Connect with us

សន្តិសុខសង្គម

កម្ពុជា មានអ្នកទោសជាង ៣ ម៉ឺននាក់ ក្នុងនោះជាង ៥០% ពាក់ព័ន្ធករណី​គ្រឿងញៀន   

បានផុស

នៅ

សម្ដេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃបានថ្លែងថា នៅកម្ពុជាបច្ចុប្បន្នមានចំនួនអ្នកជាប់ឃុំប្រមាណជាង ៣​ ម៉ឺននាក់​​ ក្នុងនោះជាង ៥០ភាគរយ ពាក់ព័ន្ធករណីគ្រឿងញៀន។ សម្តេចបានថ្លែងឲ្យដឹងបែបនេះ នៅក្នុងជំនួបពិភាក្សាការងារតាមប្រព័ន្ធវីដេអូជាមួយ លោកសាស្រ្តាចារ្យ វិទិត មុនតាប៊ន អ្នករាយការណ៍ ពិសេសទទួលបន្ទុកសិទ្ធិមនុស្ស នៅកម្ពុជា កាលពីល្ងាចថ្ងៃទី១៥ ខែមីនា ឆ្នាំ២០២២ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងជំនួបតាមប្រព័ន្ធវីដេអូសម្ដេចក្រឡាហោម ស ខេង បានមានប្រសាសន៍ថា ក្រសួងមហាផ្ទៃកំពុងយកចិត្តទុកដាក់ខិតខំកសាងហេដ្ឋារចនាសម្ព័ន្ធបន្ថែម ដើម្បីដោះស្រាយបញ្ហាចង្អៀតណែន និងកំពុងតែគិតគូការលើកលែងនូវការឃុំខ្លួនរង់ចាំនីតិវិធីតុលាការចំពោះបទល្មើសស្រាលៗមួយចំនួន ដើម្បីរួមចំណែកកាត់បន្ថយភាពចង្អៀតណែនបានមួយផ្នែក។

យោងតាមរបាយការណ៍ឆ្នាំ ២០២១ របស់អគ្គលេខាធិការស្ដីពីតួនាទី និងសមិទ្ធផលរបស់ការិយាល័យឧត្ដមស្នងការទទួលបន្ទុកសិទ្ធិមនុស្សនៅកម្ពុជា បានឱ្យដឹងថា ពន្ធនាគារនៅក្នុងប្រទេសកម្ពុជា មានចំនួនអ្នកជាប់ឃុំច្រើនជាង ៣ ដងនៃសមត្ថភាពដែលមានគឺដល់ទៅ ​​៣៤៣ ភាគរយ ។ អ្នកជាប់ឃុំបានប្រឈមនឹងបញ្ហាជាច្រើន ផ្នែកស្មារតី និងរាងកាយ និងហានិភ័យដែលអាចឈានទៅរកស្ថានភាពដែលបង្កឱ្យមានការប្រព្រឹត្តអំពើឃោរឃៅទៀតផង។

អ្នកនាំពាក្យនៃអគ្គនាយកដ្ឋានពន្ធនាគាធ្លាប់បានបដិសេធ ចំពោះការលើកឡើងរបស់អង្គការសិទ្ធិមនុស្សថា ពន្ធនាគារគឺជាទីកន្លែងឃុំឃាំងមនុស្ស​ កែប្រែ មិនមែនជាទីកន្លែងរស់នៅសុខស្រួលមានអាហារឆ្ងាញ់ៗដូចនៅខាងក្រៅឡើយ ហើយការចង្អៀតណែនក្នុងពន្ធនាគារក៏មិនមែនជារឿងថ្មីសម្រាប់កម្ពុជា ឬបណ្តាប្រទេសជាច្រើននៅលើសកលលោកដែរ ប៉ុន្តែអាជ្ញាធរពន្ធនាគារកម្ពុជាតែងខិតខំដោះស្រាយបញ្ហានេះ ជាមួយស្ថាប័នពាក់ព័ន្ធ និងដៃគូអភិវឌ្ឍន៍នានាផងដែរ៕ ដោយ៖ណារី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

ពលរដ្ឋ​មក​ទទួល​វ៉ាក់សាំង​ដូ​ស​ជំរុញ​ក្នុង​ខេត្តកោះកុង មិនទាន់​សម្រេច​ដល់​គោលដៅ​ចង់បាន​

ព័ត៌មានជាតិ៣ ម៉ោង មុន

ត្រីភាគី​ដាក់​តួលេខ​ប្រាក់​ឈ្នួល​ចុងក្រោយ​ជូន​ក្រុមប្រឹក្សា​ជាតិ​ប្រាក់​ឈ្នួល​សម្រេច​នៅ​ថ្ងៃទី​២១​កញ្ញា​ខាងមុខ

វប្បធម៌ ជំនឿ៣ ម៉ោង មុន

ពណ៌ផ្ទះហុងស៊ុយ​ ស្របតាមទិសទាំង ៨ ជួយទាក់ទាញសំណាងទ្វេដង

ព័ត៌មានជាតិ៣ ម៉ោង មុន

សពលោក ប៊ូ ឡាំ អតីត​អ្នកតំណាងរាស្ត្រ​ខេត្ត​រតនគិរី​ បាន​ដឹក​ពី​ប្រទេសវៀតណាមមកដល់កម្ពុជាហើយ ដើម្បី​រៀប​ចំ​ធ្វើ​បុណ្យ​តាម​ប្រពៃណី

ព័ត៌មានជាតិ៤ ម៉ោង មុន

រដ្ឋមន្ត្រី​ក្រសួងសាធារណការ​ ត្រៀម​ប្រើម៉ាស៊ីនទំនើប​ ដែល​អាច​ជំនួសមនុស្ស​ ក្នុងការចូលលូ​ លើកដំបូង​ក្នុង​ប្រទេស​កម្ពុជា

Sokha Hotels

ព័ត៌មានពេញនិយម