ជប៉ុន​មានគម្រោង​វិនិយោគ​លើវិស័យ​សូត្រ​និង​ទីក្រុងឆ្លាតវៃ​ នៅ​ក្នុង​ខេត្ត​បាត់ដំបង​

ជប៉ុនមានគម្រោងវិនិយោគលើវិស័យសូត្រ ផលិតផលកសិកម្ម ដែលមិនទាន់មានការកែច្នៃ និងទីក្រុងឆ្លាតវៃ នៅក្នុងខេត្តបាត់ដំបងដើម្បីចូលរួមអភិវឌ្ឍសេដ្ឋកិច្ចខេត្តមួយនេះឱ្យកាន់តែរីកចំរើនថែមទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គម្រោងវិនិយោគនេះត្រូវបានលើកឡើងក្នុងជំនួបពិភាក្សាការងារេវាងលោក តាមឺរ៉ាក់ សឺតុមឺ (TAMURA Tsutomu )​នាយកសមាគមជប៉ុន-កម្ពុជា (JCA) និងជាប្រធានគ្រប់គ្រងទូទៅក្រុមហ៊ុន NIPPON KEI CO.,LTD ជាមួយលោក សុខ លូ អភិបាលខេត្តបាត់ដំបងនៅព្រឹកថ្ងៃពុធទី០២ ខែកុម្ភៈ ឆ្នាំ២០២២។

លោក តាមឺរ៉ាក់ សឺតុមឺ  បានមានប្រសាសន៍ថា សមាគនជប៉ុនគ្រោងនឹងដឹកនាំអ្នកវិនិយោគទុនជប៉ុន មកធ្វើទស្សនកិច្ចនៅព្រះរាជាណាចក្រកម្ពុជា នឹងមកកាន់ខេត្តបាត់ដំបង ក្នុងកំឡុងខែ មេសា ឆ្នាំ២០២២ ខាងមុខនេះ ដើម្បីមកសិក្សាពីសក្តានុពលរបស់ខេត្ត ក៏ដូចជាវិស័យកសិកម្ម ផ្តោលើសហគ្រាសធនតូច និងមធ្យម ជាពិសេសការកាវិនិយោគលើការធ្វើសូត្រ នៅក្នុងខេត្តបាត់ដំបង និងមួយទៀតគឺផ្តោតទៅលើគម្រោងទីក្រុងឆ្លាតវៃ។

លោក សុខ លូ អភិបាលខេត្តបាត់ដំបង បានស្វាគមន៍ ចំពោះលោក តាមឺរ៉ាក់ សឺតុមឺ នាយកសមាគមជប៉ុន-កម្ពុជា និងសហការី ដែលបានអញ្ជើញមកទស្សនកិច្ចនៅខេត្តបាត់ដំបង និងបានសិក្សាស្វែងយល់អំពីសក្តានុពលរបស់ខេត្តបាត់ដំបង ជាពិសេសទៅលើការកែឆ្នៃផលិតផលកសិកម្ម និងការចិញ្ចឹមដង្កូវនាងដើម្បីផលិតជាសូត្រ នៅក្នុងខេត្តបាត់ដំបង។

លោកអភិបាលខេត្តថ្លែងអំណរគុណ និងសំណូមពរដល់លោកនាយកសមាគមជប៉ុន-កម្ពុជា(JCA) ជួយជំរុញ ផ្សព្វ

ផ្សាយ​​ព័ត៌មាន ពីសក្តានុពលរបស់ខេត្តបាត់ដំបងជូនទៅដល់បណ្តាអ្នកវិនិយោគទុន និងក្រុមហ៊ុនរបស់ជប៉ុន ឱ្យមកធ្វើការវិនិយោគនៅខេត្តបាត់ដំបងឱ្យបានកាន់តែច្រើនថែមទៀត៕

អត្ថបទ៖ សំអឿន