Connect with us

ព័ត៌មានជាតិ

ដល់ពេលកំណត់ដែលអាជ្ញាធរខណ្ឌពោធិ៍សែនជ័យចុះរៀបចំសណ្តាប់ធ្នាប់នៅផ្លូវជាតិលេខ​៤បន្ទាប់​ពីទុករយះពេល៥ថ្ងៃ​

បានផុស

នៅ

គិត​ត្រឹម​ថ្ងៃទី​២៤ ខែមករា ឆ្នាំ​២០២២ នេះ គឺដល់ពេល​វេលា​កំណត់​ដែល​ត្រូវ​អាជ្ញាធរ​ខណ្ឌ​ពោធិ៍​សែន​ជ័យ នឹង​ចុះ​រៀបចំ​សណ្តាប់ធ្នាប់​នៅលើ​កំណាត់​ផ្លូវជាតិ​លេខ​៤ បន្ទាប់ពី​ទុក​រយះពេល៥​ថ្ងៃ តម្រូវ​អោយ​បងប្អូន​ប្រជាពលរដ្ឋត្រូវ​រុះរើ​ដោយ​ខ្លួនឯង ដោយ​គិត​ចាប់ពី​ថ្ងៃទី​១៩ ខែមករា ឆ្នាំ​២០២២ ។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាម​សេចក្តីជូនដំណឹង​លេខ ២៩៤/២១ ស​.​ជ​.​ណ ចុះ​ថ្ងៃទី​២២ ខែកញ្ញា ឆ្នាំ​២០២១ របស់​រដ្ឋបាល​ខណ្ឌ​ពោធិ៍​សែន​ជ័យ ចុះហត្ថលេខា​ដោយលោក ហែម ដា​រិ​ទ្ធ កាលពី​ថ្ងៃទី​១៩ ខែមករា ឆ្នាំ​២០២២ រដ្ឋបាល​ខណ្ឌ​ពោធិ៍​សែន​ជ័យ បានជូនដំណឹង​ដល់​បងប្អូន​ប្រជាពលរដ្ឋ​ម្ចាស់​លំនៅដ្ឋាន ម្ចាស់​អាជីវកម្ម រោងចក្រ​-​សហគ្រាស និង​ម្ចាស់​ផែស្ងួត ដែល​បានដាក់​តាំង​របស់រប​រ សម្ភារៈ​ផ្សេងៗ និង​ត​សំ​យ៉ាប​ព្រមទាំង​ការចតយានយន្ត​គ្រប់​ប្រភេទ​លើផ្លូវ និង​ចិញ្ចើមផ្លូវ​សាធារណៈ​តាម​បណ្តោយ​សងខាង​ផ្លូវជាតិ​លេខ​៤ ចាប់ពី​រង្វង់​មូល​ចោមចៅ ខណ្ឌ​ពោធិ៍​សែន​ជ័យ រហូតដល់​ព្រំប្រទល់​ខណ្ឌ​កំបូល រាជធានី​ភ្នំពេញ ឱ្យបាន​ជ្រាបថា ដើម្បី​ឱ្យមាន​សណ្ដាប់ធ្នាប់ របៀបរៀបរយ សាធារណៈ និង​ជៀសវាង​ការកកស្ទះ​ចរាចរណ៍ និង​សុវត្ថិភាព​សាធារណៈ រដ្ឋបាល​ខណ្ឌ​ពោធិ៍​សែន​ជ័យ សូម​ធ្វើ​ការណែនាំ​ដូចខាងក្រោម​៖ ១. ចំពោះ​អាជីវកម្ម​គ្រប់​ប្រភេទ ដែល​បាន​តាំង​លក់ និង​លក់ដូរ​រំលោភ​លើផ្លូវ និង​ចិញ្ចើមផ្លូវ​សាធារណៈ នៅជាប់​របង​សាលារៀន​រដ្ឋ សាលារៀន​ឯកជន និង​របង​វត្ត ៖- ត្រូវ​រុះរើ​ចេញ​ដោយ​ស្ម័គ្រចិត្ត និង​បញ្ឈប់​ការចត​យានយន្ដ​នៅលើ​ចិញ្ចើមផ្លូវ​សាធារណៈ រួមទាំង​របស់​របរ សម្ភារៈ​ផ្សេងៗ​នៅ​ទីតាំង​ខាងលើ ក្នុង​រយៈពេល ០៥​ថ្ងៃ​ឱ្យអស់ ដោយ​ពិត​ចាប់​ពីថ្ងៃ​ចុះហត្ថលេខា​នេះ​តទៅ​។​

២. ចំពោះ​ទីតាំង​អាជីវកម្ម​ស្របច្បាប់ ដែល​មិន​រំលោភ​លើផ្លូវ និង​ចិញ្ចើមផ្លូវ​សាធារណៈ​ត្រូវអនុវត្ត​៖ – ត្រូវមាន​ចំណត​ផ្ទាល់ខ្លួន ដោយ​មិន​ត្រូវយក​ទ្រូងផ្លូវ​សាធារណៈ​ធ្វើជា​ចំណត​ដាច់ខាត ចំពោះ​ការចត មធ្យោបាយ​គ្រប់​ប្រភេទ​លើ​ចិញ្ចើមផ្លូវ ត្រូវ​ទុក​ចំណែក​នៃ​ចិញ្ចើមផ្លូវ​សម្រាប់​ប្រជាពលរដ្ឋ​ធ្វើដំណើរ​បាន​។ – នៅខាងមុខ​ទីតាំង​អាជីវកម្ម​របស់ខ្លួន​ត្រូវ​សំអាត​អនាម័យ​ឱ្យបាន​ស្អាត​ជានិច្ច រាល់​កាក​សំណល់​ផ្សេងៗ ត្រូវ​ច្រក​ថង់​ចង​ជិត ឬ​វេច​ខ្ចប់​ឱ្យបាន​ស្អាត និង​ទុកដាក់​ឱ្យបាន​ត្រឹមត្រូវ​។​

ក្នុងករណី លោក​/​លោកស្រី មិន​អនុវត្តតាម​ខ្លឹមសារ​នៃ​សេចក្តីជូនដំណឹង​នេះ​ទេ រដ្ឋបាល​ខណ្ឌ និង​មាន វិធានការ​រុះរើ និង​ដកហូត​ដោយ​មិន​ទទួលខុសត្រូវ​រាល់​ការបាត់បង់ ខូចខាត​ទ្រព្យសម្បត្តិ និង​សម្ភារៈ​ផ្សេងៗ ដែលមាន​នៅលើ​ទីតាំង​នោះឡើយ​។

ចំពោះ​រាល់​ការចំណាយ​ក្នុងការ​អនុវត្ត​ការងារ​រុះរើ និង​ដកហូត​នេះ ជា​បន្ទុក​របស់ លោក​/​លោកស្រី ដែលជា​ម្ចាស់​ទីតាំង​ត្រូវ​ទទួលខុសត្រូវ​ទាំងស្រុង ។​

ករណី​មានការ​រារាំង រឹងរូស អាជ្ញាធរ​នឹង​កសាង​សំណុំរឿង​បញ្ជូនទៅ​តុលាការ ដើម្បី​ចាត់ការ​តាម​នីតិវិធី​ច្បាប់ ៕

​អត្ថបទ៖ រ៉ា​វុ​ទ្ធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៤ នាទី មុន

អភិបាលខេត្តកំពង់ចាម ស្នើក្រុមហ៊ុនសាងសង់ប្រព័ន្ធលូ បញ្ចៀសផលប៉ះពាល់ និងស្ថាបនាផ្លូវឡើងវិញឱ្យបានស្អាត 

ព័ត៌មានអន្ដរជាតិ២៤ នាទី មុន

ក្រុមហ៊ុន Xiaomi លក់រថយន្តអគ្គិសនីចំនួន ៥ម៉ឺនគ្រឿងក្នុងរយៈពេលតិចជាងកន្លះម៉ោង

ព័ត៌មានជាតិ៣៦ នាទី មុន

សាលាបឋមសិក្សាមុខនាគ ខេត្តសៀមរាប ប្រារព្ធទិវាអប់រំកាយ និងកីឡា ដើម្បីលើកកម្ពស់សុខភាព និងសមត្ថភាពរបស់សិស្ស

ចរាចរណ៍៣ ម៉ោង មុន

Update៖ ករណីគ្រោះថ្នាក់រថភ្លើងបុករថយន្ដដឹកអ្នកដំណើររបួសសរុប៤៦នាក់ ក្នុងនោះមានតៃកុងរថភ្លើងម្នាក់

ព័ត៌មានអន្ដរជាតិ៣ ម៉ោង មុន

កាណាដា ប្ដឹងក្រុមហ៊ុន Meta, Snapchat និង TikTok ពីបទរំខានការ​សិក្សារបស់សិស្ស

Sokha Hotels

ព័ត៌មានពេញនិយម