ព័ត៌មានជាតិ
សម្តេចតេជោ ហ៊ុន សែន នឹងអញ្ជើញសម្ពោធដាក់ឲ្យប្រើប្រាស់ជាផ្លូវការ ផ្លូវជាតិលេខ ៣ នាព្រឹកស្អែក
បើគ្មានអ្វីប្រែប្រួលនោះទេ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា នឹងអញ្ជើញសម្ពោធដាក់ឲ្យប្រើប្រាស់ជាផ្លូវការ នូវផ្លូវជាតិលេខ ៣ (ចោមចៅ-បែកគូស-កំពត ) មានប្រវែងសរុបជាង ១៣៤ គីឡូម៉ែត្រ នៅព្រឹកថ្ងៃទី ២ ខែមីនា ឆ្នាំ ២០២២ ស្អែកនេះ។
សូមជម្រាបថា ផ្លូវជាតិលេខ ៣ ត្រូវបានបើកការដ្ឋានសាងសង់ កាលពីខែឧសភា ឆ្នាំ ២០១៨។ គម្រោងពង្រីក និងលើកកម្រិតផ្លូវជាតិលេខ ៣ ពីភ្នំពេញទៅក្រុងកំពត ដែលមានប្រវែងសរុបជិត ១៣៥ គីឡូម៉ែត្រ ត្រូវបានចែកជាពីរដំណាក់កាល៖ ដំណាក់កាលទី. ១ ពីចោមចៅ (ភ្នំពេញ) ទៅបែកគុស (ខេត្តតាកែវ) ប្រវែង ៧០គីឡូម៉ែត្រ ពង្រីកទទឹងតួផ្លូវរហូតដល់ ២៤,៥ម៉ែត្រ ជាប្រភេទផ្លូវបេតុងកៅស៊ូ (AC) កម្រាស់ ៩សង់ទីម៉ែត្រ ចែកចេញជា ៤គន្លង (២គន្លងទៅ ២គន្លងមក)។
ដំណាក់កាលទី. ២ ពីបែកគុសទៅក្រុងកំពតប្រវែងជិត ៦៦ គីឡូម៉ែត្រជាប្រភេទផ្លូវ AC កម្រាស់៧សង់ទីម៉ែត្រពង្រីកទទឹងតួផ្លូវរហូតដល់ ១២ ម៉ែត្រចែកជា ២គន្លង។ ផ្លូវនេះត្រូវបានសាងសង់ ដោយក្រុមហ៊ុន China Bridge and Road Corporation ក្រោមការត្រួតពិនិត្យបច្ចេកទេស ដោយក្រុមហ៊ុន Guangzhou Construction Technical Consulting ជាមួយនឹងថវិកាសរុបចំនួនជាង ២១៩លានដុល្លារដែលជាហិរញ្ញប្បទានសម្បទាន ពីសាធារណរដ្ឋប្រជាមានិតចិន។
ផ្លូវជាតិលេខ ៣នេះ នឹងរួមចំណែកយ៉ាងសំខាន់ ក្នុងការធ្វើដំណើររបស់ប្រជាពលរដ្ឋ និងការដឹកជញ្ជូនផលិតផល ជាពិសេសការដឹកជញ្ជូនទំនិញ ពីខេត្តកំពតទៅកាន់ខេត្តផ្សេង ៗ និងបម្រើដល់វិស័យទេសចរណ៍ ទៅកាន់ភូមិភាគនិរតី នៃតំបន់សមុទ្រកម្ពុជាផងដែរ ជាពិសេសខេត្តកំពតក្រៅពីការផលិតនានាក៏ដូចជាតំបន់ទេសចរណ៍ ឬវារីអគ្គិសនី និងអនាគតកំពង់ផែទឹកជ្រៅនៅខេត្តកំពត, ខេត្តកំពតគឺជាខេត្តតែមួយគត់ ដែលផលិតអំបិល៕
អត្ថបទ៖ ណារី
-
ព័ត៌មានជាតិ៥ ថ្ងៃ ago
ផ្លូវកាត់ថ្មីតភ្ជាប់ពីខេត្តបាត់ដំបង មកសមុទ្រខេត្តកោះកុងសម្រេចបានជាង ៨០%
-
សន្តិសុខសង្គម៥ ថ្ងៃ ago
ព័ត៌មានបឋម៖ ស្វាមីម្ចាស់ប្រេន Lakamo ត្រូវក្រុមចោរចូលចាប់ជម្រិត និងបាញ់សម្លាប់ដល់ក្នុងផ្ទះ
-
ជីវិតកម្សាន្ដ១ សប្តាហ៍ ago
កូនស្រីពៅតារាហុងកុង Michael បង្ហោះរូបអាក្រាតកាយសារជាថ្មី
-
ព័ត៌មានជាតិ៦ ថ្ងៃ ago
ស្អែក ថ្ងៃទី១០ ខែមេសា រូបសំណាកសេះសមុទ្ទ នឹងសម្ពោធជាផ្លូវការ
-
ជីវិតកម្សាន្ដ៥ ថ្ងៃ ago
ក្រោយផ្ទុះការរិះគន់មិនឲ្យតម្លៃក្រុម Hashtag band ថ្ងៃសង្ក្រាន្ត គណៈគ្រប់គ្រងសាលាចេញសេចក្ដីបំភ្លឺ
-
ព័ត៌មានអន្ដរជាតិ១ សប្តាហ៍ ago
ការស្ទង់មតិ ៖ សង្ក្រាន្តឆ្នាំនេះ ប្រជាជន ថៃ រាងពិបាកចាយវាយ ព្រោះម្នាក់ៗសុទ្ធតែជាប់បំណុលគេច្រើន
-
ព័ត៌មានជាតិ៥ ថ្ងៃ ago
ជនរងគ្រោះស្នាក់នៅមជ្ឈមណ្ឌលឱកាសខ្ញុំ ទទួលបានភាពសប្បាយរីករាយក្នុងពិធីសង្រ្កាន្តឆ្នាំថ្មី
-
ព័ត៌មានអន្ដរជាតិ៤ ថ្ងៃ ago
ទ័ពជើងទឹកបារាំង រៀបជើងព្រួល ត្រៀមធ្វើសង្គ្រាម