ព័ត៌មានជាតិ
ឧត្តមសេនីយ៍ត្រី អុល ប៊ុណ្ណា នឹងចូលបំភ្លឺនៅតុលាការពាក់ព័ន្ធរឿងដីធ្លី ហើយស្នើសុំផ្តល់ភាពយុត្តិធម៌ដល់គ្រួសារលោក
លោកឧត្តមសេនីយ៍ត្រី អុល ប៊ុណ្ណា ស្នងការរងនគរបាលខេត្តកណ្ដាល បានឲ្យអ្នកសារព័ត៌មានដឹង នៅថ្ងៃទី ២០ ខែមេសា ឆ្នាំ២០២២នេះថា លោកនឹងចូលទៅបំភ្លឺ នៅចំពោះមុខសាលាដំបូងខេត្តពាក់ព័ន្ធជម្លោះដីធ្លីមួយកន្លែង ដែលត្រូវភាគីម្ខាងទៀតប្តឹង។ ប៉ុន្តែលោកអះអាងថា រឿងនេះកើតឡើងយូរមកហើយ ជាមួយឈ្មោះ ប៊ុន ចាន់សុធា។
លោកឧត្តមសេនីយ៍ត្រីស្នងការរង បានឲ្យដឹងបន្តថា រឿងហេតុដែលគេប្ដឹងលោក ទៅកាន់តុលាការខេត្តកណ្ដាល គឺផ្ដើមចេញពីជម្លោះដីធ្លីមួយជាយូរណាស់មកហើយ រវាងម្ដាយក្មេក, សាច់ញាតិខាងប្រពន្ធ និងឈ្មោះ ប៊ុន ចាន់សុធា។ លោកថា ឈ្មោះ ប៊ុន ចាន់សុធា មានបំណងរំលោភយកដីគ្រួសាររបស់លោក តែដឹងខ្លួនថានឹងចាញ់ ក៏ប្ដឹងម្ដាយក្មេក និងសាច់ញាតិរបស់លោកទៅកាន់តុលាការ តែម្តង។
សូមជម្រាបថា លោកឧត្តមសេនីយ៍ត្រី អុល ប៊ុណ្ណា ត្រូវបានលោក សេង រិទ្ធី ព្រះរាជអាជ្ញារង នៃអយ្យការអមសាលាដំបូងខេត្តកណ្តាល ចេញដីកាកោះហៅឲ្យចូលមកបំភ្លឺ ពីដំណើររឿងបំភាន់មន្ត្រីសុរិយោដី និងប្រើអំពើហិង្សាទៅលើអ្នក កាន់កាប់អចលនវត្ថុដោយសុចរិត តាមបណ្ដឹងរបស់ឈ្មោះ ប៊ុន ចាន់សុទ្ធា កាលពីថ្ងៃទី ១៨ ខែមីនា ឆ្នាំ ២០២២។
តុលាការបានកោះហៅលោក អុល ប៊ុណ្ណា ក្នុងនាមជា «ជនសង្ស័យ» មានទីលំនៅភូមិព្រែកត្រែង សង្កាត់សិត្បូ ក្រុងតាខ្មៅ ខេត្តកណ្តាល ឲ្យចូលមកកាន់អយ្យការអមសាលាដំបូងខេត្តកណ្តាល នៅថ្ងៃទី២៦ ខែមេសា ឆ្នាំ២០២២ វេលាម៉ោង ៨៖៣០នាទីព្រឹក។
ពាក់ព័ន្ធបញ្ហានេះលោក អុល ប៊ុណ្ណា បានប្រាប់បន្តថា លោកមិនទាន់បានទទួលដីកាកោះ ពីតុលាការនៅឡើយទេ ហើយលោកក៏មិនដឹងរឿងអ្វីដែរ។ ប៉ុន្ដែលោកនឹងចូលខ្លួនទៅបំភ្លឺ នៅចំពោះមុខតុលាការតាមការកោះហៅ ព្រោះដឹងថា ជម្លោះដីធ្លីរបស់គ្រួសារខាងប្រពន្ធនឹងឈ្នះ ដោយសារមានឯកសារទិញគ្រប់គ្រាន់ ខណ:ដែលភាគីខាងគេនោះ ចង់រំលោភយកតែពុំបានសម្រេច ក៏ប្ដឹងទៅតុលាការតែម្តង។
ទោះយ៉ាងណាលោក អុល ប៊ុណ្ណា បានស្នើសុំតុលាការខេត្តកណ្ដាល មេត្តាជួយផ្ដល់យុត្តិធម៌ដល់ម្ចាស់ដីពិតប្រាកដ និងសូមចាត់ការចំពោះជនខិលខូចតាមផ្លូវច្បាប់ បើរកឃើញថាមានទោសកំហុសនោះ។ យ៉ាងណាក៏ដោយ ក្រុមអ្នកសារព័ត៌មាន មិនទាន់អាចសុំការបកស្រាយពីភាគីម្ខាងទៀតឈ្មោះ ប៊ុន ចាន់សុធា បាននោះទេ៕
អត្ថបទ៖ ឃួន សុភ័ក្រ
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២២ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore