ព័ត៌មានជាតិ
សម្តេច ស ខេង ណែនាំដល់អាជ្ញាធរមូលដ្ឋានទទួលប្រាក់ខែពីរដ្ឋ ត្រូវបម្រើពលរដ្ឋឱ្យអស់ថ្លៃ
សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តព្រៃវែង បានមានប្រសាសន៍ថា អាជ្ញាធរទទួលបា្រក់ខែពីរដ្ឋ ប្រាក់ខែពីប្រជាពលរដ្ឋ ដូច្នេះត្រូវបំរើប្រជាពលរដ្ឋឱ្យអស់ថ្លៃ ព្រោះប្រជាពលរដ្ឋបានបង់ឱ្យរដ្ឋតាមរយៈការបង់ពន្ធដោយផ្ទាល់ និងតាមរយៈពន្ធទៅលើថ្លៃទំនិញនានា ដែលបានចំណូលចូលដល់រដ្ឋ។ ហេតុដូច្នេះមន្ត្រីក្នុងមូលដ្ឋានទាំងអស់ត្រូវតែគិតថា ប្រជាជនជាចៅហ្វាយនាយ។
ក្នុងពិធីបិទសន្និបាតបូកសរុបលទ្ធផលការងារឆ្នាំ២០២១ និងលើកទិសដៅការងារឆ្នាំ២០២២ របស់រដ្ឋបាលខេត្តព្រៃវែង នៅថ្ងៃទី២២ ខែមីនា ឆ្នាំ២០២២ សម្តេចក្រឡាហោម បានណែនាំដល់មន្ត្រីមូលដ្ឋានកុំតាំងខ្លួនជាអ្នកធំជាចៅហ្វាយនាយរបស់ប្រជាពលរដ្ឋ សូមចាត់ទុកប្រជាពលរដ្ឋ ជាចៅហ្វាយនាយ ព្រោះតែយើងបំពេញការងារ ទទួលបានប្រាក់បៀវត្សពីរដ្ឋ ដែលប្រាក់បៀវត្សរបស់រដ្ឋនោះ គឺបានមកពីព្រជាពលរដ្ឋ។
សម្តេចក្រឡាហោម ស ខេង បានមានប្រសាសន៍លើកឡើងពីរបៀបរបបធ្វើការងារផងដែរ ដោយមន្ត្រីគ្រប់រូបត្រូវខិតខំប្រឹងប្រែងធ្វើការងារតាមលិខិតបទដ្ឋានគតិយុត្តដែលបានចែងមក ព្រមទាំងត្រូវធ្វើសន្ទសន៍នៃកិច្ចប្រជុំប្រចាំឆ្នាំ ដោយត្រូវរៀបចំកំណត់ពេលវេលានៃការប្រជុំពិភាក្សាឱ្យបានជាប់លាប់។
ទន្ទឹមនឹងនេះសម្តេចក្រឡាហោម បានណែនាំថា៖ “មន្ត្រីគ្រប់រូបត្រូវរត់រកការងារធ្វើ មិនមែនឱ្យការងាររត់រកយើងនោះទេ ពេលខ្លះមានការងាររត់រកយើងដូចជាករណីកូវីដ-១៩ គ្រោះមហន្តរាយដែលកើតឡើងដោយមិនបានព្រៀងទុកតម្រូវឱ្យយើងប្រឹងប្រែងទប់ស្កាត់ ប៉ុន្តែបញ្ហាមួយចំនួនទៀត យើងត្រូវផ្តួចផ្តើមគំនិតឡើងធ្វើការដោះស្រាយ ដូចជាករណីជីកប្រឡាយ ធ្វើផ្លូវជាដើម”។
លើសពីនេះទៀត សម្ដេចក្រឡាហោម ស ខេង បានមានប្រសាសន៍ណែនាំមន្ត្រីគ្រប់ជាន់ថ្នាក់ ត្រូវតែផ្សារភ្ជាប់ជាមួយប្រជាពលរដ្ឋ ត្រូវតែដឹងសុខទុក្ខប្រជាពលរដ្ឋជាប់ជាប្រចាំ ដោយត្រូវធ្វើការតាមដានព័ត៌មានឱ្យបានគ្រប់ជ្រុងជ្រោយ ព្រមទាំងខិតខំស្វែងរកនូវវិធីសាស្ត្រដើម្បីឆ្លើយតប និងដោះស្រាយរាល់ការលំបាករបស់ប្រជាពលរដ្ឋ កន្លែងណាមានគ្រឿងញៀន កន្លែងមានចោរលួច ចោរប្លន់ កន្លែងមានខ្យល់ព្យុះ កន្លែងមានពលរដ្ឋមានជីវភាពខ្វះខាត ត្រូវតែក្តាប់ព័ត៌មានឱ្យបានជាប់ ផ្សារភ្ជាប់ជាមួយពលរដ្ឋឱ្យជិតស្និត ហើយចុះទៅតាមមូលដ្ឋានផ្ទាល់ដើម្បីដឹងសុខទុក្ខរបស់ពួកគាត់៕
អត្ថបទ៖ សំអឿន
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១៩ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore