហានយោបាយ មានប្រសាសន៍នៅរសៀលថ្ងៃទី១៣ ខែតុលានេះថា កិច្ចព្រមព្រៀងសន្តិភាពទីក្រុងបារីស ២៣ តុលា ១៩៩១ មកដល់ឆ្នាំ២០២១នេះ មានអាយុ ៣០ឆ្នាំហើយ។ លោកថា តាមរយៈកិច្ចព្រមព្រៀងនេះ បាននាំឲ្យមានការបោះឆ្នោតនៅកម្ពុជាចំនួន ៦លើករួចមកហើយ ចាប់ពីឆ្នាំ ១៩៩៣ ដល់ឆ្នាំ ២០១៨។ ប៉ុន្តែមជ្ឈដ្ឋានមួយចំនួន ជាពិសេសក្រុមអតីតគណបក្សប្រឆាំង តែងតែលើកឡើងពីកិច្ចព្រមព្រៀងសន្តិភាពទីក្រុងប៉ារីសនេះ ហើយចង់ឃើញអន្តរាគមន៍ ឬក៏សម្ពាធបរទេស នៅពេលពួកគេជួបបញ្ហាខ្លួនឯង ឬក៏ស្ថានភាពនយោបាយនៅកម្ពុជា មិនសូវល្អជាដើម។
លោកបណ្ឌិត គិន ភា មានប្រសាសន៍ថា «ពួកគាត់តែងតែអំពាវនាវ រកការកោះប្រជុំភាគីហត្ថលេខី នៃកិច្ចព្រមព្រៀងសន្តិភាពទីក្រុងប៉ារីស ខ្ញុំយល់ថា មិនចាំបាច់ ពីព្រោះកម្ពុជា បានដើរក្នុងរយៈពេល ៣០ឆ្នាំមកនេះ យើងបានកសាងនូវសមិទ្ធផលច្រើន យើងទទួលស្គាល់ថា កិច្ចព្រមព្រៀងសន្តិភាពទីក្រុងប៉ារីស គឺជាមូលដ្ឋានគ្រឹះសំខាន់មួយ សម្រាប់ការបញ្ចប់សង្គ្រាមស៊ីវិលនៅកម្ពុជា និងដំណើរស្វែងរកសន្តិភាពនៅកម្ពុជា ក៏ប៉ុន្តែកិច្ចព្រមព្រៀងសន្តិភាពទីក្រុងប៉ារីសតែមួយគត់ ក៏មិនអាចបញ្ចប់សង្រ្គាមបានដែរ គឺការគូបផ្សំគ្នារវាងកិច្ចព្រមព្រៀងសន្តិភាពទីក្រុងប៉ារីស និងនយោបាយឈ្នះ-ឈ្នះ របស់សម្ដេចតេជោ ហ៊ុន សែន ដែលដាក់ចេញចាប់ពីឆ្នាំ ១៩៩៦ ដល់ចុងឆ្នាំ ១៩៩៨ ដែលយើងស្គាល់នូវសុខសន្តិភាពពេញលេញ»។
អ្នកវិភាគរូបនេះ បានលើកឡើងបន្តថា ឈរលើមូលដ្ឋានសុខសន្តិភាព និងស្ថេរភាពនយោបាយនេះ លោកយល់ថា អ្នកនយោបាយខ្មែរទាំងអស់ គួរតែចេះដឹកដៃគ្នាធ្វើដំណើរតាមមាគ៌ាកម្ពុជា ទាំងមាគ៌ានៃការអភិវឌ្ឍ មាគ៌ានៃការកសាងជាតិ និងមាគ៌ានៃទស្សនៈវិទ្យានយោបាយជាតិ។ លោកថា «យើងមិនគួរនៅតែចាំឲ្យបរទេស មកដឹកដៃ ចាំឲ្យបរទេសមកដាក់សម្ពាធនោះទេ»។
តាមលោកបណ្ឌិត គិន ភា បញ្ហានយោបាយ ឬក៏បញ្ហាសង្គមផ្សេងទៀត គឺខ្មែរមានមេរៀន មានបទពិសោធន៍ និងមានចំណេះដឹង អាចដោះស្រាយបញ្ហារបស់ខ្មែរខ្លួនឯងបានហើយ។ លោកបន្តទៀតថា ស្មារតីនានានៅក្នុងកិច្ចព្រមព្រៀងសន្តិភាពទីក្រុងប៉ារីសនេះ ត្រូវបានយកទៅដាក់បញ្ចូលរដ្ឋធម្មនុញ្ញ នៃព្រះរាជាណាចក្រកម្ពុជានៅឆ្នាំ ១៩៩៣។ ដូច្នេះអ្វីដែលអ្នកនយោបាយខ្មែរ និងប្រជាពលរដ្ឋខ្មែរ ត្រូវគោរពឲ្យបានខ្ជាប់ខ្ជួននោះ គឺរដ្ឋធម្មនុញ្ញនៃព្រះរាជាណាចក្រកម្ពុជា ដែលជាមរតក និងជាស្មារតី ដកស្រង់ចេញពីកិច្ចព្រមព្រៀងសន្តិភាពទីក្រុងប៉ារីស និងកេរ្ដិ៍ដំណែលនយោបាយជាតិ ពីសម័យសង្គមរាស្រ្ដនិយមផង ពីសម័យសាធារណរដ្ឋប្រជាមានិតកម្ពុជា និងរដ្ឋកម្ពុជាផង គឺត្រូវបានដាក់បញ្ចូលទៅជាច្បាប់កំពូលរបស់ជាតិ៕
អត្ថបទ៖ ឃួន សុភ័ក្រ
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ២ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ