ព័ត៌មានជាតិ
ក្រសួងរកឃើញករណីសង្ស័យឆ្លងជំងឺផ្តាសាយបក្សីប្រភេទA/H9លើមនុស្ស១៣នាក់ទៀត
លោកវេជ្ជបណ្ឌិត លី សូវ៉ាន់ ប្រធាននាយកដ្ឋានប្រយុទ្ធនឹងជំងឺឆ្លងនៃក្រសួងសុខាភិបាល បានមានប្រសាសន៍នៅព្រឹកថ្ងៃទី១២ ខែមីនានេះថា ក្រុមការងារបានរកឃើញករណីសង្ស័យឆ្លងជំងឺផ្តាសាយបក្សីប្រភេទ A/H9លើមនុស្ស១៣នាក់ទៀត បន្ទាប់ពីរកឃើញទារិកាអាយុជាង១ឆ្នាំម្នាក់ឆ្លងជំងឺនេះរួចមក។
លោកវេជ្ជបណ្ឌិត លី សូវ៉ាន់ បានបន្តថា អ្នកជំងឺសង្ស័យទាំង១៣នាក់ ក្នុងនោះមានស្រីចំនួន៧នាក់ និងប្រុសចំនួន៦
នាក់ រស់នៅក្នុងភូមិត្រពាំងរុន ឃុំឬស្សីលក ស្រុកជីក្រែង ខេត្តសៀមរាប ជាទីដែលទារិកាអាយុ១ឆ្នាំ១ខែមា្នក់ឆ្លងជំងឺផ្តាសាយបក្សីប្រភេទA/H9 (Influenza A/H9ដោយពួកគេមានរោគសញ្ញា គ្រុនក្តៅ ក្អក និងពិបាកដកដង្ហើម ។
លោកវេជ្ជបណ្ឌិត លី សូវ៉ាន់ បានបន្តទៀតថា ទារិកាអាយុ១ឆ្នាំ១ខែមា្នក់ឆ្លងជំងឺផ្តាសាយបក្សីប្រភេទA/H9បានជាសះស្បើយហើយបន្ទាប់ពីទទួលការព្យាបាលនៅមន្ទីរពេទ្យកុមារអង្គរ ខេត្តសៀមរាប។
លោកវេជ្ជបណ្ឌិត លី សូវ៉ាន់ បានបន្ថែមថា បច្ចុប្បន្នក្រុមការងារបានកំពុងស្រាវជ្រាវបន្តទៀតដើម្បីរកប្រភព
នៃការចម្លងជំងឺនេះថា តើវាមានប្រភពមកពីណា។ ប៉ុន្តែតាមការសន្និដ្ឋានអាចឆ្លងពីសត្វមាន់ទា។
លោកវេជ្ជបណ្ឌិត លី សូវ៉ាន់ បានអំពាវនាវដល់ប្រជាពលរដ្ឋកុំបរិភោគសត្វមាន់ឬទាដែលឈឺនិងងាប់ដើម្បីបង្ការទប់ស្កាត់ការឆ្លងជំងឺផ្តាសាយបក្សីប្រភេទA/H9ពិសេសដើម្បីទប់ស្កាត់កុំឱ្យមានការចម្លងពីមនុស្សម្នាក់ទៅមនុស្សម្នាក់ទៀត។
នាយកដ្ឋានប្រយុទ្ធនឹងជំងឺឆ្លង បានរកឃើញថា នៅក្នុងភូមិត្រពាំងរុន មានមាន់ងាប់ជាបន្តបន្ទាប់ ចាប់តាំងពី ខែកុម្ភ: ឆ្នាំ២០២២ មក។ តាមលទ្ធផលដោយមន្ទីរពិសោធន៍ថ្នាក់ជាតិ នៅថ្ងៃទី១០ ខែមីនា ឆ្នាំ២០២២ បញ្ជាក់ថា វិជ្ជមាន Influenza A/H9។ភ្លាមៗ ក្រសួងបានបញ្ជូនមន្រ្តីនាយកដ្ឋានប្រយុទ្ធជំងឺឆ្លង សហការណ៍ជាមួយមន្ត្រីក្រុមឆ្លើយតបបន្ទាន់ថ្នាក់ខេត្ត ចុះអង្កេតស្រាវជាវ បង្ការ និងទប់ស្កាតការរាត្បាត និងអប់រំសុខភាពដល់ប្រជាជននៅមូលដ្ឋាន។
នាយកដ្ឋានប្រយុទ្ធនឹងជំងឺឆ្លងបានណែនាំថាបើមានករណីសង្ស័យថា មានជំងឺផ្តាសាយបក្សី លោកអ្នកអាច ទាក់ទងព័ត៌មានបន្ថែមតាមរយៈលេខ១១៥៕
អត្ថបទ៖ សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ