Connect with us

ព័ត៌មានជាតិ

ឆ្នាំ២០២២ ៖ កម្មករនិយោជិត នឹងទទួលបានប្រាក់ឈ្មួលថ្មីចំនួន១៩៤ដុល្លារ

បានផុស

នៅ

ចាប់ពីខែមករា ឆ្នាំ២០២២នេះតទៅ កម្មករនិយោជិតផ្នែកវាយនភណ្ឌ កាត់ដេរ ផលិតស្បែកជើង និងផលិតផលិតផលធ្វើដំណើរ និងកាបូប នឹងទទួលបានប្រាក់ឈ្មួលថ្មីចំនួន១៩៤ដុល្លារ ដែលនឹងជួយធ្វើឱ្យជីវភាពរស់នៅប្រចាំថ្ងៃរបស់ពួកគេកាន់តែល្អប្រសើរឡើងថែមទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អាត់ ធន់ ប្រធានសហភាពការងារកម្ពុជា បានមានប្រសាសន៍នៅព្រឹកថ្ងៃទី៣១ធ្នូនេះថា ក្រៅពី​ប្រាក់ខែគោលនេះ កម្មករនិយោជិត ក៏ទទួលបានប្រាក់អត្ថប្រយោជន៍ផ្សេងទៀត រួមមាន ប្រាក់សោហ៊ុយធ្វើដំណើរ និងស្នាក់នៅចំនួន ៧ដុល្លារក្នុងមួយខែ ប្រាក់រង្វាន់ធ្វើការទៀងទាត់ចំនួន ១០ដុល្លារក្នុងមួយខែ ប្រាក់ថ្លៃបាយសម្រាប់ការធ្វើការងារបន្ថែមម៉ោងដោយស្ម័គ្រចិត្តចំនួន ២ ០០០រៀល ក្នុងមួយថ្ងៃ ឬការទទួលបានបាយមួយពេលដោយឥតគិតថ្លៃ និងប្រាក់រង្វាន់អតីតភាពការងារចំនួន៣ដុល្លារដល់១១ដុល្លារក្នុងមួយខែ សម្រាប់កម្មករ និយោជិតដែលបានធ្វើការចាប់ពីឆ្នាំទី២ ដល់ឆ្នាំទី១១។

លោកបានបន្តទៀតថា ជាមធ្យម កម្មករនិយោជិតម្នាក់ៗនឹងទទួល បានប្រាក់បៀវត្សយ៉ាងតិចពី ២១១ ដុល្លារដល់ ២២២ ដុល្លារ ក្នុងមួយខែ។ យ៉ាងណាក៏ដោយ លោកអាត់ ធន់ បានអំពាវនាវដល់រដ្ឋាភិបាលជួយទប់ស្កាត់ការដំឡើងថ្លៃទំនិញគ្រប់ប្រភេទ ពិសេស ត្រីសាច់ អង្ករ និងគ្រឿងទេស ដើម្បីកាត់បន្ថយការចំណាយរបស់កម្មករ។ លោក ក៏បានណែនាំដល់កម្មករ កម្មការិនី ត្រូវចេះចាយវាយទៅតាមលទ្ធភាពនិងចំទិសដៅ កុំចាយវាយឥតប្រយោជន៍ ពោល គឺត្រូវចេះគិតគូរពីបញ្ហាសុខភាព ដោយបរិភោគចំណីអាហារឱ្យបានគ្រប់គ្រាន់ ដើម្បីបំប៉នសុខភាពឱ្យបានល្អ និងកុំចាយត្បិតត្បៀតជ្រុលពេក ធ្វើឱ្យប៉ះពាល់ដល់សុខភាព និងការងារប្រចាំថ្ងៃ។ លោកប្រធានសហភាពការងារកម្ពុជា ក៏បានអំពាវនាវដល់ថៅកែរោងចក្រផងដែរ គួរតែឲ្យកម្មករធ្វើការងារក្នុងកម្រិតមួយសមរម្យ និងផ្តល់ប្រាក់អត្ថប្រយោជន៍ឱ្យបានច្រើនបន្ថែមទៀត ដើម្បីរួមចំណែកកាត់បន្ថយការចំណាយរបស់កម្មករ។

សូមបញ្ជាក់ថា នៅក្នុងឆ្នាំ២០២១នេះ ប្រាក់ឈ្នួលអប្បបរមាកម្មករនិយោជិតផ្នែកវាយនភណ្ឌកាត់ដេរ ផលិតស្បែកជើង និងផលិតផលិតផលធ្វើដំណើរ និងកាបូប មាន១៩២ដុល្លារប៉ុណ្ណោះក្នុងមួយខែ ខណៈឆ្នាំថ្មី២០២២ បានដំឡើងបន្ថែមដល់១៩៤ដុល្លារក្នុងមួយខែ៕

អត្ថបទ ៖ សំអឿន    

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣២ នាទី មុន

ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេស​ឡាវ

សេដ្ឋកិច្ច៣៤ នាទី មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

ព័ត៌មានជាតិ៥៩ នាទី មុន

ឯកឧត្តម ហ៊ុន ម៉ានី អញ្ជើញប្រគល់ផ្ទះជាអំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ជូនក្រុមគ្រួសារយុវជន អន ផានិត

សន្តិសុខសង្គម២ ម៉ោង មុន

សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ

ព័ត៌មានជាតិ៣ ម៉ោង មុន

ឯកឧត្តម ហ៊ុន ម៉ានី៖ ការបោះឆ្នោតជូនគណបក្សប្រជាជនកម្ពុជា គឺជាការបោះឆ្នោតប្រកបដោយភាពជឿជាក់ និងការពារសុខសន្តិភាព

Sokha Hotels

ព័ត៌មានពេញនិយម