ព័ត៌មានជាតិ
អភិបាលខេត្តប៉ៃលិន ដាក់ផែនការ ការពារសន្តិសុខ ត្រៀមទីតាំងរៀបចំសង្រ្កាន្តឆ្នាំថ្មី
ប៉ៃលិន៖ អភិបាលខេត្តប៉ៃលិន លោកស្រី បាន ស្រីមុំ បានធ្វើការណែនាំដល់មន្ត្រីពាក់ព័ន្ធ ឱ្យពិនិត្យទីតាំងសមស្រប ដើម្បីត្រៀមរៀបចំសង្រ្កាន្តឆ្នាំថ្មី នាពេលខាងមុខនេះ ដើម្បីបង្កលក្ខណៈសប្បាយរីករាយជូនប្រជាពលរដ្ឋ ទាំងក្នុងខេត្ត និងខេត្តជាប់ព្រំប្រទល់ផងដែរ ខណៈពិធីបុណ្យចូលឆ្នាំថ្មី ប្រពៃជាតិខ្មែរនឹងឈានចូលមកដល់នៅសល់តែជាង ១០ ថ្ងៃទៀត។
ការណែនាំនេះ ធ្វើឡើងក្នុងគ្រាដែលលោកស្រី បាន ស្រីមុំ បានដឹកនាំកិច្ចប្រជុំពិភាក្សាការងារមួយចំនួន ក្នុងគោលបំណងការពារសន្តិសុខ ដើម្បីត្រៀមរៀបចំពិធីបុណ្យចូលឆ្នាំថ្មីប្រពៃណីជាតិខ្មែរ នារសៀលថ្ងៃទី០១ ខែមេសា ឆ្នាំ២០២២ នៅសាលប្រជុំក្រុមប្រឹក្សាខេត្ត ដោយមានការចូលរួមពីគណៈអភិបាលខេត្ត លោកប្រធាន អនុប្រធានមន្ទីរ និងអង្គភាពនានាជុំវិញខេត្ត ព្រមទាំងមន្រ្ដីរាជការពាក់ព័ន្ធ។
លោកស្រី បាន ស្រីមុំ អភិបាលខេត្តប៉ៃលិន មានប្រសាសន៍ ណែនាំដល់ក្រុមការងារពាក់ព័ន្ធទាំងអស់ ត្រូវសិក្សាអំពីទីកន្លែងសមស្រប មានអំណោយផលទាំងបរិយាកាស និងបរិស្ថានល្អ ដែលអាចរៀបចំធ្វើសង្រ្កាន្តឆ្នាំថ្មីបាន ព្រមទាំងបានណែនាំដល់ក្រុមការងាររៀបចំរានសម្រាប់រៀបរណ្តាប់តាមទំនៀមទម្លាប់ប្រពៃណីជាតិ ដើម្បីត្រៀមទទួលទេវតាឆ្នាំថ្មី។
ក្នុងនោះលោកស្រី អភិបាលខេត្តប៉ៃលិន បានណែនាំបន្ថែម ដល់ក្រុមការងារបច្ចេកទេស ត្រូវរៀបចំភ្លើងបំភ្លឺតាមសាធារណៈ ដូចជានៅតាមដងផ្លូវ និងសួនច្បារនានាក្នុងក្រុងប៉ៃលិន ឱ្យបានស្រស់ស្អាត ដែលអាចឱ្យភ្ញៀវទេសចរថតរូបអនុស្សាវរីយ៍ថែមទៀត។
ក្រៅពីនោះ លោកស្រី បាន ស្រីមុំ បានលើកទឹកចិត្តដល់មន្ត្រី និងថ្នាក់ដឹកនាំមន្ទីរសុខាភិបាលនៃរដ្ឋបាលខេត្តប៉ៃលិន និងអាជ្ញាធរមានសមត្ថកិច្ច និងក្រុមការងារពាក់ព័ន្ធទាំងអស់ ត្រូវត្រៀមលក្ខណៈ ក្នុងការបង្ការការឆ្លងរីករាលដាលនូវវីរុសកូវីដ-១៩ ដោយមិនត្រូវភ្លេចដាច់ខាតគឺវិធានការសុវត្ថិភាព ៣កុំ ៣ការពារ ដោយធ្វើយ៉ាងណាធានាដល់សុខុមាលភាពជូនភ្ញៀវទេសចរ និងប្រជាពលរដ្ឋ មិនមានផលប៉ះពាល់ពីបញ្ហាជំងឺកូវីដ-១៩ ក្រោយមកទស្សនាកម្សាន្តនាឱកាសពិធីបុណ្យចូលឆ្នាំថ្មីនៅ ខេត្តប៉ៃលិន។
សូមបញ្ជាក់ថា ពិធីបុណ្យចូលឆ្នាំថ្មី ប្រពៃណីជាតិខ្មែរ ឆ្នាំខាល ចត្វាស័ក ព.ស ២៥៦៥ គ.ស ២០២២ នេះ នឹងប្រព្រឹត្តទៅ ១៤-១៥-១៦ ខែមេសា ឆ្នាំ២០២២ ដោយមានទេធីតា ព្រះនាម កិរិណីទេវី ជារាជបុត្រីទី៥ នៃកបិលមហាព្រហ្ម គង់នៅចាតុម្មហារាជិកា ទ្រង់អម្ពរពណ៌បៃតង លម្អនៅព្រះកាណ៌ដោយសៀតផ្កាមន្ទា អភរណៈកែវមរកត ភក្សាហារទ្រង់សណ្ដែក-ល្ង ព្រះហស្ដស្តាំទ្រង់កង្វេរ ព្រហស្តឆ្វេង ទ្រង់កាំភ្លើង ទ្រង់គង់ឈរបើកព្រះនេត្រនៅលើខ្នង គជសារ (ដំរី) ជា យានពាហនៈ៕
អត្ថបទ សេង សុវណ្ណារិទ្ធ
-
ព័ត៌មានជាតិ១៩ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ