ព័ត៌មានជាតិ
ចិនគ្រោងបញ្ជូនក្រុមវេជ្ជសាស្ត្របុរាណ មកជួយគ្រូពេទ្យកម្ពុជាព្យាបាលកូវីដ ១៩
រដ្ឋាភិបាលចិន គ្រោងបញ្ជូនក្រុមវេជ្ជសាស្ត្របុរាណចិនមកកាន់ប្រទេសកម្ពុជា ដើម្បីជួយពង្រឹងសមត្ថភាពគ្រូពេទ្យកម្ពុជាលើការព្យាបាលជំងឺកូវីដ១៩ តាមបែបវេជ្ជសាស្ត្របុរាណចិន។
ការបញ្ជួនក្រុមវេជ្ជសាស្ត្របុរាណចិនមកកាន់កម្ពុជាខាងមុខ ត្រូវបានចុះហត្ថលេខារវាងលោកសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាលកម្ពជា និង លោកសាស្ត្រាចារ្យ Hang Luqi អនុប្រធានរដ្ឋបាលជាតិវេជ្ជសាស្ត្របុរាណចិន ដោយមានការចូលរួមពីលោក វ៉ាង វិនធៀន ឯកអគ្គរដ្ឋទូតចិនប្រចាំនៅកម្ពុជានៅថ្ងៃទី ២៥ ខែមករាឆ្នាំ២០២២ នៅទីស្តីការក្រសួង។
លោកសាស្ត្រាចារ្យ ម៉ម ប៊ុនហេង បានឯកភាពទៅលើគំនិតផ្តួចផ្ដើមបញ្ចូនអ្នកជំនាញវេជ្ជសាស្ត បុរាណចិនមកជួយក្នុងការព្យាបាលជំងឺកូវីដ-១៩ ដោយប្រើឱសថ និងវេជ្ជសាស្ត្របុរានចិន។ កិច្ចសហការបញ្ជូនអ្នកជំនាញវេជ្ជសាស្ត្របុរាណចិនមកជួយពង្រឹងសមត្ថភាពមន្ត្រីសុខាភិបាលកម្ពុជាមិនត្រឹមតែរយៈពេលមួយឆ្នាំ និងនៅតែមន្ទីរពេទ្យមិត្តភាពកម្ពុជា-ចិន ព្រះកុសុមៈប៉ុណ្ណោះទេ តែនឹងត្រូវពង្រីកទៅមន្ទីរពេទ្យផ្សេងទៀតផងដែរ។
លោកសាស្ត្រាចារ្យ Huang Luqi បានសម្តែងការកោតសរសើរចំពោះកិច្ចសហប្រតិបត្តិការរវាងកម្ពុជា-ចិន លើវិស័យសុខាភិបាល ជាពិសេសអគារមន្ទីរពេទ្យមិត្តភាពកម្ពុជា-ចិន ព្រះកុសុមៈ ធំស្កឹមស្គៃ ដែលបំពាក់ដោយសម្ភារៈបរិក្ខារវេជ្ជសាស្ត្រដ៏ទំនើបដំបូងគេនៅកម្ពុជា។
លោកសាស្ត្រាចារ្យ Huang Luqi បានអះអាងថា លោកក៏អញ្ជើញទៅទស្សនកិច្ចមន្ទីរពេទ្យមិត្តភាពកម្ពុជា-ចិន ព្រះកុសុមៈ ដើម្បីពិនិត្យលទ្ធភាពបង្កើតមណ្ឌលព្យាបាលជំងឺកូវីដ-១៩ ដោយប្រើវេជ្ជសាស្ត្របុរាណចិន ទៅតាមស្ថានភាព និងតម្រូវការជាក់ស្តែងរបស់មន្ទីរពេទ្យផងដែរ។
លោកសាស្ត្រាចារ្យ ម៉ម ប៊ុនហេង បានចាត់ទុកដំណើរទស្សនកិច្ចរបស់រដ្ឋបាលជាតិវេជ្ជសាស្ត្រ បុរាណចិន មិនត្រឹមតែជួយពង្រឹងកិច្ចសហប្រតិបត្តិការយ៉ាងជិតស្និទ្ធរវាងប្រទេសទាំងពីរ ក្នុងការងារប្រយុទ្ធនឹងជំងឺកូវីដ-១៩ ប៉ុណ្ណោះទេ ប៉ុន្តែថែមទាំងពង្រឹងនិងពង្រីកវេជ្ជសាស្ត្របុរាណប្រទេសទាំងពីរថែមទៀត៕
អត្ថបទ៖ សំអឿន
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ១ សប្តាហ៍ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៧ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល