ព័ត៌មានជាតិ
ប្រាក់ សុខុន៖ កិច្ចប្រជុំចង្អៀតរដ្ឋមន្រ្តីការបរទេសអាស៊ាន សំដៅធានាឲ្យមានការរីកចម្រើនជាមួយគ្នា
កិច្ចប្រជុំចង្អៀតថ្នាក់រដ្ឋមន្ត្រីការបរទេសអាស៊ាននៅភ្នំពេញ ដែលកម្ពុជាធ្វើជាម្ចាស់ផ្ទះរយៈពេល២ថ្ងៃ បានបញ្ចប់ហើយប្រកបដោយជោគជ័យ ដោយមានរដ្ឋមន្ត្រីការបរទេស នៃបណ្តាប្រទេសសមាជិកអាស៊ាន ហើយភាគច្រើនបានមកចូលរួមដោយផ្ទាល់ និងមួយចំនួនតូចបានចូលរួមតាមប្រព័ន្ធវីដេអូ។
លោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ នៃព្រះរាជាណាចក្រអះអាងថា កិច្ចប្រជុំនេះបានប្រព្រឹត្តទៅដោយរលូន ដោយមានការចូលរួមចំណែកយ៉ាងសកម្មរបស់សហសេវិកទាំងអស់ ក្នុងការពិភាក្សាអំពីបញ្ហាប្រឈមធំៗក្នុងតំបន់យើងនាពេលបច្ចុប្បន្ន និងអនាគត។
បើតាមលោកឧបនាយករដ្ឋមន្ត្រី ប្រាក់ សុខុន ការចូលរួមចំណែករបស់រដ្ឋមន្រ្តីការបរទេសទាំងអស់ គឺសំដៅធានាថា អាស៊ាននឹងបន្តអភិវឌ្ឍ និងរីកចម្រើនជាមួយគ្នា ដោយមិនទុកមួយណាចោលនោះឡើយ។
ដោយឡែកនៅខាងក្រោយឆាក លោកឧបនាយករដ្ឋមន្ត្រី ប្រាក់ សុខុន អះអាងថា មានក្រុមការងារមួយដែលមានឆន្ទៈ និងសមត្ថភាពខ្ពស់។ លោកអរគុណយ៉ាងជ្រាលជ្រៅចំពោះការខិតខំប្រឹងប្រែង និងការចូលរួមចំណែករបស់អ្នកទាំងអស់គ្នា ដើម្បីធ្វើឱ្យព្រឹត្តិការណ៍នេះទទួលបានជោគជ័យ ហើយនេះជាបទពិសោធន៍ដ៏មានតម្លៃសម្រាប់យើងផងដែរ។
សូមបញ្ជាក់ថា កិច្ចប្រជុំចង្អៀតថ្នាក់រដ្ឋមន្ត្រីការបរទេសអាស៊ាននៅភ្នំពេញ ដែលកម្ពុជាធ្វើជាម្ចាស់ផ្ទះរយៈពេល២ថ្ងៃ ចាប់ពីថ្ងៃទី១៦ ដល់១៧ ខែកុម្ភៈ ឆ្នាំ២០២២ ទទួលបានលទ្ធផលយ៉ាងល្អប្រសើរ ដោយកិច្ចប្រជុំបានផ្ដោតសំខាន់ទៅលើការស្ដារសេដ្ឋកិច្ចឡើងវិញក្រោយវិបត្តិកូវីដ១៩ ហើយបាននិយាយច្រើនអំពីភាពចាំបាច់ក្នុងការជំរុញ ការអនុវត្តក្នុងក្របខណ្ឌស្ដារឡើងវិញផ្នែកសេដ្ឋកិច្ចរបស់អាស៊ាន។
បើតាមលោកឧបនាយករដ្ឋមន្ត្រី ប្រាក់ សុខុន នៅក្នុងកិច្ចប្រជុំនោះ ក៏មានការលើកឡើងពីការជំរុញធ្វើយ៉ាងណាឲ្យបើកធ្វើចរាចរណ៍ផ្ទៃក្នុងអាស៊ាន ក្នុងក្របខ័ណ្ឌ នៃការធ្វើដំណើរឡើងវិញក្នុងអាស៊ានផងដែរ ដែលនេះ គឺដើម្បីជំរុញធ្វើយ៉ាងណាឱ្យសេដ្ឋកិច្ចដើរឡើងវិញ៕
អត្ថបទ៖ កោះកែវ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៥ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ