ព័ត៌មានជាតិ
ឱកាសយុវជនតំណាងឱ្យកម្ពុជា ចូលរួមកិច្ចសន្ទនាយុវជនអាស៊ាន លើកដំបូង
ក្រសួងអប់រំ យុវជន និងកីឡា នៅថ្ងៃទី១៦ ខែមីនា ឆ្នាំ២០២២នេះ បានជូនដំណឹងដល់យុវជនដែលចង់ក្លាយខ្លួនជាតំណាងយុវជនកម្ពុជានៅលើឆាកអន្តរជាតិ ក្នុងការចាប់ឱកាសចូលរួមកិច្ចសន្ទនាយុវជនអាស៊ាន លើកដំបូង។
ក្រសួងអប់រំ យុវជន និងកីឡា បានលើកឡើងថា កិច្ចសន្ទនាយុវជនអាស៊ានលើកទី១ នឹងក្លាយជាវេទិកាសម្រាប់យុវជនកម្ពុជាគ្រប់ស្រទាប់ ដែលមានបំណងចង់យល់ដឹង ចង់រៀនសូត្រ និងចង់ធ្វើការពិភាក្សាអំពីអាស៊ាន បង្ហាញសមត្ថភាព និងទេពកោសល្យរបស់ខ្លួននៅលើឆាកអន្តរជាតិ។
ក្រសួងអប់រំ យុវជន និងកីឡា បានបញ្ជាក់ថា យុវជនដែលចង់ក្លាយខ្លួនជាតំណាងយុវជនកម្ពុជានៅលើឆាកអន្តរជាតិ អាចដាក់ពាក្យចូលរួមកិច្ចសន្ទនាយុវជនអាស៊ានលើកទី១នេះ តាមរយៈ https://forms.gle/ZVA2cphvA6xNFzEy9 ដែលនឹងផុតកំណត់ទទួលពាក្យនៅថ្ងៃទី១៥ ខែមេសា ឆ្នាំ២០២២ វេលាម៉ោង ១៧៖០០ នាទី។
សម្រាប់ព័ត៌មានបន្ថែម៖ ០៨៥ ៥០៦ ៤៩៨ ឬ ០១១ ៥៤៥ ៤៦៤ អ៊ីម៊ែល៖ [email protected] , [email protected]
បើតាម Link ចូលបំពេញពាក្យុចុះឈ្មោះនោះបានបញ្ជាក់ថា កិច្ចសន្ទនាយុវជនអាស៊ានលើកទី១ មានប្រធានបទ៖ “យុវជនក្នុងសម័យបដិវត្តន៍ឧស្សាហកម្មទី៤៖ ឱកាស និងបញ្ហាប្រឈមក្នុងការស្តារឡើងវិញក្រោយការរាតត្បាត”
កិច្ចសន្ទនាយុវជនអាស៊ាន មានគោលបំណងបង្កើតវេទិកាមួយសម្រាប់យុវជនអាស៊ាន និងកូរ៉េខាងត្បូង ដើម្បីចូលរួមក្នុងកិច្ចពិភាក្សាគោលនយោបាយដ៏មានអត្ថន័យ ដោយចូលរួមក្នុងវគ្គសន្ទនាជាមួយរដ្ឋមន្ត្រីយុវជនអាស៊ាន និងដៃគូសន្ទនាកម្រិតខ្ពស់សំខាន់ៗ។
កិច្ចការនេះនឹងផ្តោតលើរបៀបដែលភាគីពាក់ព័ន្ធអាចសហការជាមួយយុវជនមកពីទូទាំងអាស៊ាន និងកូរ៉េខាងត្បូង ក្នុងការទាញយកអត្ថប្រយោជន៍ និងឱកាសដែលបង្ហាញដោយបដិវត្តន៍ឧស្សាហកម្មទីបួន និងការដោះស្រាយបញ្ហាប្រឈមនានាដែលកើតឡើងដោយស្ថានភាពជំងឺរាតត្បាត៕
អត្ថបទ៖ ច័ន្ទ វីរៈ
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៦ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម២៣ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល