ព័ត៌មានជាតិ
ពិធីផ្ទេរ និងទទួលសាលារៀនគោលដៅអនុវត្តកម្មវិធីផ្តល់អាហារតាមសាលារៀន
សៀមរាប ៖ នៅសាលាបឋមសិក្សាដូនឪ ស្ថិតនៅឃុំលាងដៃ ស្រុកអង្គរធំ ខេត្តសៀមរាប នា ១៧ ខែមីនា ឆ្នាំ២០២២នេះ មានប្រារព្ធពិធីពិធីផ្ទេរ និងទទួលសាលារៀនគោលដៅអនុវត្តកម្មវិធីផ្តល់អាហារតាមសាលារៀន ក្រោម អធិបតីភាពឯកឧត្តមបណ្ឌិតសភាចារ្យ ហង់ជូន ណារ៉ុង រដ្ឋមន្ត្រី ក្រសួងអប់រំយុវជន និង កីឡា ឯកឧត្តម W.Patrick Murphy ឯកអគ្គ រដ្ឋទូតសហរដ្ឋអាមេរិក ប្រចាំព្រះរាជាណាចក្រកម្ពុជា ដោយមានការអញ្ជើញចូលរួមពីសំណាក់អស់ លោក លោកស្រីជា រដ្ឋលេខាធិការ គណៈអភិបាលខេត្ត នាយិកានៃកម្មវិធីស្បៀងអាហារពិភពលោក អង្គការដៃគូ និង អាជ្ញាធរស្រុក មេឃុំ លោកគ្រូ អ្នកគ្រូ និង សិស្សានុសិស្សផងដែរ។
ក្នុងកិច្ចស្វាគមន៍នោះលោក ពិន ប្រាកដ អភិបាលរងនៃគណៈអភិបាលខេត្តសៀមរាប បានបញ្ជាក់ថា ពិធីផ្ទេរ.ទទួលសាលារៀនគោលដៅអនុវត្តកម្មវិធីផ្តល់អាហារតាមសាលារៀននេះ បានបង្ហាញអំពីការតាំងចិត្តដ៏មុតមាំរបស់រាជរដ្ឋាភិបាលកម្ពុជា ក្នុងការអនុវត្តយុទ្ធសាស្ត្រផ្ទេរ.ទទួល កម្មវិធីផ្តល់អាហារតាមសាលារៀន និង បង្ហាញពី ការយកចិត្តទុកដាក់ ក្នុងការលើកកម្ពស់និងផ្តល់ឱកាសដល់សិស្សមកពីគ្រួសារក្រីក្រ និងងាយរងគ្រោះនៅតាមសហគមន៍ ឲ្យទទួលបាននូវសិទ្ធជាមូលដ្ឋាន ជាពិសេសការទទួលបានសេវាអប់រំប្រកបដោយគុណភាព សមធម៌ និងបរិយាបន្ន ព្រមទាំងផ្តល់ឱកាសសិក្សាពេញមួយជីវិតសម្រាប់ទាំងអស់គ្នា ។ ម្យ៉ាងទៀតបញ្ហាសេសសល់ទាមទារឲ្យវិស័យអប់រំ និងអ្នកពាក់ព័ន្ធជួយគាំទ្របន្ថែម ទៀតទាំងហេដ្ឋារចនាសម្ព័ន្ធរូបវ័ន្ត ថវិកា បច្ចេកទេសជាដើម។
តាមការបញ្ជាក់របស់លោកស្រី Claire Conan នាយិកាប្រចាំប្រទេសនៃកម្មវិធីស្បៀងអាហារពិភពលោក បានឲ្យដឹង ថា ការផ្តល់អាហារនៅតាមសាលារៀននេះ ជាការលើកស្ទួយជីវភាពប្រជាពលរដ្ឋនៅតាមសហគមន៍ តាមរយៈការទិញនូវ កសិផលក្នុងសហគមន៍ ហើយកម្មវិធីផ្តល់អាហារតាមសាលារៀនជាការវិនិយោគមួយបែបក្នុងការកសាងធនធានមនុស្សដែលជាមូលដ្ឋានគ្រឹះក្នុងការអភិវឌ្ឍប្រទេសកម្ពុជា។
លោកស្រីបន្តទៀតថា ឆ្នាំ១៩៩៩មក មានកុមារជាង២លាននាក់នៃសាលាបឋមសិក្សាសរុបចំនួន១ពាន់១១៣សាលាក្នុងខេត្តគោលដៅចំនួន១០ ដែលទទួលអត្ថប្រយោជន៍ពីកម្មវិធីផ្តល់អាហារតាមសាលារៀន។ ពីឆ្នាំ២០១៩មក កម្មវិធីស្បៀងអាហារពិភពលោកបានផ្ទេរសាលាបានអនុវត្តកម្មវិធីផ្តល់អាហារតាមសាលារៀនចំនួន២៩០សាលា ដែលក្នុងនោះបានប្រើប្រាស់ថវិកាប្រមាណជាង៣លានដុល្លារ ពេលនេះក៍បានផ្ទេរសាលាចំនួន៨៥បន្ថែមទៀត ជូនដល់រាជរដ្ឋាភិបាលកម្ពុជាផងដែរ។ ក្នុងនោះដែរក៏មានសាលាចំនួន ៨៥សាលា ក្នុងស្រុកពួក ,ស្រុកប្រាសាទបាគង និង ស្រុកអង្គរធំ នៃខេត្តសៀមរាបផងដែរ។
មានប្រសាសន៍នោះដែរ ឯកឧត្តម W.Patrick Murphy ឯកអគ្គ រដ្ឋទូតសហរដ្ឋអាមេរិក ក៏បានបញ្ជាក់ ពីសារសំខាន់នៃកម្មវិធីផ្តល់អាហារតាមសាលានេះ ក្រសួងកសិកម្មសហរដ្ឋអាមេរិក បានផ្តល់ថវិកាប្រមាណជាង៨៤លានដុល្លាដល់កម្មវិធីស្បៀងអាហារពិភពលោក ដើម្បីគាំទ្រដល់កម្មវិធីនេះ សម្រាប់សិស្សបឋមសិក្សាទូទាំងប្រទេសកម្ពុជា។ ឯកឧត្តមរំពឹងថា បើទោះណាជាជំនួយត្រូវបានបញ្ចប់នៅពេលណាមួយ កម្មវិធីនេះនៅតែអាចបន្តប្រកបដោយនិរន្តរភាពនៅកម្ពុជា ។
មានប្រសាសន៍នាឱកាសនោះឯកឧត្តមបណ្ឌិតសភាចារ្យ ហង់ជួន ណារ៉ុន បានបញ្ជាក់ថា កម្មវិធីផ្ដល់អាហារតាមសាលារៀន ជាអាទិភាពមួយរបស់វិស័យអប់រំ ក្នុងចំណោមកម្មវិធីជំនួយសង្គមជាច្រើន ដូចមានចែងក្នុងគោលនយោបាយជាតិស្តីពីការគាំពារសង្គម ។ ក្រសួងអប់រំ ក្នុងនាមជាសេនាធិការឲ្យរាជរដ្ឋាភិបាល និងជាស្ថាប័នប្រតិបត្តិ បានប្ដេជ្ញាអនុវត្ត និងសម្រេចឱ្យបាននូវ សូចនាករនានា ដូចមានចែងក្នុងក្របខណ្ឌគោលនយោបាយជាតិស្តីពីការគាំពារសង្គម ក្នុងនោះរួមមាន កម្មវិធីផ្តល់អាហារូបករណ៍ដល់សិស្សក្រីក្រ, និងកម្មវិធីផ្ដល់អាហារតាមសាលារៀន សំដៅធានាដល់ការធ្វើឲ្យមានលំនឹងប្រាក់ចំណូលរបស់ប្រជាជន ស្ថិតក្នុងក្រុមគ្រួសារក្រីក្រ, ងាយរងគ្រោះ, និងទទួលបានអត្ថប្រយោជន៍ ពីកម្មវិធីជំនួយសង្គម ប្រកបដោយសមធម៌ និងបរិយាបន្ន ជាពិសេសក្នុងដំណាក់កាលនៃការប្រយុទ្ធប្រឆាំងនឹងជំងឺកូវីដ-១៩ ។
ឯកឧត្តម បញ្ជាក់ថា ក្នុងឆ្នាំសិក្សា ២០២១-២០២២ នេះ រាជរដ្ឋាភិបាលកម្ពុជា ក្រោមការដឹកនាំប្រកបដោយគតិបណ្ឌិតរបស់ សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតឲ្យក្រសួងពង្រីកវិសាលភាពរបស់កម្មវិធីផ្តល់អាហារតាមសាលារៀនពីចំនួន ២០៥ សាលា ទៅដល់ ២៩០សាលា ក្នុងខេត្តគោលដៅចំនួន ៩ ទោះបីកម្ពុជាកំពុងប្រយុទ្ធប្រឆាំងនឹងជម្ងឺកូវីដ១៩ យ៉ាងណាក៏ដោយ ។ ទន្ទឹមជាមួយនោះ ផែនការយុទ្ធសាស្ត្រ ផ្ទេរ-ទទួល កម្មវិធីផ្ដល់អាហារតាមសាលារៀន កំពុងត្រូវបានពិភាក្សា រវាងរាជរដ្ឋាភិបាលកម្ពុជា និងកម្មវិធីស្បៀងអាហារពិភពលោក ដើម្បីធានាឲ្យការអនុវត្តប្រព័ន្ធជំនួយសង្គម កាន់តែមានគុណភាព គណនេយ្យភាព សង្គតិភាព ចីរភាព និង បរិយាបន្ន សម្រាប់ឆ្នាំ២០២៣ ដល់ឆ្នាំ ២០២៨ ។ ជាជំហានបន្ទាប់ ក្រសួងនឹងពិភាក្សាជាមួយក្រសួងសេដ្ឋកិច្ច និងហិរញ្ញវត្ថុ និងអ្នកពាក់ព័ន្ធ ដើម្បីជំរុញការដាក់ចេញនូវអនុក្រឹត្យ និងប្រកាសអន្តរក្រសួងស្តីពី ការអនុវត្តកម្មវិធីផ្តល់អាហារតាមសាលារៀន ដោយប្រើប្រាស់កសិផលក្នុងសហគមន៍ ៕
ដោយ ៖ គឿនវេត
-
សន្តិសុខសង្គម១ សប្តាហ៍ agoសមត្ថកិច្ចចុះស្រាវជ្រាវករណីព្រះសង្ឃចាក់សាក់លើរាងកាយស្ត្រីបង្ហោះ TikTok រកឃើញព្រះសង្ឃ ៥អង្គមានសារធាតុញៀន
-
កីឡា៣ ថ្ងៃ agoក្រុមជម្រើសជាតិកម្ពុជា មានស្ថិតិល្អការប្រកួត ASEAN Championship នៅស្តាតមរតកតេជោ
-
កីឡា១ សប្តាហ៍ agoស្មាត់ឆ្នើម វឿន វាសនា បន្តកុងត្រាថ្មីជាមួយក្លិប Win Streak ត្រូវអ្នកគាំទ្រ តៃវ៉ាន់ សាទរខ្លាំង
-
ព័ត៌មានជាតិ៥ ថ្ងៃ agoអភិបាលស្រុកសំរោង ចុះពិនិត្យស្ពាន «កាប់នឹម» បាក់ស្រុតធ្ងន់ សិក្សាលទ្ធភាពជួសជុលឡើងវិញ ដើម្បីធានាសុវត្ថិភាពពលរដ្ឋ
-
ព័ត៌មានអន្ដរជាតិ៣ ថ្ងៃ agoពូទីន ចង់យកកិច្ចព្រមព្រៀងចាស់ និងតថភាពជាក់ស្ដែងលើសមរភូមិ ទៅចរចាសន្តិភាពជាមួយអ៊ុយក្រែន
-
កីឡា៣ ថ្ងៃ agoចប់សន្សំពិន្ទុជុំទី២ World Cup 2026 រកឃើញ ៧ ក្រុមឡើងវគ្គ ៣២ ក្រុមចុងក្រោយ
-
ព័ត៌មានជាតិ៤ ថ្ងៃ agoអ្នកវិភាគមើលឃើញពីសក្ដានុពលពាណិជ្ជកម្មសេរីរវាងកម្ពុជានិងអឺរ៉ាស៊ីស្របគ្នានឹងបញ្ហាប្រឈមមួយចំនួន
-
សន្តិសុខសង្គម៥ ថ្ងៃ agoបារីជិត១០០ប៊ិច ត្រៀមដឹកគេចពន្ធទៅថៃ ត្រូវបានសមត្ថកិច្ចបង្ក្រាបបានទាន់ពេល ខណ:ក្រុមឈ្មួញគ្មានញញើតច្បាប់