អធិការដ្ឋាននគរបាលស្រុកស្វាយអន្ទរ បង្ក្រាបមុខសញ្ញាទទួលផលចោរកម្ម

ព្រៃវែង៖ នៅថ្ង ០៧ ខែវិច្ឆិកា ឆ្នាំ២០២១ វេលាម៉ោង៣ រសៀល កម្លាំងអធិការដ្ឌាននគរបាលស្រុកស្វាយអន្ទរ ខេត្តព្រៃវែង ដឹកនាំដោយលោក អ៊ុង ផាន អធិការស្រុក បានសហការជាមួយកម្លាំងជំនាញព្រហ្មទណ្ឌកំរិតស្រាលរាជធានីភ្នំពេញ ចុះបង្ក្រាបមុខសញ្ញាទទួលផលចោរកម្ម និងឃាត់ខ្លួនជនសង្សយ័បានចំនួន ២ នាក់៖

១. ឈ្មោះ ហួន សិញ ភេទប្រុស អាយុ៣៣ឆ្នាំ នៅភូមិតាឡើក ឃុំអង្គទ្រេត ស្រុកស្វាយអន្ទរ។

២. ឈ្មោះ ហួន ត្រក ភេទប្រុស អាយុ២៥ឆ្នាំ នៅភូមិតាឡើក ឃុំអង្គរទ្រេត ស្រុកស្វាយអន្ទរ។

វត្ថុតាងដកហូតមាន ម៉ូតូបានចំនួន ៥ គ្រឿង ម៉ាកហុងដា១២៥ ពណ៌ខ្មៅចំនួន ៤ គ្រឿង មានស្លាកលេខ១គ្រឿង (ភ្នំពេញ 1HM 2312) ម៉ូតូម៉ាក់ Zoomer X ពណ៌ស្លាទុំ គ្មានស្លាកលេខ ១ គ្រឿង ដកហូតស្លាកលេខម៉ូតូបានចំនួន ៦ ស្លាកលេខ។

ដកហូតបានកាតគ្រីម៉ូតូគុបចំនួន ៦ សន្លឹក និងលិខិតលក់ទិញម៉ូតូចំនួន ២ សន្លឹក  ដែលពាក់ពន្ធ័នឹងករណីប្លន់យកម៉ូតូនៅថ្ងៃទី១ ខែវិច្ឆិកា ឆ្នាំ២០២១ វេលាម៉ោង ៤ ទាបភ្លឺ ចំណុចផ្លូវ ៥០ ម៉ែត្រ ជិតរោងចក្រ KTM សង្កាត់ព្រៃស ខណ្ឌដង្កោ រាជធានីភ្នំពេញ។

ជនសង្សយ័ និងវត្ថុតាង បានប្រគល់ជូនកម្លាំងជំនាញការិយាលយ័ព្រហ្មទណ្ឌកំរិតស្រាល រាជធានីភ្នំពេញ ដើម្បីអនុវត្តតាមនីតិវិធី។

អត្ថបទ៖ សៅគ្រី