ព័ត៌មានជាតិ

អាជ្ញាធរខេត្តសៀមរាប បំផុសឲ្យប្រជាពលរដ្ឋក្នុងក្រុង ពាក់ម៉ាសបានគ្រប់គ្នា និងចូលរួមបញ្ចប់ព្រឹត្តិការណ៍សហគមន៍២៨វិច្ឆិកា

បានផុស

៦ years មុន

នៅ

ថ្ងៃពុធ ២ ធ្នូ ២០២០

ដោយ

អាជ្ញាធរខេត្តសៀមរាប បានចុះផ្ទាល់ទៅបំផុសគំនិតឲ្យប្រជាពលរដ្ឋក្នុងក្រុង ចូលរួមការពារនិងពាក់ម៉ាសឲ្យបានគ្រប់គ្នា ដើម្បីចូលរួមបញ្ចប់ព្រឹត្តិការណ៍សហគមន៍២៨វិច្ឆិកា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅរសៀលថ្ងៃទី០២ ខែធ្នូ ឆ្នាំ២០២០នេះ អាជ្ញាធរខេត្តសៀមរាប ដឹកនាំដោយលោក ពិន ប្រាកដ និងលោក នាក់ ណេរ៉ុន អភិបាលរងខេត្ត និងក្រុមការងារ បានចុះធ្វើយុទ្ធនាការផ្សព្វផ្សាយ និងចែកម៉ាស ដោយនាំយកម៉ាសចំនួន ៩.០០០ម៉ាស ចែកជូនដល់អាជីវករនៅក្នុងផ្សារលើធំថ្មី និងផ្សារចាស់ ព្រមទាំងប្រជាពលរដ្ឋនៅតាមដងផ្លូវក្នុងក្រុងសៀមរាប ដើម្បីបំផុសចលនានៃការពាក់ម៉ាស ក្នុងការទប់ស្កាត់ការរីករាលដាលជំងឺកូវីដ-១៩ ជាពិសេសចូលរួមបញ្ចប់ព្រឹត្តិការណ៍សហគមន៍២៨វិច្ឆិកា ដោយបានណែនាំដល់អាជីវករ និងប្រជាពលរដ្ឋទាំងអស់ចូលរួមពាក់ម៉ាសគ្រប់ៗគ្នា និងលាងដៃដោយសាប៊ូ អាកុល ជែល ព្រមទាំងចៀសវាងការជួបជុំ ដែលស្របតាមការជូនដំណឹងតាមបទបញ្ជារបស់រាជរដ្ឋាភិបាល ក៏ដូចសេចក្ដីជូនដំណឹងជាបន្តបន្ទាប់របស់រដ្ឋបាលខេត្តសៀមរាប។

គួររំលឹកថា កាលព្រឹកមិញនេះ រដ្ឋបាលខេត្តសៀមរាប ក៏បានធ្វើការចែកម៉ាស ចំនួន៣០ម៉ឺនម៉ាស , ជែលលាងដៃចំនួន ១៥០កេស និងមុងជ្រលក់ថ្នាំចំនួន ៣ពាន់មុង ជូនដល់រដ្ឋបាលក្រុងស្រុកទាំង១២ ដើម្បីចែកជូនប្រជាពលរដ្ឋ និងគោលដៅសំខាន់ៗ ដើម្បីទប់ស្កាត់ការឆ្លងរីករាលនៃជំងឺកូវីដ-១៩ នៅក្នុងមូលដ្ឋានរបស់ខ្លួន។

សូមបញ្ជាក់ថា ក្នុងរយៈពេល២ថ្ងៃ គឺថ្ងៃទី២៩ និង ថ្ងៃទី៣០ ខែវិច្ឆិកា សម្រាប់អ្នកពាក់ព័ន្ធព្រឹត្តិការណ៍សហគមន៍២៨វិច្ឆិកា ក្នុងខេត្តសៀមរាប ចំនួន៣៦៦នាក់ ដែលបានយកសំណាកមកធ្វើតេស្ដរកមេរោគកូវីដ១៩នោះ ហើយលទ្ធផល គឺអវិជ្ជមានទាំងអស់៕

ប្រភព៖ មន្ទីរព័ត៌មាន ខេត្តសៀមរាប

Related Topics:ខេត្តសៀមរាប ការចែកម៉ាស

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា