Connect with us

ព័ត៌មានជាតិ

ដោយសារតែ​វិបត្តិ​ជំងឺ​កូ​វីដ​-១៩ ធ្វើ​ឲ្យ​ទំហំ​ពាណិជ្ជកម្ម អង់គ្លេស​-​កម្ពុជា បាន​ថយចុះ

បានផុស

នៅ

លោក​ឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និង​សហប្រតិបត្តិការ​អន្តរជាតិ​នៃ​ព្រះរាជាណាចក្រ​កម្ពុជា បាន​ទទួល​ជួបពិភាក្សា​ការងារ​ជាមួយ​លោកស្រី អា​ម៉ាន់​ដា មី​ល​លីង (Amanda Milling) អនុរដ្ឋមន្ត្រី​ទទួលបន្ទុក​កិច្ចការ​អាស៊ី នៃ​ក្រសួងការបរទេស កំ​មិន​វ៉ែល និង​អភិវឌ្ឍន៍​នៃ​ចក្រភព​អង់គ្លេស កាលពី​ថ្ងៃទី​១១ ខែមករា ឆ្នាំ​២០២២ នៅ​ទីស្តីការក្រសួង​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើ​តាម​លទ្ធផល​នៃ​ជំនួប ដែល​ផ្សព្វផ្សាយ​ដោយ​ក្រសួងការបរទេស នា​ល្ងាច​ថ្ងៃទី​១២ ខែមករា នេះ បាន​ឲ្យ​ដឹង​ថា នៅក្នុង​ជំនួប​នោះ លោក​ឧបនាយករដ្ឋមន្ត្រី ប្រាក់ សុខុន បាន​ថ្លែង​អំណរ គុណ​ចំពោះ​ចក្រភព​អង់គ្លេស ដែល​បាន​បន្ត​ផ្តល់​ប្រព័ន្ធ​អនុគ្រោះ​ពន្ធ (GSP) ដល់​កម្ពុជា រួមជាមួយ បណ្តា​ប្រទេស​អភិវឌ្ឍន៍​តិចតួច (LDCs) ផ្សេងទៀត និង​បានការ​ផ្តល់ជំនួយ​សេដ្ឋកិច្ច​-​សង្គម លើ​វិស័យ​អប់រំ ការ​បោសសម្អាត​មីន បរិស្ថាន និង​អង្គជំនុំ​ជម្រះ​វិសាមញ្ញ​ក្នុង​តុលាការ​កម្ពុជា​។

ជាការ​ឆ្លើយតប​លោកស្រី អា​ម៉ាន់​ដា មី​ល​លីង បាន​ថ្លែងអំណរគុណ​ចំពោះ​ការ​គាំទ្រ​ដ៏​រឹងមាំ​របស់​កម្ពុជា ដល់​ចក្រភព​អង់គ្លេស​ក្នុង​ការ​ក្លាយជា​ដៃគូ​សន្ទនា​របស់​អាស៊ាន​។ លោកស្រី បាន​សម្តែង​នូវ​ការប្តេជ្ញាចិត្ត​យ៉ាង​មុតមាំ​គាំទ្រ​កម្ពុជា​ធ្វើជា​ប្រធាន​អាស៊ាន​ឆ្នាំ ២០២២ និង​បាន​ទន្ទឹង ដល់​ការពង្រឹង​បន្ថែមទៀត​នូវ​ទំនាក់ទំនង​ទ្វេភាគី​រវាង​កម្ពុជា និង​ចក្រភព​អង់គ្លេស និង​កិច្ចសហប្រតិបត្តិការ​អា​ស៊ាន​-​ចក្រភព​អង់គ្លេស ជាពិសេស​លើ​ផែនការ​សកម្មភាព​អាស៊ាន​-​ចក្រភព​អង់គ្លេស សម្រាប់​ឆ្នាំ​២០២២-២០២៦​។​

​បើតាម​លទ្ធផល​នោះ ភាគី​ទាំងពីរ​បានកត់សម្គាល់​នូវ​ការថយចុះ​នៃ​ទំហំ​ពាណិជ្ជកម្ម ដោយសារតែ​ផលប៉ះពាល់ នៃ​ជំងឺ​កូ​វីដ​-១៩ ទៅលើ​សកម្មភាព​ពាណិជ្ជ​កម្ម​។ ក្នុងន័យនេះ លោក​ឧបនាយករដ្ឋមន្ត្រី ប្រាក់ សុខុន បាន​លើកទឹកចិត្ត​ឱ្យមាន​វិនិយោគិន​ពី​ចក្រភព​អង់គ្លេស​ច្រើន​ថែមទៀត មក​វិនិយោគ​នៅ​កម្ពុជា ដោយ​គិតគូរ​ពិចារណា​លើ​អត្ថប្រយោជន៍​ពី​ការចូល​ទីផ្សារ​កម្ពុជា រួមមាន ភាពជា​ដៃគូ​សេដ្ឋកិច្ច គ្រប់​ជ្រុងជ្រោយ​ក្នុង​តំបន់ (RCEP) កិច្ចព្រមព្រៀង​ពាណិជ្ជកម្ម​សេរី​កម្ពុជា​-​ចិន និង​កិច្ចព្រមព្រៀង ពាណិជ្ជកម្ម​សេរី​កម្ពុជា​-​កូរ៉េ ជាដើម​៕

ដោយ ៖ កោះ​កែវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២១ នាទី មុន

ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេស​ឡាវ

សេដ្ឋកិច្ច២៣ នាទី មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

ព័ត៌មានជាតិ៤៩ នាទី មុន

ឯកឧត្តម ហ៊ុន ម៉ានី អញ្ជើញប្រគល់ផ្ទះជាអំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ជូនក្រុមគ្រួសារយុវជន អន ផានិត

សន្តិសុខសង្គម១ ម៉ោង មុន

សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ

ព័ត៌មានជាតិ៣ ម៉ោង មុន

ឯកឧត្តម ហ៊ុន ម៉ានី៖ ការបោះឆ្នោតជូនគណបក្សប្រជាជនកម្ពុជា គឺជាការបោះឆ្នោតប្រកបដោយភាពជឿជាក់ និងការពារសុខសន្តិភាព

Sokha Hotels

ព័ត៌មានពេញនិយម