ព្រះរាជអាជ្ញារងតុលាការភ្នំពេញមួយរូប យកកាំភ្លើងភ្ជង់ និងប្រើហិង្សាលើប្រពន្ធ និងមេដោះ

ភាពភ្ញាក់ផ្អើលមួយបានកើតឡើង ខណៈដែលព្រះរាជអាជ្ញារងសាលាដំបូងរាជធានីភ្នំពេញ១រូប គឺលោក​ ម៉ុត ដារ៉ា បានយកកាំភ្លើងភ្ជង់ប្រពន្ធ ប្រើហិង្សាលើប្រពន្ធ និងមេដោះ ហើយត្រូវបានសមត្ថកិច្ចចុះទៅ អន្តរាគមន៍ទាំងយប់​។ ហេតុការណ៍នេះ បានកើតឡើងនៅ​វេលា​ម៉ោង​.​៩:៣០​នាទី​យប់​ថ្ងៃ​ សៅរ៍​ ទី​១២​ ខែ​ មីនា​ ឆ្នាំ​ ២០២២​ ស្ថិត​នៅ​ចំណុច​ផ្លូវ​១៥០ផ្ទះ​៨៩ សង្កាត់​ទឹកល្អក់​ទី​២ ខណ្ឌ​ ទួលគោក​។

ជនរងគ្រោះ​ជា​ប្រពន្ធ​មាន​ឈ្មោះ​ថា ហេង​ មួយ​គា​។ ក្រោយទទួលបានសេចក្តីរាយការណ៍ខាងលើនេះ កម្លាំងសមត្ថកិច្ចមូលដ្ឋាន បានចុះទៅជួយអន្តរាគមន៍ដោយសុំឲ្យស្រ្តីជាប្រពន្ធធ្វើដំណើរទៅកាន់ទៅប៉ុស្តិ៍រដ្ឋបាល ដើម្បីដាក់ពាក្យបណ្តឹង។ ស្រ្តីជាប្រពន្ធឈ្មោះ ហេង មួយគា និងម្តាយក្មេក បានប្រាប់អ្នកយកព័ត៌មាន នៅកន្លែងកើតហេតុនោះថា ឈ្មោះ ម៉ុត ដារ៉ា តែងតែប្រើហិង្សាមកលើគាត់ជាប្រពន្ធ ជាច្រើនលើកច្រើនសាររហូតស្រ្តីជាប្រពន្ធទ្រាំលែងបាន ទើបឈ្លោះគ្នាកាន់តែខ្លាំងនៅពេលនេះតែម្តង។ ជាមួយគ្នានេះស្រ្តីជាប្រពន្ធ បានទទូចដល់សមត្ថកិច្ចចាត់វិធានការតាមច្បាប់ចំពោះប្តីរបស់ខ្លួនដែលមានតួនាទីជាព្រះរាជអាជ្ញារងអមសាលាដំបូងរាជធានីភ្នំពេញរូបនេះ៕

ដោយ ៖ ស្រីរ័ត្ន