Connect with us

ព័ត៌មានជាតិ

ទោះផ្សារបើកឡើងវិញក៏ដោយ តែអាជីវករមួយចំនួន នៅបន្តលក់តាមផ្ទះ

បានផុស

នៅ

បើពិនិត្យ​ជារួម គឺ​គេ​សង្កេតឃើញ​បងប្អូនអាជីវករមួយចំនួនដែលធ្លាប់តែលក់ដូរក្នុងផ្សារជាយូរយារណាស់មកហើយ បែរជាមកលក់ដូរនៅតាមផ្ទះទៅវិញ។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​តាម​ប្រភពពី​បងប្អូន​អាជីវករ​លក់ដូរ ​នៅ​ផ្សារ​ច្បារអំពៅ​ បាន​ឲ្យ​ដឹងថា​ មូលហេតុ​ដែល​ពួកគាត់​ងាក​មក​លក់ដូរ​អីវ៉ាន់​នៅតាម​ផ្ទះ​បែបនេះ ​ព្រោះ​មាន​ម៉ូ​យមក​ចាំ​ទិញ​ដល់​ផ្សារ​ខុសប្លែក​ពីមុន​ដែល​ម៉ូយ​គាត់​លំបាក​ក្នុងការ​ជញ្ជូន​អីវ៉ាន់​មក​ដាក់​រថយន្ត​នៅឯ​ក្រៅ​ផ្សារ​។

អាជីវករ​បានបញ្ជាក់​ទៀតថា​ ចាប់តាំងពី​មាន​កើតឡើង​ជំងឺ​ដ៏​កាច​សាហាវ​កូ​វីដ​១៩​ នា​ព្រឹត្តិការណ៍​២០​កុម្ភៈ​មក ផ្សារ​ច្បារអំពៅ​ ត្រូវបាន​បិទ​ខ្ទប់​មួយ​រយៈដោយសារ​ទប់ស្កាត់​ជំងឺឆ្លង​នេះ​។​ ចំណែក​បងប្អូន​អាជីវករ​នាំគ្នា​មក​លក់​អីវ៉ាន់​តាម​ផ្ទះ​ និង​ទំនាក់ទំនង​ម៉ូយ​តាមរយៈ​ទូរស័ព្ទ​ឲ្យ​មក​ដោះដូរ​ទំនិញ​ នៅតាម​ផ្ទះ​ដោយ​បន្សល់ទុក​តូប​ដែល​មាន​ក្នុង​ផ្សារ​ឲ្យ​បិទទ្វារ​សិន​ នឹង​រង់ចាំ​ទៅ​លក់​ក្នុង​ផ្សារ​វិញ​ ដ៏​រាប​ណា​ជំងឺឆ្លង​នេះ ​ត្រូវ​សាបរលាប​ឲ្យ​អស់​សិន​។ ​ចំពោះ​លទ្ធផល​ដែល​បងប្អូន​អាជីវករ​មក​លក់ដូរ​តាម​ផ្ទះ​វិញ​នេះ ​គឺ​បានល្អ​ប្រសើ​ជាង​លក់ដូរ​ក្នុង​ផ្សារ​ទៅទៀត ព្រោះ​អតិថិជន​ភាគច្រើន​លោក​មិនសូវ​ចូលទៅក្នុង​ផ្សារ​ដោយសារតែ​ខ្លាច​ឆ្លង​ជំងឺ​កូ​វីដ​ដ៏​សាហាវ​នេះ​។​

​ទាក់ទិន​ទៅ​និង​ករណី​នេះដែរ លោក សាន់ ប៊ុន​ណា ប្រធាន​គ្រប់គ្រង​ផ្សារ​បន្លែ​ច្បារអំពៅ​បាន​ឲ្យ​ដឹងថា ចំពោះ​បងប្អូន​អាជីវករ​លក់ដូរ​ក្នុង​ផ្សារ​របស់លោក​ គឺ​មិនសូវមាន​បងប្អូន​អាជីវករ​ទៅ​លក់ដូរ​តាម​ផ្ទះ​នោះទេ ​ព្រោះ​ជា​ផ្សារ​បន្លែ​។​ ប៉ុន្តែ​សព្វថ្ងៃនេះ​ អ្នកលក់ដូរ​បន្លែ​នៅក្រៅ​ផ្សារ​ច្រើន​ជា​អ្នក​មកពី​ចំងាយ​ដែល​ជួល​មុខផ្ទះ​ប្រជាពលរដ្ឋ​លក់ដូរ​ដូចជា​ផ្សារ​ក្រមួន​ប៉ុណ្ណោះ​។ ​ដោយឡែក​ផ្សារ​ច្បារអំពៅ​(​លើ​)​វិញ​លោក គួច ចំណាន ផ្សារ​គ្រប់គ្រង​ផ្សារ​បាន​ឲ្យ​ដឹងថា ពិត​ជាមាន​បងប្អូន​អាជីវករ​ដែល​ធ្លាប់​លក់ដូរ​ក្នុង​ផ្សារ​ងាក​ទៅ​លក់​តាម​ផ្សារ​ក្បែរៗ​ផ្សារ​មែន​ ព្រោះ​ពួកគាត់​មាន​ម៉ូយ​ទៅ​ទិញ​ដល់ផ្ទះ​។​ ហើយ​កាលដែល​បងប្អូន​អាជីវករ​ងាក​ទៅ​លក់ដូរ​តាម​ផ្ទះ​នោះ​គឺ​បន្ទាប់ពី​បិទ​ផ្សារ​មួយ​រយះ​ខ្លី ខ​ណៈ​ដែលមាន​អ្នកជំងឺ​កូ​វីដ​ចូលទៅ​ទិញ​របស់របរ​ក្នុង​ផ្សារ​មក​នោះ​៕

អត្ថបទ៖ ​ន​រា​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម