ព័ត៌មានជាតិ
លោក ប្រាក់ សុខុន ថ្លែងនៅតុមូលពីប៉ារីសថា កម្ពុជា ត្រូវធ្វើទំនើបកម្មមូលដ្ឋានកងទ័ពជើងទឹករាម ដើម្បីការពារជាតិ
លោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិនៃព្រះរាជាណាចក្រកម្ពុជា កាលពីថ្ងៃទី២២ ខែកុម្ភៈ ឆ្នាំ២០២២ បានចូលរួមវេទិកាថ្នាក់រដ្ឋមន្ត្រីសម្រាប់កិច្ចសហប្រតិបត្តិការនៅឥណ្ឌូ-ប៉ាស៊ីហ្វិក ទីក្រុងប៉ារីស ប្រទេសបារាំង ហើយសម័យប្រជុំពេញអង្គ ត្រូវបានបន្តដោយកិច្ចប្រជុំតុមូលចំនួន៣ ស្តីពីការតភ្ជាប់ និងបច្ចេកវិទ្យាឌីជីថល បញ្ហាប្រឈមជាសកល និងបញ្ហាសន្តិសុខ និងការពារជាតិ។
តាមលទ្ធផល នៃកិច្ចប្រជុំដែលត្រូវបានផ្សព្វផ្សាយដោយក្រសួងការបរទេស បានឲ្យដឹងថា នៅក្នុងកិច្ចប្រជុំតុមូលស្តីពីសន្តិសុខ និងការពារជាតិ លោកឧបនាយករដ្ឋមន្ត្រី ប្រាក់ សុខុន ក្នុងនាមកម្ពុជា ដែលជាប្រធានអាស៊ានឆ្នាំ២០២២នេះ បានរំលឹកឡើងវិញនូវគោលជំហររបស់កម្ពុជា ក្នុងការធ្វើទំនើបកម្មមូលដ្ឋានកងទ័ពជើងទឹករាម ក្នុងគោលបំណងការពារជាតិ ដោយអនុលោមតាមរដ្ឋធម្មនុញ្ញ។
គួររំលឹកថា មូលដ្ឋានកងទ័ពជើងទឹករាម ត្រូវបានចោទប្រកាន់ម្តងហើយម្តងទៀត ពីភាគីសហរដ្ឋអាមេរិកថា កម្ពុជាបើកឲ្យមានវត្តមានកងទ័ពចិននៅទីនោះ ហើយបើទោះបីជាមានការបកស្រាយយ៉ាងណាពីភាគីកម្ពុជា ក៏មិនអាចលាងជម្រះការចោទនេះបានឡើយ។ ថ្មីៗនេះ ដើម្បីជម្រះមន្ទិលសង្ស័យ កម្ពុជាបានបើកឲ្យមានទស្សនកិច្ចរបស់ក្រុមអ្នកសារព័ត៌មាន និងអនុព័ន្ធយោធាអាមេរិកទៅកាន់មូលដ្ឋានកងទ័ពជើងទឹករាមផងដែរ។
នាឱកាសនោះ តំណាងស្ថាប័នអ្នកសារព័ត៌មាន ដែលបានទៅទស្សនកិច្ចនៅទីនោះ មានដូចជា Fresh News, AP, Reuters, VOA, Cambodia China Times, AFP, Xinhua, Cambodia China Friendship Radio និង Japanese TV ជាដើម មិនមានតំណាងស្ថាប័នណាមួយរកឃើញដូចការចោទប្រកាន់របស់អាមេរិកនោះទេ និងបានចាត់ទុកអ្វីដែលបានផ្សាយដោយសារព័ត៌មានអាមេរិក មានលក្ខណៈនយោបាយ និងបំភ្លៃការពិតពីកម្ពុជា។
ចំណែកនៅក្នុងទស្សនកិច្ចនៅមូលដ្ឋានកងទ័ពជើងទឹករាម របស់អនុព័ន្ធយោធាអាមេរិក កាលពីថ្ងៃទី១១ ខែមិថុនា ឆ្នាំ២០២១ កន្លងទៅក៏មិនបានរកឃើញពាក់ព័ន្ធនឹងវត្តមានកងទ័ពចិនដែរ ប៉ុន្តែបែរជាមានការចោទថា កម្ពុជាមិនអនុញ្ញាតឱ្យយោធាអាមេរិក ចូលទៅកាន់គ្រប់កន្លែងនៅក្នុងមូលដ្ឋានកងទ័ពជើងទឹករាមទៅវិញ។
កន្លងមកក្រសួងការពារជាតិកម្ពុជា បានស្នើសុំដោយទទូចឲ្យសហរដ្ឋអាមេរិកបញ្ឈប់ការបង្កើតសេណារីយ៉ូថ្មីៗ ដែលនាំមកនូវភាពអវិជ្ជមាន និងប៉ះពាល់ដល់ទំនាក់ទំនងរវាងប្រទេសទាំងពីរ។ ជាមួយគ្នានោះ ក្រសួងការពារជាតិកម្ពុជា ក៏បានស្នើឲ្យអាមេរិកគោរពដល់អធិបតេយ្យ និងលាក់ការណ៍កងទ័ពរបស់កម្ពុជាផងដែរ៕ កោះកែវ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៨ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ