ព័ត៌មានជាតិ
អភិបាលរាជធានីបន្តផ្តល់ម៉ាសចំនួន៤ម៉ឺននិងឧបករណ៍បំពងសំឡេងចំនួន៤០គ្រឿងជូនស្នងការនគរបាលរាជធានី ដើម្បីចូលរួមទប់ស្កាត់ជំងឺកូវីដ-១៩
ភ្នំពេញ ៖ អភិបាលនៃគណៈអភិបាលរាជធានីភ្នំពេញឃួង ស្រេង បានផ្តល់ម៉ាសចំនួន៤០០០០ម៉ាស
និងឧបករណ៍បំពងសំឡេងចំនួន៤០គ្រឿង ដល់ស្នងការនគរបាលរាជធានីភ្នំពេញ ហើយនៅរសៀលថ្ងៃអាទិត្យទី០៦ខែវិច្ឆិកានេះ លោកអភិបាលរាជធានីក៏បានចុះត្រួតពិនិត្យគ្រប់គោលដៅនៃស្តុបនីមួយ ខណៈកងកម្លាំងទាំងអស់កំពុងពង្រាយក្នុងចែកម៉ាសជូនអ្នកដំណើរនិងបំពងសំឡេងតាមឃោសនស័ព្ទ ដើម្បីអោយបងប្អូនប្រជាពលរដ្ឋចូលរួមទប់ស្កាត់ការរីករាលដាលនៃជំងឺកូវីដ-១៩ទាំងអស់គ្នា។
លោកឧត្តមសេនីយ៍ទោ ចេវ ហាក់ ស្នងការរងរាជធានីបានបញ្ជាក់ឲ្យដឹងថា អភិបាលរាជធានីភ្នំពេញលោកឃួង ស្រេង បានផ្តល់ម៉ាសចំនួន៤០០០០ម៉ាស មីក្រូសម្រាប់បំពងសំឡេងចំនួន៤០គ្រឿងមកស្នងការនគរបាលរាជធានីភ្នំពេញ ហើយ លោកបានបន្តចែកទៅកម្លាំងមានសមត្ថកិច្ចចំនួន២២គោលដៅនៅតាមស្តុប ដើម្បីឲ្យកងកម្លាំងមានសមត្ថកិច្ច ពិសេសប៉ូលីសចរាចរណ៍ធ្វើការចែកបន្តទៅប្រជាពលរដ្ឋជាអ្នកដំណើរដែលមិនពាក់ម៉ាស។ ចំណែកមីក្រូបំពងសម្លេង ក៏បានផ្ញើសារទៅប្រជាពលរដ្ឋព្រមគ្នាផងដែរ ដើម្បីអោយបងប្អូនប្រជាពលរដ្ឋចូលរួមទប់ស្កាត់ការឆ្លងរីករាលដាលនៃជំងឺកូវីដ-១៩ទាំងអស់គ្នា ខណៈដែលជំងឺនេះកំពុងរីករាលដាលចូលដល់សហគមន៍ហើយនោះ។
ចំពោះគោលដៅសំខាន់ៗទាំង ២២ មានដូចជា គោលដៅ ១ – ស្តុប BKC ២- ស្តុប ពេទ្យចិន
៣- ស្តប បូកគោ ៤- ស្តុបច្រមុះជ្រូកក្បាលថ្នល់
៥- ស្តុបអង្គឌួង ៦- ស្តុបក្រសួងអប់រំ ៧- ស្តុបជលផល
៨- ស្តុប ក្តាន់ពីរ ៩- ស្តុប អាងទឹក ១០ – ស្តុបចេនឡា
១១- ស្តុបទួលសង្កែ ១២- ស្តុប កាំកូ ១៣- ស្ពានអាកាស៧មករា ១៤- ស្តុប ២០០៤កែង ទ្រុងមាន់
១៥- ស្តុប២០០៤ កែង ២៧១ ,១៦- ស្តុប ២៧១ កែង ៣៧១, ១៧- ស្តុបស្ពានដែក ។
គោលដៅក្នុងខណ្ឌចំនួន៥ រួមមាន៖
១- ខណ្ឌទួលគោក ស្តុបផ្សារដើមគរ ២- ខណ្ឌ៧មករា ស្តុបនាងគង្ហីង ៣- ខណ្ឌដូនពេញ ស្តុបនាគបាញ់ទឹក
៤- ខណ្ឌចំការមន ស្តុបបឹងត្របែក ៥- ខណ្ឌបឹងកេងកង ស្តុបវត្តមហាមន្ត្រី ។
ចំពោះខ្លឹមសារតាមឃោសនស័ព្ទគឺសូមពុក ម៉ែ អុំ ពូ មីង និងអ្នកប្រើប្រាស់ផ្លូវ ទាំងអស់ឲ្យបានជ្រាបថា៖ ដើម្បីចូលរួមទប់ស្កាត់ការរីករាលដាល ជំងឺកូវីត-១៩ សូមមេត្តាអនុវត្តន៍នូវវិធានការរបស់ក្រសួងសុខាភិបាល ឲ្យបានខ្ជាប់ខ្លួន ដូចជា៖ ពាក់ម៉ាស់ជាប្រចាំទោះទៅទីកន្លែងណាក៏ដោយ លាងសម្អាតដៃ និងសាប៊ូ ឬអាកុលជាប្រចាំ រក្សាគំលាតពីគ្នាឲ្យបានឆ្ងាយ មិនទៅទីកន្លែងដែលការប្រមូលផ្ដុំ។
សង្ឃឹមថា ពុក ម៉ែ អុំ ពូ មីង និងអ្នកប្រើប្រាស់ផ្លូវទាំងអស់ និងចូលរួមនូវវិធានការទាំងនេះ ដើម្បីសុខភាពយើងទាំងអស់គ្នានិងសូមធ្វើដំណើរដោយសុវត្ថិភាព។
គួរបញ្ជាក់ថា សម្តេចអគ្គមហា សេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាសម្រាប់ដំណាក់កាលកូវីដ-១៩នេះ សម្តេចបានផ្តល់ម៉ាស មករដ្ឋបាលរាជធានីភ្នំពេញចំនួន៣លានម៉ាស់ដើម្បីចែកជូនប្រជាពលរដ្ឋនៅសហគមន៍ក្រីក្រដែលមិនមានលទ្ធភាពទិញម៉ាសយកមកប្រើប្រាស់ ចែកអ្នកដំណើរតាមដងផ្លូវ។បន្ថែមពីលើនេះទៀតកាលពីថ្ងៃទី ៣០ ខែវិច្ឆិកា ឆ្នាំ២០២០ ក្នុងពិធីបើក ការដ្ឋានសាងស និង កែលម្អផ្លូវទាំង៣៨ខ្សែក្នុងក្រុងសៀមរាប ខេត្តសៀមរាប សម្តេចអគ្គមហា សេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានប្រកាសឧបត្ថម្ភថវិការបស់រាជរដ្ឋាភិបាលជូនបងប្អូនប្រជាពលរដ្ឋ ដែលធ្វើចត្តាឡីស័កទាំងអស់នៅរាជធានីភ្នំពេញ ដោយក្នុង០១ គ្រួសារទទួលបានថវិកាចំនួន ៣០ម៉ឺនរៀល សំរាប់រយៈពេល១៥ថ្ងៃ មានន័យថា ក្នុង០១ថ្ងៃ២ម៉ឺនរៀលថែមទៀត៕
ស្រីរ័ត្ន
-
ព័ត៌មានអន្ដរជាតិ២ ថ្ងៃ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
កីឡា៦ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ៥ ថ្ងៃ agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
អត្ថាធិប្បាយ៧ ថ្ងៃ agoវិចារណកថាចក្ខុវិស័យកែទម្រង់យោធាកម្ពុជា៖ ពីកម្លាំងបរិមាណ ឆ្ពោះទៅកងទ័ពជំនាញឌីជីថល និងមនសិកាការពារជាតិ
-
ព័ត៌មានអន្ដរជាតិ២២ ម៉ោង agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
សន្តិសុខសង្គម២០ ម៉ោង agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ១៣ ម៉ោង agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS
-
ព័ត៌មានអន្ដរជាតិ៧ ថ្ងៃ agoអាមេរិក បើកការវាយប្រហារអ៊ីរ៉ង់ ថ្មីទៀត ដើម្បីសងសឹក ចំពោះការធ្លាក់ឧទ្ធម្ភាគចក្រ Apache