ព័ត៌មានជាតិ

មន្ដ្រីស្នើឲ្យចូលរួមថែរក្សាសត្វត្មាត រស់នៅតំបន់ព្រៃអភិរក្សសៀមប៉ាង ដើម្បីបម្រើឲ្យវិស័យទេសចរណ៍

បានផុស

៤ years មុន

នៅ

ថ្ងៃចន្ទ ១៣ ធ្នូ ២០២១

ដោយ

សូមបងប្អូនប្រជាពលរដ្ឋនាំគ្នាចូលរួមថែរក្សាសត្វត្មាតប្រមាណជិត១០០ក្បាល រស់នៅតំបន់ព្រៃអភិរក្សសៀមប៉ាង ក្នុងឃុំព្រែកមាស និងឃុំថ្មកែវ ស្រុកសៀមប៉ាង ខេត្តស្ទឹងត្រែង ដើម្បីបម្រើឲ្យវិស័យទេសចរណ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក លាង ប៊ុនប៉ែង មន្ត្រីអង្គការជីវិតសត្វស្លាបអន្តរជាតិប្រចាំនៅស្រុកសៀមប៉ាង បានបញ្ជាក់ថា ការចូលរួមថែរក្សាសត្វទាំងនេះ គឺដើម្បីឲ្យសត្វត្មាត រស់នៅគង់វង្ស នៅក្នុងព្រៃទឹកដីខេត្តស្ទឹងត្រែង កុំឱ្យវាទៅរស់នៅតំបន់ព្រៃប្រទេសឡាវ ដោយសារបច្ចុប្បន្នវានៅសល់១០០ក្បាលតែប៉ុណ្ណោះ។ លោកបន្តថា បច្ចុប្បន្នយើងទិញសត្វគោ ផ្តល់ជាចំណីបន្ថែម ធ្វើឡើងក្នុងមួយខែ៤ដង ជារៀងរាល់ខែ ដើម្បីឱ្យសត្វត្មាតវាមកស៊ី ព្រោះចំណីធម្មជាតិក្នុងព្រៃ បច្ចុប្បន្នមិនសម្បូរបែបនោះទេ។

លោក ស៊ីន ដាន មេឃុំថ្មកែវ ស្រុកសៀមប៉ាង ខេត្តស្ទឹងត្រែង បានអំពាវនាវដល់បងប្អូនប្រជាពលរដ្ឋទាំងអស់ ចូលរួមអភិរក្សសត្វស្លាបនេះ វាអាចបម្រើឱ្យវិស័យទេសចរណ៍ដោយសារភ្ញៀវទេសចរមកលេងចង់មើលពពួកសត្វដ៏កម្រទាំងនេះ។

បញ្ជាក់ថា សត្វត្មាតបច្ចុប្បន្ននេះ ពេលយើងដាក់ចំណីឱ្យម្តងៗសង្កេតឃើញមានចន្លោះចាប់ពី៩០ក្បាលទៅ១០០ក្បាលតែប៉ុណ្ណោះ។ ជាមួយនេះ គេក៏សង្កេតឃើញមាន សត្វត្រយ៉ងយក្ស សត្វចំកំកស សត្វត្រដក់តូច និងត្រដក់ធំ ដែលមានរស់នៅទំនប់ព្រៃអភិរក្សសៀមប៉ាងខេត្តស្ទឹងត្រែង យើងនេះផងដែរ៕

អត្ថបទ៖ ងិនលីម

Related Topics:សត្វត្មាត