Connect with us

ព័ត៌មានជាតិ

ប្រមុខ​ការទូត​កម្ពុជា ប្រាប់​សន្និសីទ​អន្តរ​ពី​សារៈសំខាន់​នៃ​ការ​ថែរក្សា​សន្តិភាព ដែល​ប្រទេស​ទាំងអស់​ខិតខំ​សម្រេច​បាន​ដោយ​លំបាក

បានផុស

នៅ

នេះ​ជា​ការ​បញ្ជាក់​នៅក្នុង​លទ្ធផល​កិច្ចប្រជុំ​រដ្ឋមន្ត្រីការបរទេស​លើក​ទី​៦ របស់​សន្និសីទ​អន្តរ​សកម្មភាព និង​វិធាន​ការ​កសាង​ទំនុកចិត្ត​នៅ​អាស៊ី (CICA) ដែល​បាន​ប្រព្រឹត្តទៅ​ដោយផ្ទាល់ និង​តាម​ប្រព័ន្ធ​វីដេអូ ទីក្រុង Nur-Sultan សាធារណរដ្ឋ​កា​ហ្សា​ក់​ស្ថាន ដែល​កិច្ចប្រជុំ​នេះ​ដឹកនាំ​ដោយ​លោក មុខ​តារ ទី​ឡើ​បឺ​រ​ឌី (Mukhtar Tileuberdi) ឧបនាយករដ្ឋមន្ត្រី រដ្ឋមន្ត្រីការបរទេស នៃ​សាធារណ​រដ្ឋកា​ហ្សា​ក់​ស្ថាន​។

កិច្ចប្រជុំ​នេះ ក្រោម​មូលបទ “​សន្តិសុខ និង​ការអភិវឌ្ឍ​ប្រកបដោយ​ចីរភាព​នៅ​អាស៊ី​ក្នុង​តថភាព​ថ្មី នៃ​ពិភពលោក​ក្រោយ​ការរីក​រាលដាល​នៃ​ជំងឺ​រាតត្បាត​” ហើយ​រដ្ឋមន្ត្រីការបរទេស CICA បានបញ្ជាក់​សារជាថ្មី​នូវ​ការប្តេជ្ញាចិត្ត​របស់​ពួកគេ ក្នុងការ​ពង្រឹង​និង​ការកសាង​ទំនុកចិត្ត​ទៅវិញទៅមក​ក្នុង​គោលបំណង​ចំបង គឺ​ការលើកកម្ពស់​សន្តិភាព សន្តិសុខ ស្ថិរភាព និង​វិបុលភាព​នៅ​ទូទាំង​តំបន់​អាស៊ី​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អង្គ​ប្រជុំបាន​ផ្លាស់ប្ដូរ​ទស្សនៈ និង​បាន​ដាក់ចេញ​នូវ​ទិសដៅ​រួម​សម្រាប់​បញ្ហា​តំបន់ និង​សកល​សំខាន់ៗ រួមមាន​សារៈសំខាន់​នៃ​ការ​ប្រកាន់ខ្ជាប់​នូវ​ប្រព័ន្ធ​ពាណិជ្ជកម្ម​ពហុភាគី ដែលមាន​ច្បាប់​ជា​មូលដ្ឋាន ការការពារ​បរិស្ថាន តម្រូវការ​ក្នុង​ការទាញយក​ប្រយោជន៍​ពី​ប​ចេ្ច​ក​វិទ្យា​ចុងក្រោយ​ដើម្បី​សម្របសម្រួល​ការស្ដារ​ស​ង្គ​ម​-​សេដ្ឋកិច្ច​ពី​វិបត្តិ​ជំងឺ​រាតត្បាត​កូ​វីដ​-១៩ និង​សារៈសំខាន់​នៃ​ការ​ប្រកាន់ខ្ជាប់​នូវ​សិទ្ធិមនុស្ស​ក្នុងន័យ​ទាំងស្រុង ស្របតាម​គោលការណ៍​នៃ​ធម្មនុញ្ញ​របស់​អង្គការសហប្រជាជាតិ​និង​ច្បាប់​អន្តរជាតិ​។

ក្នុង​កិច្ចប្រជុំ លោក​ឧបនាយករដ្ឋមន្ត្រី ប្រាក់ សុខុន បាន​គូសបញ្ជាក់​ពី​សារៈសំខាន់​នៃ​ការថែរក្សា​សន្តិភាព និង​វិបុលភាព​សកល ដែល​ប្រទេស​ទាំងអស់​ខិតខំ​សម្រេច​បាន​ដោយ​លំបាក រួមទាំង​ភាពចាំបាច់​តម្រូវ​ឱ្យ​រដ្ឋ​សមាជិក CICA ចូលរួម​ដោះស្រាយ​បញ្ហា​ប្រឈម​ចំពោះមុខ​ដែល​បង្កឡើង​ដោយ​ជំងឺ​កូ​វីដ​-១៩ និង​បញ្ហា​ប្រឈម​ដទៃទៀត ដូចជា ការប្រកួតប្រជែង​រវាង​មហាអំណាច ការរាំងស្ទះ​ខ្សែ​ច្រវាក់​ផ្គត់ផ្គង់ និង​គម្លាត​នៃ​ការអភិវឌ្ឍន៍​។ លោក​ឧបនាយករដ្ឋមន្ត្រី បាន​អំពាវនាវ​ឱ្យ​រដ្ឋ​សមាជិក CICA ទាំងអស់​ពង្រឹង​កិច្ចសហប្រតិបត្តិការ ដើម្បី​លើកស្ទួយ​ជំហរ​អន្តរជាតិ​របស់ CICA ក្នុង​ការ​លើកកម្ពស់​កិច្ចសន្ទនា ដែល​មាន​ប្រកបដោយ​បរិ​យា​ប័ន្ន​និង​ស្មារតី​កសាង ការ​សម្របសម្រួល​ពាណិជ្ជកម្ម និង​ការ​វិនិយោគ និង​ការអនុវត្ត​មធ្យោបាយ​ប្រកបដោយ​នវានុវត្តន៍​ក្នុងការ​លើកស្ទួយ​កិច្ចសហប្រតិបត្តិការ​គ្រប់​ជ្រុងជ្រោយ​នៅ​ទូទាំង​តំបន់ ដូចជា​ទំនាក់ទំនង​តាមរយៈ Track 1.5 និង​Track 2 ជាដើម​។

អង្គប្រជុំ​បានអនុម័ត​ឯកសារ​ដូចជា ១) បទបញ្ញត្តិ​សម្រាប់​ក្រុមប្រឹក្សា​ឥស្សរជន​ឆ្នើម CICA (CICA Council of Eminent Persons) ២) បច្ចុប្បន្នភាព​នៃ​កាតាឡុក CICA ស្ដីពី​យន្តការ​កសាង​ទំនុកចិត្ត និង​៣) វិសោធនកម្ម​នីតិវិធី​នៃ​ការសម្រេចចិត្ត​របស់ CICA៕

ដោយ ៖ កោះ​កែវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៨ ម៉ោង មុន

ស្អែកនេះសម្ដេចតេជោ នឹងអញ្ជើញ​ជា​អធិបតីភាព​ប្រគល់សញ្ញាបត្រ​ដល់និស្សិតជ័យលាភីសាកលវិទ្យាល័យវេស្ទើនជាង៣ពាន់នាក់

ព័ត៌មានជាតិ៩ ម៉ោង មុន

ក្រសួងបរិស្ថាន គ្រោងដាក់ឲ្យដំណើរការ​យុទ្ធនាការ​អន្ទាក់​សូន្យ​ដំណាក់កាល​ទី​ពីរនៅ​ក្នុង​តំបន់​ការពារធម្មជាតិ​កម្ពុជា

កីឡា១០ ម៉ោង មុន

មន្ត្រី​បាល់ទះ​កម្ពុជា ២៥​រូប​បញ្ចប់​វគ្គ​បណ្ដុះបណ្ដាល​ប្រព័ន្ធ​ការប្រកួត​ដោយ​ជោគជ័យ ត្រៀម​មុន​ស៊ី​ហ្គេម ឆ្នាំ​២០២៣

ព័ត៌មានជាតិ១១ ម៉ោង មុន

​ព្រះមហាក្សត្រ​ត្រាស់​បង្គាប់​តែងតាំង​លោកឃួង ស្រេង ជាទីប្រឹក្សា​ផ្ទាល់សម្ដេចតេជោ​ បន្ថែមលើមុខងារបច្ចុប្បន្ន

សេដ្ឋកិច្ច១២ ម៉ោង មុន

វិស័យកសិកម្មរំពឹងងើបឡើង១,១ភាគរយ ផ្អែកលើកំណើនការនាំចេញ និងអនុវិស័យផ្សេងៗ

Sokha Hotels

ព័ត៌មានពេញនិយម