កីឡា
លទ្ធផលជម្រុះ World Cup និង Asian Cup ក្រុមអាស៊ាន៤ធ្វើបានល្អយប់មិញ
ការប្រកួតជម្រុះជើងឯកពិភពលោកឆ្នាំ២០០២៦ (FIFA World Cup) ជុំទី២ និងជើងឯកអាស៊ី (AFC Asian Cup) ថ្ងៃទី២១ ខែមីនា ឆ្នាំ២០២៤ មានក្រុមជម្រើសជាតិតំបន់អាស៊ាន៤ធ្វើបានល្អដោយរកបានពិន្ទុ បើទោះបីជាពួកគេប៉ះក្រុមខ្លាំងក៏ដោយ។
ក្រុមបាល់ទាត់ជម្រើសជាតិថៃបានធ្វើឲ្យមានការភ្ញាក់ផ្អើលនៅពេលពួកគេអាចទម្លាយសំណាញ់ទីរបស់ក្រុមខ្លាំងកូរ៉េខាងត្បូងបាន១គ្រាប់នៅលើទឹកដីកូរ៉េខាងត្បូងដើម្បីបញ្ចប់ដោយលទ្ធផលស្មើគ្នា ១-១ ដើម្បីបន្តឈរលេខ៣ក្នុងពូល C ដោយមាន៤ពិន្ទុ។ នៅពេលជាមួយគ្នានេះ ក្រុមជម្រើសជាតិចិនទំនងជាខកចិត្តដោយមិនអាចយកបាន៣ពិន្ទុពេញ បន្ទាប់ពីស្មើម្ចាស់ផ្ទះសិង្ហបុរី ២-២ ធ្វើឲ្យពួកគេមាន៤ពិន្ទុស្មើចិន ប៉ុន្តែស្ថិតនៅលេខ៣ដោយគ្រាប់បាល់ចំណេញចាញ់ថៃ។ ឆ្លងកាត់៣ប្រកួត សិង្ហបុរីរកបាន១ពិន្ទុជាលើកដំបូង ហើយ កូរ៉េខាងត្បូងនៅតែឈរលេខ១ក្នុងពូលដោយមាន៧ពិន្ទុ។
ចំណែកមីយ៉ាន់ម៉ាក៏រកបាន១ពិន្ទុជាលើកដំបូងដែរ បន្ទាប់ពីស្មើជាមួយស៊ីរី ១-១ ប៉ុន្តែពួកគេនៅស្ថិតនៅបាតតារាងពូល B ដែលកាន់កាប់កំពូលតារាងដោយជប៉ុន (៩ពិន្ទុ) ហើយស៊ីរីលេខ២មាន៤ពិន្ទុ និងកូរ៉េខាងជើងលេខ៣មាន៣ពិន្ទុ។
ក្រុមជម្រើសជាតិឥណ្ឌូណេស៊ីបានផ្តល់ការខកចិត្តមិនស្ទើរទេដល់វៀតណាមតាមរយៈជ័យជម្នះ ១-០។ ជាមួយមហិច្ឆតាចង់ឡើងទៅជុំចុងក្រោយជាលើកដំបូង វៀតណាមបានធ្លាក់មកលេខ៣មាន៣ពិន្ទុ នៅក្រោមឥណ្ឌូណេស៊ី ដែលមាន៤ពិន្ទុ ហើយអ៉ីរ៉ាក់ឈរលើកំពូលតារាងដោយមាន៩ពេញ ខណៈហ្វីលីពីនស្ថិតនៅបាតតារាងមាន១ពិន្ទុ បន្ទាប់ពីចាញ់អ៉ីរ៉ាក់ ១-០។
ជាមួយគ្នានេះ ម៉ាឡេស៊ីបានចាញ់អូម៉ង់ ២-០ ធ្វើឲ្យមាន៣ក្រុមមាន៦ពិន្ទុស្មើគ្នា។ អូម៉ង់មាន៦ពិន្ទុឈរលេខ១ គីជីស្ថានមាន៦ពិន្ទុឈរលេខ២ និងម៉ាឡេស៊ីមាន៦ពិន្ទុឈរលេខ៣ ហើយឆាយនីយតៃប៊ិ គ្មានពិន្ទុនៅបាតតារាង។
លទ្ធផលមានដូចខាងក្រោម
- កាតារ ៣-០ គុយវ៉ែត
- អាហ្វហ្គានីស្ថាន ០-០ ឥណ្ឌា
- ជប៉ុន ១-០ កូរ៉េខាងជើង
- មីយ៉ាន់ម៉ា ១-១ ស៊ីរី
- កូរ៉េខាងត្បូង ១-១ ថៃ
- សិង្ហបុរី ២-២ ចិន
- ឆាយនីយតៃប៊ិ ០-២ គីជីគីស្ថាន
- អូម៉ង់ ២-០ ម៉ាឡេស៊ី
- ហុងកុង ០-២ អ៊ូបេគីស្ថាន
- អ៉ីរ៉ង់ ៥-០ តួកមេនីស្ថាន
- ឥណ្ឌូណេស៊ី ១-០ វៀតណាម
- អ៉ីរ៉ាក់ ១-០ ហ្វីលីពីន
- ប៉ាគីស្ថាន ០-៣ ហ្សកដានី
- អារ៉ាប៊ីសាអ៊ូឌីត ១-០ តាជីគីស្ថាន
- អារ៉ាប់រួម ២-១ យេម៉ែន
- នេប៉ាល់ ០-៥ បារ៉ែន
- អូស្ត្រាលី ២-០ លីបង់
- ប៉ាឡេស្ទីន ៥-០ បង់ក្លាដែស
អត្ថបទ៖ វីរបុត្រ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ១ សប្តាហ៍ ago
ថ្ងៃពិសេសកូនប្រុសម្ដង ភរិយាសេដ្ឋី Ambani ពាក់គ្រឿងអលង្ការតម្លៃ ៦៦.៥ លានដុល្លារបង្អួតភ្នែកមហាជន