ព័ត៌មានជាតិ
ពិធីចុះអនុស្សរណៈលើឌីជីថល ផ្លែកហ្វម ទេសចរណ៍សម្រាប់ទីក្រុងឆ្លាតវៃសៀមរាប
សៀមរាប ៖ នៅសណ្ឋាគារ ម៉េម័រថោឡែសរីសត និង ស្ប៉ា ខេត្តសៀមរាប នាព្រឹកថ្ងៃទី ២១ ខែ មេសា ឆ្នាំ២០២២នេះ មានធ្វើ ពិធីចុះអនុស្សរណៈលើឌីជីថល ផ្លែកហ្វម ទេសចរណ៍សម្រាប់ទីក្រុងឆ្លាតវៃសៀមរាប រវាងសមាគមក្លឹបទេសចរណ៍សៀមរាប និងក្រុមហ៊ុននីបប៉ុងកូអេ ក្រោមវត្តមានលោក លី សែ អគ្គនាយកគ្រឹះស្ថានអង្គរ និងលោក KAWAGUCHI / Masaki ប្រធានការិយាល័យកុងស៊ុលជប៉ុន ប្រចាំខេត្តសៀមរាប ដោយមានការចូលរួមពីសំណាក់លោកឧកញ៉ា ប្រធាន សភាពាណិជ្ជកម្មខេត្តសៀមរាប.ឧត្តរមានជ័យ អស់លោក លោកស្រីជាថ្នាក់ដឹកនាំមន្ទីរ និង សហភាពសហព័ន្ធយុវជនកម្ពុជាខេត្ត ព្រមទាំងសមាជិកសមាគមក្លឹបទេសចរណ៍ និង បុគ្គលិកក្រុមហ៊ុនមួយចំនួនផងដែរ។
បន្ទាប់ពីលោក ហ្វីលីព កៅ ប្រធានសមាគមក្លឹបទេសចរណ៍សៀមរាប បានបញ្ជាក់ពីគោលបំណងលើការចុះអនុស្សរណៈ ក្នុងការពង្រឹងកិច្ចសហប្រតិបត្តិការរវាងវិស័យឯកជន និង ស្ថាប័នសាធារណៈ ដែលពាក់ព័ន្ធ ក្នុងការពន្លឿនតាមបែបឌីជីងលលើគោលដៅទេសចរណ៍ និង ការកសាងប្រព័ន្ធអេកូនៃអាជីវកម្មទេសចរណ៍ឆ្លាតវៃមួយ ។
ក្នុងនោះដែរលោក NISHINO / Ken ប្រធានក្រុមហ៊ុននីបប៉ុងកូអេ បានបញ្ជាក់អំពីសកម្មភាពរបស់ក្រុមហ៊ុន បានចូលរួមក្នុងកិច្ច អភិវឌ្ឍនៅកម្ពុជានាពេលកន្លងមក ។ លោកបន្តទៀតថា ការចុះហត្ថលេខាលើអនុស្សរណៈ នៃការយោគយល់ ស្តីពីការ លើកកម្ពស់វិស័យទេសចរណ៍ក្នុងបរិបទកូវីដនេះ ប្រកបដោយនិរន្តរភាព និងភាពឆ្លាតវៃក្នុងខេត្តសៀមរាប។
មានប្រសាសន៍នោះដែរលោក KAWAGUCHI / Masaki ប្រធានការិយាល័យកុងស៊ុលជប៉ុន ប្រចាំខេត្តសៀមរាប បានបញ្ជាក់ថា ក្នុងកំឡុងពេល នាយករដ្ឋមន្ត្រីទាំងពីរ បានទទួលស្គាល់ នៃការទំនាក់ទំនងប្រទេសទាំងពីរស្ថិតក្នុងកម្រិតល្អបំផុត ។ លោកបានបន្តទៀតថា នាយករដ្ឋមន្ត្រីទាំងពីរមានទស្សនៈរួមគ្នាថា វិស័យឌីជីថលពិតមានសក្តានុពល ក្នុងការលើកកម្ពស់ទំនាក់ទំនងទ្វេភាគី ឲ្យកាន់តែរឹងមាំថែមទៀត ។ លោកក៏បានលើកផងដែរថា សម្តេចតេជោ ហ៊ុន សែន នាយករដ្ឋមន្ត្រី បានវាយតម្លៃខ្ពស់ប្រទេសជប៉ុន បានកំពុងរួមចំណែកដល់ការសម្រេចបាននូវទីក្រុងឆ្លាតវៃនៅកម្ពុជា ។ ម្យ៉ាងទៀតលោក NISHINO Koei បានដើរតួនាទីជា ទីប្រឹក្សាគម្រោងទីក្រុងឆ្លាតវៃមួយចំនួននៅខេត្តសៀមរាប ក្នុងរយៈ ពេល២ឆ្នាំចុងក្រោយ ហើយលោក NISHINO Koei ក៏ជាដៃគូរដ៏ល្អឥតខ្ចោះរបស់សមាគមក្លឹបទេសចរណ័សៀមរាប ដើម្បី លើកកម្ពស់វិស័យទេសចរណ៍ប្រកបដោយនិរន្តរភាព និង ភាពឆ្លាតវៃ ក្នុងក្រុងប្រវត្តិសាស្ត្រមួយនេះ ។
លោកក៏បានធ្វើការបញ្ជាក់ថា រាជរដ្ឋាភិបាលប្រទេសជប៉ុន កំពុងតែជួយខេត្តសៀមរាបលើវិស័យ ផ្លូវថ្នល់ ការផ្គត់ផ្គង់ទឹកស្អាត ប្រព័ន្ធលូ វិស័យសុខាភិបាល ការអភិរក្សបរិស្ថាន ,ការបណ្តុះបណ្តាលធនធានមនុស្ស និង ផ្នែកវប្បធម៌ ។ លោកមានការជឿជាក់ថា ពិធីចុះហត្ថលេខាពេលនេះ នឹងក្លាយជានិមិត្តសញ្ញាមួយទៀត នៃមិត្តភាពរវាងជប៉ុន និងកម្ពុជា។
មានប្រសាសន៍នោះដែរលោក លី សែ អគ្គនាយកគ្រឹះស្ថានអង្គរ បានសម្តែងការសាទរនិងចាត់ទុកការចុះហត្ថលេខាលើអនុស្សរណៈយោគយល់ស្តីពីការលើកកម្ពស់វិស័យទេសចរណ៍ប្រកបដោយនិរន្តរភាពនិងភាពឆ្លាតវៃក្នុងខេត្តសៀមរាប នឹងនាំមកនូវផ្លែផ្កាសម្រាប់ភាគីទាំងពីរក្នុងគោលដៅទេសចរណ៍ឆ្លាតវៃខេត្តសៀមរាប និង ជាចំណែកមួយយ៉ាងសំខាន់ របស់វិស័យឯកជនចូលរួមជាមួយវិស័យទេសចរណ៍ ដែលជាចលករដ៍មានសារៈប្រយោជន៍ក្នុងការជួយជំរុញដល់វិស័យទេសចរណ៍ឲ្យងើបឡើងវិញបន្ទាប់ពីរងផលប៉ះពាល់ដោយសារវិបត្តិនៃជម្ងឺកូវីដ-១៩អស់រយៈពេលជាងពីរឆ្នាំកន្លងមក ហើយក៍ស្របទៅនឹងគោលដៅយុទ្ឋសាស្ត្ររបស់រាជរដ្ឋាភិបាលកម្ពុជាក្នុងការអភិវឌ្ឍវិស័យទេសចរណ៍នៅខេត្តសៀមរាបសម្រាប់ឆ្នាំ២០២១-២០៣៥ឲ្យទទួលបានជោគជ័យ ដើម្បីលើកស្ទួយកំណើនសេដ្ឋកិច្ច បង្កើនការងារ និងកាត់បន្ថយភាពក្រីក្រ ទៀតផង ។
ក្រុងសៀមរាប បន្ទាប់ពីបានដាក់បញ្ចូលទៅក្នុងសមាជិកនៃបណ្តាញទីក្រុងឆ្លាតវៃអាស៊ានកាលពីឆ្នាំ២០១៨មក រដ្ឋបាលខេត្តនិងរដ្ឋបាលក្រុង បានបង្កើននូវចំណាយសាធារណៈវិនិយោគទៅលើហេដ្ឋារចនាសម្ព័ន្ធក្នុងក្រុង ជាគោលដៅដើម្បីសម្រេចបាននូវការកសាងទីក្រុងឆ្លាតវៃសៀមរាបឲ្យស្របតាមផែនការទីក្រុងឆ្លាតវៃនៃសមាគមបណ្តាញទីក្រុងឆ្លាតវៃអាស៊ាន តាមរយៈការស្នើសុំជំនួយកិច្ចសហប្រតិបត្តិការបច្ចេកទេស សម្រាប់រៀបចំទីក្រុងឆ្លាតវៃក្នុងក្រុងសៀមរាប ពីទីភ្នាក់ងារសហប្រតិបត្តិការអន្តរជាតិជប៉ុន(Jica)។
ជាលទ្ធផល Jica បានទទួលយកសំណើនិងបានជួយរៀបចំក្រុងសៀមរាបជាទីក្រុងឆ្លាតវៃអាស៊ាន តាមរយៈការសិក្សាស្រាវជ្រាវអស់រយៈពេលជាង១ឆ្នាំហើយក្រុមកាងារបានជួយរៀបចំសេចក្តីព្រាងផែនការចង្អុលផ្លូវ ជួយសិក្សាផែនទីចង្អុលផ្លូវសម្រាប់កាត់បន្ថយផលប៉ះពាល់នានាផងដែរ៕
ដោយ ៖ គឿនវេត
-
ព័ត៌មានជាតិ៦ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម១ សប្តាហ៍ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ៥ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ១ សប្តាហ៍ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
សេដ្ឋកិច្ច១ សប្តាហ៍ agoកម្ពុជា មានក្រុមហ៊ុននាំចូលសាច់បង្កកចំនួន ៥៧
-
ព័ត៌មានជាតិ១ សប្តាហ៍ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ១ សប្តាហ៍ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS
-
សន្តិសុខសង្គម៤ ថ្ងៃ agoសមត្ថកិច្ចចុះស្រាវជ្រាវករណីព្រះសង្ឃចាក់សាក់លើរាងកាយស្ត្រីបង្ហោះ TikTok រកឃើញព្រះសង្ឃ ៥អង្គមានសារធាតុញៀន