ព័ត៌មានជាតិ
ឆ្នាំ២០២២នេះកូរ៉េនឹងផ្តល់ជំនួយឥតសំណង៣០លានដុល្លារសម្រាប់អភិវឌ្ឍន៍ប្រទេសកម្ពុជា
នៅឆ្នាំ២០២២នេះ រដ្ឋាភិបាលកូរ៉េតាមរយៈទីភ្នាក់ងារសហប្រតិបត្តិការអន្តរជាតិកូរ៉េ (កយកា-KOICA) នឹងផ្តល់ជំនួយឥតសំណង ចំនួនសរុប ៣០លានដុល្លារអាមេរិកសម្រាប់អភិវឌ្ឍន៍ប្រទេសកម្ពុជារួមជាមួយនឹងគម្រោងភាពជាដៃគូប្រចាំប្រទេសចំនួន១៤ កម្មវិធីភាពជាដៃគូរវាងសាធារណៈនិងឯកជនចំនួន១៨ កម្មវិធីបណ្តុះបណ្តាល (CIAT) កម្មវិធីអ្នកស្ម័គ្រចិត្តកូរ៉េ ជាដើម។
ថ្លែងក្នុងជំនួបជាមួយលោកស្រី បណ្ឌិត អ៊ីម ចុងហ៊ី អនុប្រធានទីភ្នាក់ងារសហប្រតិបត្តិការអន្តរជាតិកូរ៉េ ( កយកា-KOICA) នៅរសៀលថ្ងែទី២៨មីនា លោក ឈៀង យ៉ាណារ៉ា រដ្ឋមន្ត្រីប្រតិភូអមនាយករដ្ឋមន្ត្រី និងជាអគ្គលេខាធិការគណៈកម្មាធិការនីតិសម្បទានិងអភិវឌ្ឍន៍កម្ពុជា នៃក្រុមប្រឹក្សាអភិវឌ្ឍន៍កម្ពុជាបានមានប្រសាសន៍ថាចាប់តាំងពីឆ្នាំ១៩៩១ ដល់ឆ្នាំ២០២១ កយកា-KOICA បានផ្តល់ជំនួយឥតសំណងប្រហែល ៣១០លានដុល្លារអាមេរិក ដល់ប្រទេសកម្ពុជា ជាទម្រង់នៃគម្រោងអភិវឌ្ឍន៍ កម្មវិធីបណ្តុះបណ្តាល ការប្រឹក្សា អ្នកស្ម័គ្រចិត្តជាដើម ហើយបានបង្កើនចំនួនជាបន្តបន្ទាប់ជារៀងរាល់ឆ្នាំ។
លោកបានបន្តថា ដោយឡែក នៅឆ្នាំ២០២២នេះកយកា-KOICA នឹងផ្តល់ជំនួយឥតសំណង ចំនួនសរុប ៣០លានដុល្លារអាមេរិកសម្រាប់អភិវឌ្ឍន៍ប្រទេសកម្ពុជារួមជាមួយនឹងគម្រោងភាពជាដៃគូប្រចាំប្រទេសចំនួន១៤ កម្មវិធីភាពជាដៃគូរវាងសាធារណៈនិងឯកជនចំនួន១៨ កម្មវិធីបណ្តុះបណ្តាល (CIAT) កម្មវិធីអ្នកស្ម័គ្រចិត្តកូរ៉េ ជាដើម។
លោកស្រី បណ្ឌិត អ៊ីម ចុងហ៊ី បានមានប្រសាសន៍ថាប្រទេសកម្ពុជា គឺជាប្រទេសដៃគូដ៏សំខាន់របស់កូរ៉េ ដែលជាប់ចំណាត់ថ្នាក់កំពូលនៃការគាំទ្រការអភិវឌ្ឍន៍របស់កយកាKOICA និងជាប្រទេសដៃគូ ជំនួយអភិវឌ្ឍន៍ផ្លូវការ (ODA) ដ៏សំខាន់មួយ។ កយកា-KOICA នឹងបន្តជួយដល់កម្ពុជា ដើម្បីឲ្យសម្រេចបាននូវគោលដៅអភិវឌ្ឍន៍របស់រដ្ឋាភិបាលកម្ពុជា។
លោកឈៀង យ៉ាណារ៉ាក៏បានវាយតម្លៃខ្ពស់ចំពោះសមិទ្ធផលដែលសម្រេចបានដោយ កយកា-KOICA ហើយបានថ្លែងអំណរគុណចំពោះកយកKOICA និងប្រជាជន និងរដ្ឋាភិបាលនៃសាធារណរដ្ឋកូរ៉េ ដែលបានគាំទ្រយ៉ាងខ្ជាប់ខ្ជួនដល់ការអភិវឌ្ឍន៍សេដ្ឋកិច្ចសង្គមរបស់កម្ពុជា តាមរយៈការអនុវត្តគម្រោង និងកម្មវិធី ក៏ដូចជាការប្រយុទ្ធប្រឆាំងនឹងជំងឺកូវីដ-១៩របស់ប្រទេសកម្ពុជា និងដើម្បីសម្រួលដល់ការស្តារសេដ្ឋកិច្ចកម្ពុជា។
នៅក្នុងឱកាសនោះ លោកស្រី បណ្ឌិត អ៊ីម ចុងហ៊ីបបន្តទៀតថាប្រទេសកម្ពុជា គឺជាប្រទេសឈានមុខគេក្នុងវិស័យវប្បធម៌អាស៊ីអាគ្នេយ៍ ហើយមានការរីកចម្រើនគួរឲ្យកត់សម្គាល់ ជាមួយនឹងសក្ដានុពលនៃការអភិវឌ្ឍន៍យ៉ាងខ្លាំង។ ជាពិសេស កម្ពុជាបានប្រយុទ្ធប្រឆាំងនឹងជំងឺរាតត្បាតកូវីដ-១៩ បានយ៉ាងល្អក្នុងរយៈពេល២ឆ្នាំមកនេះ។
លោកស្រី បណ្ឌិត អ៊ីម ចុងហ៊ីបានបញ្ជាក់ថា «ខ្ញុំមានការចាប់អារម្មណ៍យ៉ាងខ្លាំងចំពោះការខិតខំប្រឹងប្រែងរបស់រដ្ឋាភិបាលក្នុងការរក្សាការគ្រប់គ្រងការរាតត្បាតនៃជំងឺកូវីដ-១៩ ហើយខ្ញុំក៏សូមថ្លែងអំណរ អរគុណយ៉ាងស្មោះស្ម័គ្រចំពោះបើកដំណើរការិយាល័យកយកាប្រចាំនៅប្រទេសកម្ពុជាប្រកបដោយសុវត្ថិភាព»។
លោកស្រីបានបញ្ជាក់បន្ថែមថា ក្នុងអំឡុងពេលនៃការរីករាលដាលនៃជំងឺកូវីដ-១៩ កយកា-KOICA បានធ្វើសកម្មភាពគាំទ្រចម្រុះជាការឆ្លើយតបនឹងជំងឺកូវីដ-១៩ តាមរយៈកិច្ចសហប្រតិបត្តិការជាបន្តបន្ទាប់ជាមួយគ្នាទៅវិញទៅមក ហើយ កយកា-KOICA សង្ឃឹមថា នឹងពង្រឹងកិច្ចសហប្រតិបត្តិការនាពេលអនាគតដើម្បីអភិវឌ្ឍប្រទេសកម្ពុជា៕
ដោយ ៖ សំអឿន
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២០ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore