ព័ត៌មានជាតិ

អាជ្ញាធរខេត្តព្រះសីហនុ នឹងចុះបិទទីតាំងរោងម៉ាស៊ីន និងរោងសិប្បកម្មកែច្នៃឈើគ្មានច្បាប់នៅក្បែរតំបន់ការពារធម្មជាតិ

បានផុស

៣ years មុន

នៅ

ថ្ងៃព្រហស្បតិ៍ ១១ វិច្ឆិកា ២០២១

ដោយ

អាជ្ញាធរខេត្តព្រះសីហនុ នឹងចុះបិទទីតាំងរោងម៉ាស៊ីន រោងសន្និធិ និងរោងសិប្បកម្មកែច្នៃឈើគ្មានច្បាប់អនុញ្ញាតនៅក្នុង និងក្បែរតំបន់ការពារធម្មជាតិក្នុងក្រុង ស្រុកទាំង៣ នៃខេត្តព្រះសីហនុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចុះបិទទីតាំងរោងម៉ាស៊ីន រោងសន្និធិ និងរោងសិប្បកម្មកែច្នៃឈើគ្មានច្បាប់បន្ទាប់ពី លោក គង់ វិតាណ: និងលោក ឡុង ឌីម៉ង់ អភិបាលរងខេត្តព្រះសីហនុបាន ដឹកនាំកិច្ចប្រជុំកាលពីរសៀលថ្ងៃទី១០វិច្ឆិកា។

នៅក្នុងកិច្ចប្រជុំនោះ សហប្រធានអង្គប្រជុំ បានសម្រេចឱ្យបង្កើតគណៈកម្មការមួយ ដែលមានសមាសភាពចូលរួមមានមកពី មន្ទីរបរិស្ថាន ខណ្ឌរដ្ឋបាលព្រៃឈើ និងអាជ្ញាធរក្រុង ស្រុកទាំង៣ ដឹកនាំដោយនាយកទីចាត់ការអន្តរវិស័យ ដើម្បីចុះពិនិត្យរោងម៉ាស៊ីន រោងសន្និធិ និងរោងសិប្បកម្មកែច្នៃឈើគ្មានច្បាប់អនុញ្ញាតនៅក្នុង និងក្បែរតំបន់ការពារធម្មជាតិក្នុងក្រុង ស្រុកទាំង៣ ដែលកំពុងអនុវត្តដោយខុសច្បាប់ និងត្រូវបិទបញ្ចប់ទីតាំងនោះតែម្តង ដើម្បីគ្រប់គ្រង និងអភិរក្សតំបន់ការពារធម្មជាតិឱ្យនៅគង់វង្ស និងមាននិរន្តរភាពសម្រាប់ប្រជាពលរដ្ឋនៅក្នុងមូលដ្ឋាន៕

អត្ថបទ៖ សំអឿន

Related Topics:ខេត្តព្រះសីហនុ