Connect with us

ព័ត៌មានជាតិ

កងកម្លាំងនគរបាលការពារព្រំដែនទឹកត្រូវមានជំនាញច្បាស់លាស់ទាំងទ្រឹស្តី និងការអនុវត្តជាក់ស្តែង​

បានផុស

នៅ

កងកម្លាំង​នគរបាល​ការពារ​ព្រំ​ដែនទឹក គឺជា​អ្នកអនុវត្ត​ច្បាប់​នៅលើ​ដែនទឹក និង​មាន​តួនាទី​ការពារ​ប្រជា ពលរដ្ឋ​រកស៊ី​ស្រប់ច្បាប់​នៅលើ​ផ្ទៃសមុទ្រ ជាពិសេស​ចូលរួម​ការពារ​បូរណៈភាព អធិបតេយ្យភាព​នៃ​ព្រំដែន​សមុទ្រ​កម្ពុជា​។ ដូច្នេះ​នគរបាល​ការពារ​ព្រំ​ដែនទឹក​ត្រូវមាន​ចំណេះ​ជំនាញ​ច្បាស់លាស់​ទាំង​ទ្រឹស្តី និង​ការអនុវត្ត​ជាក់ស្តែង ដើម្បី​បង្កើន​គុណភាព​នៃ​ការអនុវត្ត​ការងារ​ឲ្យ​បាន​កាន់តែ​ប្រសើរ​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះ​បើតាម​ការលើកឡើង​រប​ស់ឯកឧត្តម​ឧ​ត្ត​ម​សេនីយ៍​ឯក ទូច ពលៈ ប្រធាន​នាយកដ្ឋាន​នគរបាល​ការពារ​ព្រំ​ដែនទឹក ក្នុង​ពិធី​បើក​វគ្គ​បំប៉ន​ហ្វឹកហ្វឺន​ជំនាញបច្ចេកទេស​បើកបរ​នាវា អូប័រ ជ្រមុជ​ទឹក និង​សង្គ្រោះ ដល់​កងកម្លាំង​នគរបាល​ការពារ​ព្រំ​ដែនទឹក ឆ្នាំ​២០២១ ដែល​បាន​ធ្វើឡើង​នៅទីបញ្ជាការ​វរៈ​សេនា​តូច​នគរបាល​ការពារ​ព្រំដែន​ទឹក​លេខ២៤១ ស្ថិតនៅក្នុង​សង្កាត់​បឹង​ទូក ក្រុង​បូកគោ ខេត្តកំពត នៅ​ព្រឹក​ថ្ងៃទី៦ ខែធ្នូ ឆ្នាំ​២០២១​។

ឯកឧត្តម​បាន​បន្តថា ដើម្បី​បង្កើន​ការយល់ដឹង​ដល់​កងកម្លាំងនូវ​ចំណេះ ជំនាញ ពិតប្រាកដ​ក្នុង​កិច្ច​ប្រតិបត្តិការ​នៅ​តំបន់​សមុទ្រ នាយកដ្ឋាន​នគរបាល​ការពារ​ព្រំ​ដែនទឹក បានដាក់​ចេញ​នូវ​ផែនការ​ហ្វឹកហ្វឺន​ផ្ទៃក្នុង​ដើម្បី​បង្កើន​សមត្ថភាព​យល់ដឹង​ផ្នែក​ជំនាញ ដល់​កងកម្លាំង​នៅ​នាយកដ្ឋាន​នគរបាល​ការពារ​ព្រំ​ដែនទឹក ដើម្បី​ពង្រឹង​អំពី​វិន័យ របៀបរបប​ការងារ និង​តួនាទី​ភារកិច្ច​ជំនាញ ធានា​ដល់​ការគ្រប់គ្រង បញ្ជា​ដឹកនាំ​កម្លាំង ក្នុង​កិច្ចប្រតិបត្តិការ​ឲ្យ​បាន​កាន់តែ​ល្អប្រសើរ និង​រៀន​រស់​ធ្វើការ​តាមរបៀប​គន្លង​ថ្មី​។​ដូច្នេះ​កម្មសិក្សាការី​ទាំងអស់​ត្រូវ​យកចិត្តទុកដាក់​ត្រង់ត្រាប់ ក្រេបជញ្ជក់​យកចំណេះ​ជំនាញ​ឲ្យ​បាន​លទ្ធផល​ល្អប្រសើរ​។

ឯកឧត្តម​ប្រធាន​នាយកដ្ឋាន ក៏បាន​ផ្តាំផ្ញើ​ដល់ នាយ​-​នាយរង​នគរបាល​ទាំងអស់ នៃ​នាយកដ្ឋាន​នគរបាល​ការពារ​ព្រំ​ដែនទឹក ក្រោយពេល​បានបញ្ចប់​វគ្គ​សិក្សា​នេះ សូម​យកទៅអនុវត្ត​លើកកម្ពស់​បំពេញបន្ថែម​នូវ​កម្រិតយល់ដឹង​តាម​របកគំហើញ​ថ្មីៗ និង​ពង្រឹងសមត្ថភាព​ការងារ ដក​បទពិសោធន៍ ដើម្បី​រួមចំណែក​ក្នុង​ការ​បំពេញភារកិច្ច​របស់ខ្លួន​ឲ្យ​ទទួលបាន​ជោគជ័យ​ល្អប្រសើរ​ជូន​អង្គភាព​។​

សូមបញ្ជាក់ថា វគ្គ​ហ្វឹកហ្វឺន​នេះ មាន​កម្មសិក្សាការី​សរុប​ចំនួន ២៥០​នាក់​ក្នុងនោះ​មកពី វរៈ​សេនា​តូច​នគរបាល​ការពារ​ព្រំដែន​ទឹក​លេខ​២៤០ (​ព្រះសីហនុ​) , លេខ​២៤១(​កំពត​),​លេខ​២៦៩(​កោះកុង​) ៤៣០(​កែប​) និង​ស្នងការដ្ឋាន​នគរបាល​ខេត្ត ផ្នែក​ទេសចរណ៍ និង​ចរាចរណ៍ នៃ​ខេត្ត​ទាំង​បួន​ខាងលើ​ផងដែរ​៕

អត្ថបទ៖ សេង ណា​រិ​ទ្ធ​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម