ព័ត៌មានជាតិ
សម្ដេចតេជោ ហ៊ុន សែន៖ នៅទសវត្សរ៍ ៧៩ ឬ៨០ យើងមិនខ្វល់ថា មានអ្វីកើតឡើងនោះទេ គិតតែមួយ គឺធ្វើយ៉ាងណាឱ្យរស់សិន
មានប្រសាសន៏ក្នុងពិធីសម្ពោធសមិទ្ធផលដែលជាគម្រោងការពារទឹកជំនន់ និងកែលម្អប្រព័ន្ធប្រឡាយ លូ ក្នុងរាជធានីភ្នំពេញជំហានទី៤ នាព្រឹកថ្ងៃពុធ ទី២០ ខែមេសា ឆ្នាំ២០២២ នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានមានប្រសាសន៍ថា នៅទសវត្សរ៍៧៩ និង ៨០ យើងមិនខ្វល់ថា មានអ្វីកើតឡើងនោះទេ យើងប្រឹងប្រែងធ្វើយ៉ាងណាឱ្យរស់សិន។
បើតាមសម្ដេចតេជោ ហ៊ុន សែន នៅពេលនោះ យើងប្រឹងប្រែងធ្វើយ៉ាងម៉េចទប់ស្កាត់ការវិលត្រឡប់មកវិញ នៃរបបប្រល័យពូជសាសន៍ប៉ុលពត។ ដែលនេះគឺជាការខិតខំរបស់យើង។ សម្តេចថា នាពេលនោះដៃម្ខាងទប់ស្កាត់ការវិលត្រឡប់មកវិញនៃរបបប្រល័យពូជសាសន៍ប៉ុលពត ដៃម្ខាងទៀតត្រូវប្រឹងប្រែងកសាងប្រទេសឡើងវិញពីបាតដៃទទេ។ យើងធ្វើពីទីក្រុងមួយ ដែលគ្មានមនុស្សនៅ មកដល់ដំណាក់កាលទីក្រុងមួយដែលមានការកកស្ទះ ណែនណាន់តាន់តាប់ដោយមនុស្ស ដោយយានជំនិៈ អគារ។
សម្ដេចនាយករដ្ឋមន្ត្រីបានអះអាងថា នៅទីក្រុងភ្នំពេញកាលនោះ រកសំរាមដឹកមិនបានទេ ដោយសារតែគ្មានអ្វីបរិភោគ ប៉ុន្តែមកដល់ដំណាក់កាលនេះមិនដូចគ្នាទេ គ្រាន់តែមិនបានយកសំរាមតែមួយអាទិត្យ គឺពេញទីក្រុងតែម្ដង ដូច្នេះបានជាយើងត្រូវខិតខំធ្វើនូវការងារទាំងឡាយ ដែលយើងត្រូវធ្វើ រួមមានការសុំជំនួយពីមិត្តភ័ក្រ និងកម្ចីពីបរទេសក្នុងការវិនិយោគខ្លួនឯង ដើម្បីកែលម្អ ហើយមិនត្រឹមតែនៅទីក្រុងភ្នំពេញទេ នៅខេត្តដទៃទៀត ក៏ត្រូវធ្វើបែបនេះទៀតដែរ។
បើតាមសម្ដេចតេជោ ហ៊ុន សែន ជប៉ុនមានផែនការជួយនៅតាមទីតាំងមួយចំនួនទៀត នៅតាមបណ្ដាខេត្តមួយចំនួននៅក្នុងប្រទេសកម្ពុជា ហើយយើងក៏បានធ្វើនៅតាមបណ្ដាទីតាំងមួយចំនួន ដែលដូចជានៅខេត្តព្រះសីហនុជាដើម ដែលយើងត្រូវសម្អាតសិន មុននឹងទម្លាក់ចូលសមុទ្រ។
គម្រោងសាងសង់សំណង់ ដើម្បីការពារទឹកជំនន់ និងកែលម្អប្រព័ន្ធប្រឡាយ-លូ ក្នុងរាជធានីភ្នំពេញ ជំហានទី៤នេះ ប្រើរយៈពេលសាងសង់ប្រមាណជា៣៦ខែ ដោយចាប់ផ្តើមគម្រោងពីថ្ងៃទី០១ ខែធ្នូ ឆ្នាំ២០១៨។ គម្រោងនេះ បាននិងកំពុងដោះស្រាយបញ្ហាទឹកលិចនៅតំបន់ជុំវិញ និងខាងជើងរមណីយដ្ឋានប្រវត្តិសាស្ត្រវត្តភ្នំក្នុងខណ្ឌដូនពេញ និងតំបន់ភូមិសាស្ត្រសង្កាត់បឹងកក់ទី១ សង្កាត់បឹងកក់ទី២ ក្នុងខណ្ឌទួលគោក ដោយបានចំណាយថវិកាប្រមាណ ៣៦លានដុល្លាអាមេរិក៕
អត្ថបទ៖ កោះកែវ
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២២ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore