ព័ត៌មានជាតិ
មន្ត្រីជាន់ខ្ពស់ក្រសួងទំនាក់ទំនងរដ្ឋសភា-ព្រឹទ្ធសភា អំពាវនាវដល់មន្ត្រី មិនត្រូវមើលស្រាលជំងឺកូវីដ-១៩ នោះទេ
លោកស្រី យក់ ណារ៉េត រដ្ឋលេខាធិការ តំណាងលោកជំទាវ ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនង ជាមួយរដ្ឋសភា-ព្រឹទ្ធសភា និងអធិការកិច្ច បានអំពាវនាវដល់មន្ត្រីរាជការ មិនត្រូវមើលស្រាលនូវជំងឺកូវីដ-១៩ ជាពិសេសមេរោគបំប្លែងខ្លួនថ្មី អូមីក្រុងនោះទេ ខណៈជំងឺនេះនៅតែរាតត្បាតនៅលើពិភពលោក ក៏ដូចជាប្រទេសកម្ពុជា ផងដែរ។
លោកស្រី យក់ ណារ៉េត បានអំពាវនាវបែបនេះ ខណៈអញ្ជើញជាតំណាងលោកជំទាវ ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនង ជាមួយរដ្ឋសភា-ព្រឹទ្ធសភា និងអធិការកិច្ច ជួបសំណេះសំណាលជាមួយមន្ត្រីរាជការជានិវត្តន៍ជនចំនួន ៦៧នាក់ នៅទីស្តីការក្រសួង នាព្រឹកថ្ងៃទី ១៥ ខែមីនា ឆ្នាំ ២០២២នេះ។
ថ្លែងក្នុងឱកាសនោះលោកស្រី យ៉ក់ ណារ៉េត ក៏បានពាំនាំនូវការផ្តាំផ្ញើការសាកសួរសុខទុក្ខ ពីសំណាក់ លោកជំទាវ ម៉ែន សំអន ជូនដល់មន្ត្រីរាជការជានិវត្តន៍ជន ដោយក្តីនឹករលឹក និងការគិតគូរអំពីសុខទុក្ខនៅគ្រប់ពេលវេលា។
លោកស្រី យក់ ណារ៉េត ក៏បានថ្លែងអំណរគុណ កោតសរសើរ និងវាយតម្លៃខ្ពស់ ដល់មន្ត្រីរាជការចូលនិវត្តន៍ ចំពោះការខិតខំប្រឹងប្រែង របស់មន្ត្រីគ្រប់ផ្នែកបានបំពេញតួនាទី ភារកិច្ចបានយ៉ាងល្អក្នុងរយៈពេលកន្លងមក ក្រោមម្លប់សន្តិភាព ប្រទេសជាតិមានការអភិវឌ្ឍរីកចំរើន ធ្វើឲ្យកំណើនសេដ្ឋកិច្ចមានការកើនឡើង ធានាបាននិរន្តរភាពសម្រាប់សេដ្ឋកិច្ចជាតិ។
ជាមួយគ្នានេះលោកស្រី ក៏បានអំពាវនាវដល់មន្ត្រីរាជការ មិនត្រូវមើលស្រាលនូវជំងឺកូវីដ-១៩ ជាពិសេសមេរោគបំប្លែងខ្លួនថ្មី អូមីក្រុងនោះទេ ស្របពេលដែលពិភពលោក បាននិងកំពុងប្រយុទ្ធប្រឆាំងនឹងជំងឺដ៏កាចសាហាវនេះ ខណៈដែលការចម្លងនៅបន្តកើតមាន និងមនុស្សនៅតែស្លាប់នៅឡើយ។ ក្នុងនោះលោកស្រី ក៏បានអំពាវនាវឲ្យបន្តចូលរួមអនុវត្ត ឲ្យបាននូវវិធានការណ៍ របស់ក្រសួងសុខាភិបាល ជាពិសេសវិធានការ ៣ការពារ ៣កុំ ឲ្យបានគ្រប់ៗគ្នា ដើម្បីចូលរួមកាត់បន្ថយនូវការឆ្លងចូល ក្នុងសហគមន៍។
ក្នុងឱកាសនោះផងដែរ លោកស្រីយ៉ក់ ណារ៉េត ក៏បាននាំយកនូវអំណោយ របស់លោកជំទាវ ម៉ែន សំអន ប្រគល់ជូនដល់មន្រ្តីនិវត្តន៍ជន ដោយម្នាក់ៗទទួលបាន ឃីត ១កញ្ចប់ អង្ករ ១បេ មី ១កេស និងថវិកាមួយចំនួន ផងដែរ៕
អត្ថបទ៖ វិមាន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១១ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ