ព័ត៌មានជាតិ
រដ្ឋបាលរាជធានី អំពាវនាវឲ្យក្រុមបាតុករ អតីតបុគ្គលិក និងបុគ្គលិកក្រុមហ៊ុន ណាហ្គា វើលដ៏ កុំជឿតាមការអូសទាញរបស់ជនឱកាសនិយម
ភ្នំពេញ ៖ រដ្ឋបាលរាជធានីភ្នំពេញ សូមអំពាវនាវដល់ក្រុមបាតុករដែលជាអតីតបុគ្គលិក និងបុគ្គលិកក្រុមហ៊ុន ណាហ្គា វើលដ៏ សូមកុំជឿតាមការអូសទាញរបស់ជនឱកាសនិយមមួយក្ដាប់តូច ដើម្បីកេងចំណេញ យករូបភាពសម្រាប់ធ្វើអាជីវកម្មបំពេញមហិច្ឆតារបស់ខ្លួន បែរជាឱ្យក្រុមបាតុករជាអ្នករងគ្រោះទទួលខុសត្រូវ ចំពោះមុខច្បាប់និងសូមឱ្យបញ្ឈប់នូវរាល់សកម្មភាពប្រមូលផ្ដុំខុសច្បាប់ផ្ទុយនឹងវិធានការសុខាភិបាល។
នេះបើយោងតាមសេចក្តីជូនដំណឹងរបស់រដ្ឋបាលរាជធានីភ្នំពេញ។ ក្នុងសេចក្តីជូនដំណឹងនេះមានន័យថា រដ្ឋបាលរាជធានីភ្នំពេញ សូមជម្រាបជូនសាធារណជន និងអ្នកសារព័ត៌មានទាំងអស់ជ្រាបថា ក្រោមការអូសទាញ និងញុះញង់របស់មនុស្សមួយក្តាប់តូចក្នុងជួរបាតុករក្រុមហ៊ុន ណាហ្គា វើលដ៏ តាមការបង្គាប់ បញ្ហារបស់មនុស្សមួយក្រុមដែលនៅខាងក្រៅ ដែលចិញ្ចឹមចិត្តរៀបចំសេនារីយោឱ្យមានរូបភាពផ្សេងៗ ដើម្បីកេងចំណេញ។ លើសពីនេះទៀត ក្រុមនេះបានលើកហេតុផលពន្យល់ ឆក់ឱកាស ប្រើប្រាស់ និងរៀបចំក្រុមបាតុករដែលជាអតីតបុគ្គលិក និងបុគ្គលិកក្រុមហ៊ុន ណាហ្គាវើលដ៏ ឱ្យធ្វើបាតុកម្មខុសច្បាប់មុនថ្ងៃ ៨មីនា មួយថ្ងៃ គឺនៅថ្ងៃទី០៧ ខែមីនា ឆ្នាំ២០២២នេះ ដើម្បីយករូបភាពនានាពីការអនុវត្តវិធានការសុខាភិបាល ប្រយុទ្ធប្រឆាំងនឹងជំងឺកូវីដ-១៩ ការរៀបចំសណ្តាប់ធ្នាប់សាធារណៈ របៀបរៀបរយសង្គមរបស់អាជ្ញាធរមាន សមត្ថកិច្ចសម្រាប់ធ្វើការបកស្រាយទៅជារូបភាពអវិជ្ជមានផ្សេងៗ តាមការចង់បានរបស់ពួកគេ។
ជាក់ស្ដែង ដោយជឿយ៉ាងងប់ងុលតាមការអូសទាញរបស់ក្រុមខាងលើ ដែលចេះតែលើកហេតុផលឱ្យក្រុមបាតុករមាន សង្ឃឹមអំពីសកម្មភាពខុសច្បាប់របស់ពួកគេថានឹងទទួលបានលទ្ធផល ក្រុមបាតុករបានប្រើប្រាស់មធ្យោបាយ និងរូបភាពផ្សេងៗ ដើម្បីជម្នះធ្វើការប្រមូលផ្ដុំឱ្យខាងតែបាន ដោយពួកគេបានធ្វើការជូនដំណឹងជាមុនទៅ អ្នកសារព័ត៌មាន និងអ្នកពាក់ព័ន្ធដែលមាននិន្នាការប្រឆាំង ដើម្បីមកចូលរួមចាំផ្តិតយករូបភាពទៅធ្វើការ អត្ថាធិប្បាយផ្ទុយពីការពិតទាំងស្រុង។
ក្នុងការអនុវត្តវិធានការសុខាភិបាលប្រយុទ្ធប្រឆាំងជំងឺកូវីដ-១៩ នៅរសៀលថ្ងៃទី០៧ ខែមីនា ឆ្នាំ២០២២ នេះ អាជ្ញាធរមានសមត្ថកិច្ចបានអញ្ជើញក្រុមបាតុករទាំងអស់ចំនួន ១៨០នាក់ ទៅមណ្ឌលចត្តាឡីស័ករាជធានី ភ្នំពេញ ដើម្បីធ្វើតេស្ដស្វែងរកវីរុសកូវីដ-១៩ក្នុងចំណោមក្រុមគាត់។
នៅពេលទៅដល់ទីតាំងខាងលើ ក្រុមបាតុករ ទាំងអស់បែរជាមិនផ្តល់កិច្ចសហការជាមួយក្រុមគ្រូពេទ្យប្រចាំការនៅទីនោះឡើយ ដោយពួកគាត់មិនព្រម ផ្តល់ព័ត៌មានអំពីឈ្មោះ និងអត្តសញ្ញាណរបស់ខ្លួន ដើម្បីឱ្យក្រុមគ្រូពេទ្យបំពេញបែបបទសម្រាប់ធ្វើតេស្ត។ ទោះជាយ៉ាងណាក៏ដោយ ក្រុមគ្រូពេទ្យនៅតែខិតខំព្យាយាមពន្យល់ហេតុផលដល់គាត់ដោយភាពអត់ធ្មត់ ធ្វើ យ៉ាងណាឱ្យពួកគាត់ផ្ដល់សំណាកតាមពេលវេលាកាន់តែឆាប់ដែលអាចធ្វើទៅបាន។ ផ្ទុយទៅវិញ ក្នុងករណី ដែលបាតុករទាំងអស់នៅតែមានះពុំព្រមផ្ដល់កិច្ចសហការ រដ្ឋបាលរាជធានីភ្នំពេញ នឹងអនុវត្តវិធានការច្បាប់ ដោយពិន័យអន្តរការណ៍ជាប្រាក់ពី ១លាន ទៅ ៥លានរៀល ក្នុងករណីមិនរាងចាលនឹងពិន័យទ្វេដង ស្រប តាមមាត្រា២១ និងមាត្រា២៧ នៃអនុក្រឹត្យលេខ ៣៧ អនក្រ.បក ចុះថ្ងៃទី១២ ខែមីនា ឆ្នាំ២០២១ ស្តីពី វិធានការសុខាភិបាលដើម្បីទប់ស្កាត់ការឆ្លងរាលដាលនៃជំងឺកូវីដ-១៩ និងជំងឺឆ្លងកាចសាហាវនិងប្រកបដោយ គ្រោះថ្នាក់ធ្ងន់ធ្ងរផ្សេងទៀត។ លើសពីនេះទៀត ក្នុងករណីមានការរារាំងការអនុវត្តវិធានការសុខាភិបាល នឹង កសាងសំណុំរឿងបញ្ជូនទៅតុលាការ។
រដ្ឋបាលរាជធានីភ្នំពេញ សូមអំពាវនាវដល់ក្រុមបាតុករដែលជាអតីតបុគ្គលិក និងបុគ្គលិកក្រុមហ៊ុន ណាហ្គា វើលដ៏ ដទៃទៀត សូមកុំជឿតាមការអូសទាញរបស់ជនឱកាសនិយមមួយក្ដាប់តូច ដើម្បីកេងចំណេញ យករូបភាពសម្រាប់ធ្វើអាជីវកម្មបំពេញមហិច្ឆតារបស់ខ្លួន បែរជាឱ្យក្រុមបាតុករជាអ្នករងគ្រោះទទួលខុសត្រូវ ចំពោះមុខច្បាប់ទៅវិញ ហើយសូមឱ្យបញ្ឈប់នូវរាល់សកម្មភាពប្រមូលផ្ដុំខុសច្បាប់ផ្ទុយនឹងវិធានការសុខាភិបាល ដែលអាចនាំឱ្យមានហានិភ័យចំពោះសុខភាពសាធារណៈ បង្កការឆ្លងរាលដាលទៅអ្នកដទៃ ញាតិមិត្ត ក្រុម គ្រួសារ និងសហគមន៍ ទោះក្នុងរូបភាពណាមួយក៏ដោយ និងត្រូវចូលរួមសហការជាចាំបាច់ជាមួយអាជ្ញាធរ មានសមត្ថកិច្ចពាក់ព័ន្ធក្នុងការអនុវត្តច្បាប់ស្តីពីការធ្វើបាតុកម្មដោយសន្តិវិធី និងវិធានសុខាភិបាលដែលបាន ដាក់ចេញ ដើម្បីធានាបាននូវសុខភាពសាធារណៈ សន្តិសុខ សណ្តាប់ធ្នាប់ របៀបរៀបរយ និងបញ្ចៀសការ កកស្ទះចរាចរណ៍ ព្រមទាំងការរំខានដល់ការប្រកបរបរអាជីវកម្ម និងកិច្ចការងារប្រចាំថ្ងៃរបស់ប្រជាពលរដ្ឋ ដទៃទៀត៕
ដោយ ៖ ស្រីរ័ត្ន
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល