ព័ត៌មានជាតិ
អតីតមន្ត្រីបក្សប្រឆាំង សរសើរលោក ឃួង ស្រេង និងលោក ស ថេត ដែលចូលខ្លួនទៅបង់ការផាកពិន័យ
លោក មុត ចន្ថា អតីតមន្ត្រីគណបក្សប្រឆាំង បានសរសើរទង្វើទទួលខុសត្រូវចំពោះមុខច្បាប់ របស់អភិបាលរាជធានីភ្នំពេញ និងស្នងការនគរបាលរាជធានីភ្នំពេញ ដែលជាគំរូល្អមួយសម្រាប់ការអនុវត្តច្បាប់ដោយស្មើភាព។
ការលើកសរសើរនេះ បន្ទាប់ពីលោក ឃួង ស្រេង អភិបាលរាជធានីភ្នំពេញ និងលោកឧត្ដមសេនីយ៍ឯក ស ថេត ស្នងការនគរបាលរាជធានីភ្នំពេញ នៅព្រឹកថ្ងៃទី២៧ ខែតុលា ឆ្នាំ២០២១នេះ បានចូលខ្លួនទៅបង់ការផាកពិន័យ ដោយសារតែបើកបរម៉ូតូ និងរួមដំណើរដោយមិនពាក់មួកសុវត្ថិភាព នៅពេលដែលលោកទាំងពីរ បានចុះពិនិត្យ និងដោះស្រាយបញ្ហាទឹកជំនន់ កាលពីថ្ងៃម្សិលមិញ។
អ្នកប្រើប្រាស់បណ្ដាញសង្គមហ្វេសប៊ុកជាច្រើននាក់ បានសរសើរនូវគំរូល្អរបស់លោកអភិបាលរាជធានីភ្នំពេញ និងលោកស្នងការនគរបាលរាជធានីភ្នំពេញ ដែលបានចូលទៅបង់ការផាកពិន័យ តាមច្បាប់ចរាចរណ៍ផ្លូវគោកនេះ។ ក្នុងនោះដែរលោក មុត ចន្ថា ដែលជាអតីតមន្ត្រីនៃអតីតគណបក្សប្រឆាំង បានលើកសរសើរផងដែរ នូវទង្វើរបស់លោកទាំងពីរខាងលើនេះ ដោយលោកថា «ទង្វើទទួលខុសត្រូវ នៅចំពោះមុខច្បាប់ គឺជាគំរូ!»។
លោក មុត ចន្ថា បានសរសេរនៅលើគណនីហ្វេសប៊ុករបស់លោក នៅរសៀលថ្ងៃនេះថា ទោះបីមានមតិផ្សេងៗ គ្នា យ៉ាងណាក៏ដោយ។ ប៉ុន្តែទង្វើរបស់លោកអភិបាលរាជធានីភ្នំពេញ និងលោកស្នងការនគរបាល រាជធានីភ្នំពេញ បានចូលខ្លួនទទួលការពិន័យចំពោះការបំពានច្បាប់ ស្តីពីចរាចរណ៍ផ្លូវគោក ដែលពាក់ព័ន្ធនឹងការជិះម៉ូតញមិនពាក់មួកសុវត្ថិភាព គឺជាគំរូល្អមួយ សម្រាប់ការអនុវត្តច្បាប់ដោយស្មើភាព។
អតីតមន្ត្រីគណបក្សប្រឆាំង បានសរសេរបន្តថា «និងក៏អាចចាត់ទុកជាស្មារតី សម្រាប់ការក្រើនរំឭកដល់មន្រ្តីរាជការ និងពល-មន្រ្តីនគរបាលនៅក្រោមឱវាទ ចូលរួមអនុវត្តច្បាប់ និងទទួលខុសត្រូវចំពោះច្បាប់ផងដែរ»។ លោកសរសើរចំពោះភាពជាគំរូដ៏ល្អ របស់លោកអភិបាលរាជធានីភ្នំពេញ និងលោកស្នងការនគរបាល រាជធានីភ្នំពេញ៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ