ព័ត៌មានជាតិ
វិស័យឯកជន គាំទ្រការពន្យារពេលប្រឡងបាក់ឌុបតែបារម្ភខ្លាចផ្ទុះកូវីដម្តងឡើងវិញ
ភ្នំពេញ ៖ ប្រធានក្រុមប្រឹក្សាភិបាលគ្រឹះស្ថានឧត្តមសិក្សាកម្ពុជាបានគាំទ្រការពន្យារពេលប្រឡងសញ្ញាបត្រមធ្យមសិក្សាទុតិយភូមិឬបាក់ឌុបពីថ្ងៃទី៦ធ្នូរំកិលទៅថ្ងៃទី២៧ធ្នូឆ្នាំ២០២១។ប៉ុន្តែនៅតែមានការព្រួយបារម្ភខ្លាចមានករណីផ្ទុះជំងឺកូវីដ១៩ឡើងវិញធ្វើឱ្យប៉ះពាល់ដល់ដំណើរការប្រឡងត្រូវពន្យារម្តងទៀត។
លោក ហេង វ៉ាន់ដា ប្រធានក្រុមប្រឹក្សាភិបាលគ្រឹះស្ថានឧត្តមសិក្សាកម្ពុជាបានមានប្រសាសន៍នៅរសៀលថ្ងៃទី៦វិច្ឆិកាថា« វាមិនអីទេឱ្យតែដឹងថ្ងៃកំណត់ប្រឡងច្បាស់លាស់តែយើងចេះតែខ្លាចតែរដូវកូវីដមកដល់យើងមានបញ្ហាតែម្តងយើងខ្លាចតែអីចឹងទេ»។
លោកបានបន្តថា «តាមពិតទៅការពន្យារប្រឡងពេលប៉ុណ្ណឹង អាចធ្វើឱ្យកម្រិតចំណេះដឹងរបស់សិស្ស កាន់តែមានការកើនឡើងថែមទៀតដើម្បីត្រៀមប្រឡង។ តែយើងមានការភ័យតែម្យ៉ាងពេលកូវីដធ្លាក់មកប្រឹបយើងអត់ដឹងយើងត្រូវលើកទៀតយ៉ាងមិញ»។
លោក បណ្ឌិត ហេង វ៉ាន់ដា បានលើកជាសំណួរថា «ចុះបើលើកពេល ចំរដូវកូវីដមកដល់ទៀត តើត្រូវលើកពេលទៀតឬទេ?ដូចកាលឆ្នាំ២០២០ដែរ លើកពីខែ៨ មកថ្ងៃ២១. ២២. ២៣ ខែធ្នូ។លុះដល់ខែធ្នូលើកពេលទៅថ្ងៃ១៥មករា ។ ចុងបញ្ចប់ជាប់ដោយស្វ័យប្រវត្តិ»។
លោករស់ សុវាចា អ្នកនាំពាក្យក្រសួងអប់រំយុវជននិងកីឡាបានមានប្រសាសន៍ថា ការប្រឡងសញ្ញាបត្រមធ្យមសិក្សាទុតិយភូមិឬបាក់ឌុបនៅឆ្នាំនេះនឹងត្រូវកិលកាលបរិច្ឆេទទៅធ្វើនៅថ្ងៃទី២៧ ខែធ្នូ ឆ្នាំ២០២១វិញតាមទម្រង់ដូចឆ្នាំកន្លងមក។
លោកបានបន្តថា ការប្រឡងបាក់ឌុប ត្រូវបន្តអនុវត្តន៍គោលការណ៍ច្បាប់ យុត្តិធម៌ តម្លាភាព និងលទ្ធផលទទួលយកបាន ស្របនឹងវិធានការសុវត្ថិភាពសុខភាព។
លោកបានបន្តទៀតថា ការលើកពេលការប្រឡងសញ្ញាប័ត្រមធ្យមសិក្សាទុតិយភូមិ ឬបាក់ឌុបនេះគឺដើម្បីទុកពេលវេលាឱ្យសិស្សរៀនបានច្រើនដើម្បីត្រៀមប្រឡង។
លោកបានបញ្ជាក់ថា គិតត្រឹមពេលនេះមានបេក្ខជនប្រឡងបាក់ឌុបបានដាក់ពាក្យប្រឡងសរុប ១១៥,១៣៩នាក់ នារី ៦០,៦៦១នាក់ចែកជា២០៤មណ្ឌលនិង៤៦៥១បន្ទប់។
គួរបញ្ជាក់ថា ការប្រឡងសញ្ញាប័ត្រមធ្យមសិក្សាទុតិយភូមិ ឬបាក់ឌុបដើមឡើយត្រូវក្រសួងអប់រំយុវជននិងកីឡាគ្រោងធ្វើនៅថ្ងៃទី៦ធ្នូ និងប្រកាសលទ្ធផលនៅថ្ងៃទី២៨និង ២៩ខែធ្នូឆ្នាំ២០២១៕
ដោយ ៖ សំអឿន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត