ព័ត៌មានជាតិ
មន្រ្តីគ្រោងស្នើ បើកទេសចរណ៍ឡើងវិញនៅចុងឆ្នាំនេះ
ភ្នំពេញ៖ លោកជំទាវយក់ សម្បត្តិ រដ្ឋលេខាធិការ ក្រសួងសុខាភិបាលបានឲ្យដឹងថា នៅចុងឆ្នាំនេះក្រសួងទេសចរណ៍នឹងដាក់សំណើរទៅប្រមុខរដ្ឋាភិបាលកម្ពុជាសម្តេចតេជោហ៊ុនសែន សុំបើកដំណើរការវិស័យទេសចរណ៍ឡើងវិញពិសេសភ្ញៀវទេសចរអន្តរជាតិដែលបានចាក់វ៉ាក់សាំងរួច។
ថ្លែងក្នុងឱកាសទៅទទួលវ៉ាក់សាំងស៊ីណូវ៉ាក់ចំនួន២លានដូស ជាជំនួយរបស់រដ្ឋាភិបាលចិននៅព្រឹកថ្ងៃទី១៤តុលានេះ លោកជំទាវបានបន្តថា« យើងបានរៀបចំគោលនយោបាយត្រៀមលក្ខណៈបើកប្រទេសឡើងវិញ ដូចជាសេដ្ឋកិច្ច វិស័យអប់រំនិងទេសចរណ៍រួចរាល់ហើយ។ យើងមិនអាចបិទបន្តទៀតបានទេ យើងត្រូវរៀនរស់ជាមួយជំងឺកូវីដ១៩ ប៉ុន្តែដាច់ខាតត្រូវអនុវត្តឱ្យបានខ្ជាប់ខ្ជួននូវវិធានការ៣កុំនិង៣ការពាររ»។
លោកជំទាវបានបន្តទៀតថា ទន្ទឹមនឹងនេះក្រសួងទេសចរណ៍ ក៏កំពុងរៀបចំគោលនយោបាយដើម្បីដាក់ជួនប្រមុខរដ្ឋាភិបាល សុំបើកវិស័យទេសចរណ៍ឡើងវិញផងដែរ ពិសេសភ្ញៀវទេសចរអន្តរជាតិដែលបានចាក់វ៉ាក់សាំងរួច អាចមកកម្សាន្តនៅប្រទេសកម្ពុជាបាន។
បើតាមរដ្ឋមន្ត្រីក្រសួងទេសចរណ៍ ពេលបើកទទួលភ្ញៀវទេសចរអន្តរជាតិដែលចាក់វ៉ាក់សាំងរួច ត្រូវធ្វើចត្តាឡិស័កចំនួន៧ថ្ងៃទើបអាចអនុញ្ញាតឱ្យធ្វើដំណើរកំសាន្តបាន។
ទោះជាយ៉ាងណាក៏ដោយ លោកជំទាវ យក់សម្បត្តិ បានបញ្ជាក់ថា រដ្ឋាភិបាលបានជំរុញការចាក់វ៉ាក់សាំងឱ្យបានលឿនដើម្បីបង្កើតភាពស៊ាំនៅក្នុងសហគមន៍ ព្រោះថាបច្ចុប្បន្ននេះករណីឆ្លងដែលមានប្រមានណជិត៣០០នាក់ក្នុង១ថ្ងៃៗនេះមានកម្រិតស្រាលៗ ហើយពេលធ្វើតេស្តឃើញពួកគាត់ធ្វើការព្យាបាលនៅផ្ទះរៀងៗខ្លួន។
លោកជំទាវបានបញ្ជាក់ថា ចំពោះអ្នកស្លាប់វិញភាគច្រើនជាមនុស្សវ័យចំណាស់ដែលមិនបានចាក់វ៉ាក់សាំង។
បើតាមសម្តេចតេជោហ៊ុនសែនធ្លាប់បានអះអាងថា ប្រសិនបើស្ថានភាពជំងឺកូវីដ១៩មានភាពធូរស្រាល កម្ពុជានឹងបើកប្រទេសឡើងវិញនាពេលឆាប់ៗនេះ ពិសេសរង់ចាំមើលទំហំការឆ្លងនៅក្នុងពិធីបុណ្យភ្ជុំបិណ្ឌដែលទើបបញ្ចប់ថ្មីៗនេះ៕
អត្ថបទ៖ សំអឿន
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៩ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)