ព័ត៌មានជាតិ
បញ្ហារវាងបុគ្គលិក និងក្រុមហ៊ុនណាហ្គាវើល មិនទាន់ទទួលបានដំណោះស្រាយ
តាមការឱ្យដឹងពីមន្ត្រីជាន់ខ្ពស់ក្រសួងការងារបានឱ្យដឹងថា អាជ្ញាធររាជធានីភ្នំពេញ កំពុងបន្តរកដំណោះស្រាយ សម្របសម្រួលការតវ៉ារបស់បុគ្គលិកក្រុមហ៊ុនណាហ្គាវើល បន្ទាប់ពីការសម្របសម្រួលរវាងសហជីព និងក្រុមហ៊ុនទទួលបរាជ័យ កាលពីថ្ងៃទី ១៤ ខែធ្នូ ឆ្នាំ ២០២១។
បុគ្គលិកក្រុមហ៊ុនណាហ្កាវើល ប្រមាណ ១ ពាន់នាក់ កាលពីពេលថ្មីៗនេះ បានធ្វើកូដកម្មតវ៉ាឡើងវិញឱ្យក្រុមហ៊ុន ទទួលយកពួកគេ ៣៦៤ នាក់ចូលធ្វើការ បន្ទាប់ពីក្រុមហ៊ុនបានបញ្ឈប់បុគ្គលិកអស់រយៈពេល ជាង ៨ ខែ ក្រោមហេតុផលវិបត្តិជំងឺកូវីដ១៩។
លោក ហេង សួរ រដ្ឋលេខាធិការ និងជាអ្នកនាំពាក្យក្រសួងការងារ ប្រាប់កម្ពុជាថ្មី នៅរសៀលថ្ងៃទី ២១ ខែធ្នូ នេះថា ក្រសួងការងារ បានធ្វើការសម្របសម្រួលបញ្ហានេះតាំងពីខែ ឧសភា រហូតមកដល់បច្ចុប្បន្ន ហើយនៅតែបន្តសម្របសម្រួលដរាបណាមានការស្នើសុំចរចារ រីឯលទ្ធផលចរចារគឺអាស្រ័យទៅលើភាគទាំងពីរដែលជាអ្នកស្នើសុំ ហើយជាអ្នកផ្ដល់ចំណែកអ្វី ដែលមានចែងក្នុងច្បាប់តម្រូវថា ភាគីនេះ ត្រូវធ្វើអ្វី ភាគីណាត្រូវធ្វើអ្វី គឺក្រសួងមានសិទ្ធិចាប់បង្ខំឱ្យភាគីនោះទទួលយកតែម្ដង ប៉ុន្តែអ្វីដែលស្នើសុំលើសពីច្បាប់វាអាស្រ័យលើភាគីលើកសំណើ និងភាគីដែលត្រូវដោះស្រាយនូវសំណើនោះ។
លោក ហេង សួរ បានប្រាប់ថា ឥឡូវនេះ ក្រសួងការងារកំពុងរង់ចាំមើលភាគីទាំងពីរ សម្របសម្រួល និងដោះស្រាយម្ដងទៀតនៅរដ្ឋបាលរាជធានីភ្នំពេញ ថាតើមានអ្វីដែលអាចកែសម្រួលនូវសំណើ និងអាចទទួលយកអ្វីបន្ថែមទៀត គឺយើងរង់ចាំមើលការឆ្លើយតបរបស់ភាគីទាំងពីរ នៅថ្ងៃនេះ ឬថ្ងៃស្អែក។
ទោះយ៉ាងណា ប្រភព័ត៌មានពីសាលាររាជធានីភ្នំពេញ ប្រាប់ថា មកដល់ថ្ងៃនេះ ក្រុមសហជីព នៅមិនទាន់ចូលតុចរចារជាមួយភាគីក្រុមហ៊ុន នៅសាលារាជធានីភ្នំពេញនៅឡើយទេ។
បើតាម លោក ហេង សួរ និតិវិធីនៃការដោះស្រាយវិវាទនៅកម្ពុជាគឺ មានការដោះស្រាយ នៅកម្រិតក្រុមហ៊ុន ដែលក្រសួងបានធ្វើហើយ និងការុញទៅក្រុមប្រឹក្សាអាជ្ញាកណ្ដាលដែលក្រសួងបានរុញទៅហើយ នៅសល់តែនិតិវិធីតែមួយទៀតទេគឺភាគីទាំងពីរុញទៅតុលាការដោយខ្លួនឯង។
លោកប្រាប់ថា ការធ្វើកូដកម្មគឺជាសកម្មភាពដោយឡែករបស់ភាគីនីមួយៗ ហើយក្រសួងបន្តរង់ចាំសម្របសម្រួលបន្តទៅទៀតនូវរាល់សំណើទាំងឡាយណាដែលភាគីនីមួយៗ បានលើកឡើង។ លោក ហេង សួរ បញ្ជាក់ថា ក្រសួងមិនរុញរាក្នុងការចាប់បង្ខំឱ្យភាគីណាមួយអនុវត្តច្បាប់នោះទេ ប៉ុន្តែអ្វីដែលមិនមានចែងក្នុងច្បាប់ អ្វីដែលស្នើសុំលើសច្បាប់ នោះគឺត្រូវការសម្រេចចិត្តពីអ្នកដែលផ្តល់៕
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ