ព័ត៌មានជាតិ
អ្នកនាំពាក្យ ៖ ការចាប់ខ្លួន និងឃុំខ្លួនស្ត្រីឈ្មោះ យក់ នាង គឺផ្អែកលើនីតិវិធីច្បាប់ជាធរមាន ហើយមានភស្ដុតាងរឹងមាំ
មន្ត្រីនាំពាក្យក្រសួងយុត្តិធម៌ បានអះអាងថា ការចាប់ខ្លួន និងឃុំខ្លួនស្ត្រីឈ្មោះ យក់ នាង ដែលអតីតមន្ត្រីមូលដ្ឋាន នៃអតីតគណបក្សសង្រ្គោះជាតិ នៅរាជធានីភ្នំពេញនោះ គឺសមត្ថកិច្ច និងតុលាការបានផ្អែកលើនីតិវិធីច្បាប់ជាធរមាន ហើយមានភស្ដុតាងរឹងមាំផងដែរ។
ការអះអាងនេះ បន្ទាប់ពីមានការលើកឡើងពីកូនប្រុសរបស់ស្ត្រីរូបនេះ និងអ្នកវិភាគមួយចំនួនថា ការចាប់ខ្លួនស្ត្រីម្នាក់ឈ្មោះ យក់ នាង អតីតសមាជិកក្រុមប្រឹក្សារាជធានីភ្នំពេញ នៃអតីតគណបក្សសង្គ្រោះជាតិ និងត្រូវបានតុលាការចេញដីកាឃុំខ្លួនស្ត្រីរូបនេះ ដាក់ពន្ធនាគារពីបទ «រួមគំនិតក្បត់ និងញុះញង់»នោះ គឺពាក់ព័ន្ធនឹងរឿងនយោបាយ។
ប៉ុន្តែលោក ជិន ម៉ាលីន អ្នកនាំពាក្យក្រសួងយុត្តិធម៌ បានច្រានចោលចំពោះការលើកឡើងខាងលើនេះ និងថាសមត្ថកិច្ច និងតុលាការអនុវត្តទៅតាមច្បាប់ប៉ុណ្ណោះ។ លោកថា «យើងមើលទៅ ការឃាត់ខ្លួនការឃុំខ្លួននេះ ផ្អែកទៅតាមនីតិវិធីច្បាប់ ដែលមានជាធរមាន ដែលសមត្ថកិច្ចមានភស្ដុតាង មានមូលដ្ឋានផ្លូវច្បាប់រឹងមាំ បញ្ជាក់ពីបទរួមគំនិតក្បត់ និងការញុះញង់ ដូច្នេះគ្រាន់តែចោទថា ការឃុំខ្លួន ឃាត់ខ្លួនពាក់ព័ន្ធនឹងរឿងនយោបាយ អាហ្នឹងគឺមិនអាចធ្វើការការពាខ្លួន ដល់ជនជាប់ឃុំបានទេ»។
បើតាមលោក ជិន ម៉ាលីន ដើម្បីអាចការពារខ្លួនដល់ជនជាប់ឃុំរូបនេះ ទាល់តែអ្នកលើកឡើងទាំងនោះ រកមូលដ្ឋានផ្លូវច្បាប់រឹងមាំក្នុងការដោះបន្ទុក និងចូលរួមក្នុងដំណើរការនីតិវិធីរបស់តុលាការ។
បើតាមប្រភពព័ត៌មាន បានឲ្យដឹងថា ស្ត្រីឈ្មោះ យក់ នាង ដែលជាអតីតសមាជិកក្រុមប្រឹក្សារាជធានីភ្នំពេញ នៃអតីតគណបក្សសង្គ្រោះជាតិ ដែលបានត្រូវតុលាការរំលាយនោះ ធ្លាប់រត់គេចខ្លួនទៅប្រទេសថៃ កាលពីចុងឆ្នាំ ២០១៩ ក្រោយពីតុលាការបានចេញដីកាចាប់ខ្លួនស្ត្រីរូបនេះ និងមនុស្សមួយចំនួនទៀត ក្រោមបទចោទប្រកាន់ពីបទ «រួមគំនិតក្បត់» ដែលពាក់ព័ន្ធនឹងដំណើរវិលត្រឡប់របស់លោក សម រង្ស៊ី ដែលជាទណ្ឌិតក្នុងព្រឹត្តិការណ៍ ៩ វិច្ឆិកា ២០១៩៕
អត្ថបទ៖ ឃួន សុភ័ក្រ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត